استشارة في شراء 530i او 523i

[حلواني]

دلوقتي بنسبة كبيرة قررت اشتري بي ام ان شاء الله
ومش بافهم فيها طبعا بس القسم ده افادني كتير ونورني شوية وحدد اختياراتي
المتاح الان امامي:
530i سيسي 3200 مو 2008 عاملة 120 الف كم 290 الف جنيه
523i سي سي 2500 مو 2006 عاملة 47 الف كم 250 الف جنيه
اختار انهي وليه؟ والسعر مناسب واللا ينزل لكام؟
وهل فيه اقتراحات بموديلات او سنين افضل؟
شكرا مقدما

[amrico]

اولا ربنا يوفق حضرتك للي فيه الخير

ثانيا الفرق كبير بين العربيتين

ال 2008 اللي هي الفيس ليفت، الفتيس الجديد وشوية تغييرات في الصالون عن قبل الفيس، دا غير موتور ال 530 جبار طبعا، وعلى فكرة 120000 كيلو مش كتير للعربية دي لوكانت بتعمل الصيانة في مواعيدها
ال 2006 الفتيس القديم وتعتبر اخر حاجة قبل الفيس ليفت بس بصراحة حكاية 47000 كم تخلي الواحد يفكر :-) .

مشكلتنا في مصر ان ال530 تقيلة في البيع رغم انها رائعة، زي المرسيدس تلاقي الs ال350 ماشية في البيع اكتر من ال500

الضريبة السنوية اكيد هاتفرق لصالح ال523 على اساس المحرك الأصغر والموديل الأقدم

مش متأكد ال 530 بتدفع كام في السنة لكن بالقياس عندي انا معايا 525 2007 بدفعلها حوالي 5000 جنيه ضريبة سنوية، ممكن ال 530 تخش في 7000 ولا حاجة

تكاليف الصيانة اتوقع ان كل ال e60 زي بعض.

ربنا يوفق حضرتك للي فيه الخير

على فكرة انا كنت فاكر نفسي عضو قديم بس حضرتك اقدم مني هنا في نايل موتورز :-)

رقم العضوية 870 دا جامد جدا، تبيعه :-)

[برنس الليالي]

عندك مكان تجيب منه مستعمل مضمون الأول ؟

[حلواني]

اولا ربنا يوفق حضرتك للي فيه الخير

ثانيا الفرق كبير بين العربيتين

ال 2008 اللي هي الفيس ليفت، الفتيس الجديد وشوية تغييرات في الصالون عن قبل الفيس، دا غير موتور ال 530 جبار طبعا، وعلى فكرة 120000 كيلو مش كتير للعربية دي لوكانت بتعمل الصيانة في مواعيدها
ال 2006 الفتيس القديم وتعتبر اخر حاجة قبل الفيس ليفت بس بصراحة حكاية 47000 كم تخلي الواحد يفكر :-) .

مشكلتنا في مصر ان ال530 تقيلة في البيع رغم انها رائعة، زي المرسيدس تلاقي الs ال350 ماشية في البيع اكتر من ال500

الضريبة السنوية اكيد هاتفرق لصالح ال523 على اساس المحرك الأصغر والموديل الأقدم

مش متأكد ال 530 بتدفع كام في السنة لكن بالقياس عندي انا معايا 525 2007 بدفعلها حوالي 5000 جنيه ضريبة سنوية، ممكن ال 530 تخش في 7000 ولا حاجة

تكاليف الصيانة اتوقع ان كل ال e60 زي بعض.

ربنا يوفق حضرتك للي فيه الخير

على فكرة انا كنت فاكر نفسي عضو قديم بس حضرتك اقدم مني هنا في نايل موتورز :-)

رقم العضوية 870 دا جامد جدا، تبيعه :-)

شكرا جزيلا ربنا يبارك فيك :)
مش بالعضوية بالمشاركات والافادة
وانت سابقني فيهم بكتير ما شاء الله :)

[حلواني]

عندك مكان تجيب منه مستعمل مضمون الأول ؟

انا بادخل مواقع كونتاكت كارز و4سيدان وباستخير وباكشف في بنزينة او في التوكيل
ايه اقتراحاتك؟

[amrico]

شكرا جزيلا ربنا يبارك فيك :)
مش بالعضوية بالمشاركات والافادة
وانت سابقني فيهم بكتير ما شاء الله :)

مشاركات وإفادة :) ؟؟؟؟

دا انا غلبااااااااااان اوي

المنتدى ما شاء الله فيه وحوش وانا استفدت منهم كتييييير اوي، و بإذن الله هايفيدوا حضرتك اكتر مني

انا بس بحاول على قدي

على فكرة لو هاضيف حاجة لو حضرتك شوفت العربيتين قدامك اكيد ال530 شدتك اكتر حتى كشكل خارجي

ال 47000 كيلو دول للعربية ال 523 نتيجة ان العربية مركونة ولا استعمال خفيف ولا ايه؟

[برنس الليالي]

انا بادخل مواقع كونتاكت كارز و4سيدان وباستخير وباكشف في بنزينة او في التوكيل
ايه اقتراحاتك؟

انا شايف انك تجيب 330 موديل 2010 حتبقى اجدد وعداد خفيف وأضمن بكتير من الموديلات القديمة دي وحتلبي كل رغباتك

[maskeen]

ال 47 الف اللى فى ال523 دول اكيد ملعوب فيهم

البى ام لازم يتكشف عليها فى التوكيل..اوعى موضوع البنزينه والكلام ده

اوعى تكسل او تأمن للبائع والا هاتندم كتير قوى

[حلواني]

ال 47000 كيلو دول للعربية ال 523 نتيجة ان العربية مركونة ولا استعمال خفيف ولا ايه؟

ما عنديش فكرة بس ح اسأله، وإن كنت اعتقد اني ح اتجاهل العربية دي ما دام غريبة ان العداد يكون قليل كده

انا شايف انك تجيب 330 موديل 2010 حتبقى اجدد وعداد خفيف وأضمن بكتير من الموديلات القديمة دي وحتلبي كل رغباتك

العائق الوحيد اني طويل ومحتاج غير مساحة الصالون ليا مساحة وبراح للي معايا

ال 47 الف اللى فى ال523 دول اكيد ملعوب فيهم

البى ام لازم يتكشف عليها فى التوكيل..اوعى موضوع البنزينه والكلام ده

اوعى تكسل او تأمن للبائع والا هاتندم كتير قوى

حاضر وشكرا للتنبيه، فين اقرب واحد من التجمع؟

[amrico]

متابع

[Merooxx]

بانسبالي انا كنت بشوف عربية bmw 530 2007 كان الراجل بيتكلم في 230000 ماشية حوالي 40000 بس زيروووووو السعر الي حضرتك كاتبة عالي اوي خصوصا ان الشكل الجديد نزل وفي رنج 370000 الي 400000 ولو محتاج نمرته اجبهالك

[Eslam.Elrefaey]

بس حضرتك نصيحة منى سيبك من اسعار النت دى خالص لان ال 530 بالذات ومعرفش ليه جايز علشان ضريبتها بس سعرها واااااااااااااقع جدا يعنى كان فى حاجات حالات نظيفة بتتباع ب 200 واهم حاجة اكشف إن شاء الله فى التوكيل

[novo]

دلوقتي بنسبة كبيرة قررت اشتري بي ام ان شاء الله
ومش بافهم فيها طبعا بس القسم ده افادني كتير ونورني شوية وحدد اختياراتي
المتاح الان امامي:
530i سيسي 3200 مو 2008 عاملة 120 الف كم 290 الف جنيه
523i سي سي 2500 مو 2006 عاملة 47 الف كم 250 الف جنيه
اختار انهي وليه؟ والسعر مناسب واللا ينزل لكام؟
وهل فيه اقتراحات بموديلات او سنين افضل؟
شكرا مقدما

ال530 سعرها كده غالى أخرها 240 ألف

523 كيلوتها حلوة بس موديلها قديم شوية ممكن تخلص 220-230

لو بتحب السواقة و تقدر على فرق الفلوس فال530 تجربة ممتازة و أوبشنز رهيبة...مش هتفكر فى عربيات قبل 10 سنين

[amrico]

بس حضرتك نصيحة منى سيبك من اسعار النت دى خالص لان ال 530 بالذات ومعرفش ليه جايز علشان ضريبتها بس سعرها واااااااااااااقع جدا يعنى كان فى حاجات حالات نظيفة بتتباع ب 200 واهم حاجة اكشف إن شاء الله فى التوكيل

فعلا من سخرية القدر وفقط في مصر

ال 525 اغلى من ال 530 وال المرسيدس ال e اغلى من ال s

[حلواني]

طيب بالنسبة للصالون وكرسي السائق، فيه في التلتميات حاجة تشبه للخمسميات؟