صوت طقة خفيفة في e90

[mezo73]

السلام عليكم الزملاء الاعزاء وكل عام وانتم بخير
انا عربيتي e90 موديل 2011 وماشي 30 الف
ساعات بسمع صوت طقة خفيفة في العفشة من الناحية اليمين
المهم الميكانيكي بتاعي ركب العربية وجربها وقالي بارة الدركسيون وان دة عيب شائع
السؤال هو اروح التوكيل علما بان العربية في الضمان وهايغيروها علي حسابهم ولا اية النظام ولا هايعتبروها زي تيل الفرامل

[IMG=http://img19.imageshack.us/img19/3563/2jex.jpg][/IMG] Uploaded with ImageShack.us

[Grendizer]

وعليكم السلام ورحمة الله
أنا عندي نفس العربية ونفس السنة كمان :)
وبسمع نفس الطقة فعلاً وناحية اليمين كمان بس!
بس قولت يمكن من الكاوتش (رن فلات) علشان هو ناشف!

لكن التوكيل بالنسبة لي أفضل شيء
بالتوفيق ان شاء الله

[mezo73]

غريبة جدا نفس المشكلة من الواضح انة عيب شائع
عموما حضرتك اللي يروح التوكيل الاول يبقي يقول للثاني او ممكن نتفق ونحجز في نفس اليوم في القطامية
لاني اخر مرة عملت الصيانة في الماظة وغالبا هو اصغر من القطامية والمهندسين كمان صغيرين
[url=http://imageshack.us/mobile/gallery.php]ImageShack

[Grendizer]

فعلاً فرع القطامية أكبر والصيانة به أفضل
حبلغ حضرتك قبل الحجز
بس كده غالباً حيكون بعد العيد بفترة لظروف سفري
شكراً

[svneleven]

فيه جديد يا جماعة؟ أصلي معايا أخت عربياتكو لكن مش بسمع الطقة ديه الصراحة فكنت عاوز أعرف ايه المشكلة.

[ahmed_alhadidy]

انا كانت عندي الطقه دي بس طلعت تيش ميزان

[mezo73]

تم حل المشكلة عن طريق م /حسين في توكيل القطامية
استقبلني م /حسين وهو شخصية محترمة جدا ورفع العربية وكشف علي العفشة بالكامل وقالي مفيش فيها اي حاجة
وقالي نطلع نجرب العربية سوا المهم قعدنا كتير والصوت اللعين مش عاوز يظهر لغاية لما ظهر الصوت
المهم بدون اطالة طلع الصوت من الكبوت كل الموضوع ان فية رجلاش للكابوت من ناحية الزجاج من الناحية الشمال كان عاوز يترجلش وهو سبب الطقة
وطلعلي العربية فورا بدون اي مصاريف وكان عاوز يدخلي العربية الغسيل بس انا مارضيتش اتقل علية
وتوتة توتة فرغت الحدوتة