كان هيتعمل عليا احلى شغل وحبيت انبهكم

[eng hussein]

السلام عليكم ورحمه الله
من شهرين اشتريت بى ام 320i مو 2011 عامله 60 الف ك وبحاله الزيرو
المهم حبيت اشيك عليها عشان اطمن وسئلت صديق معاه بى ام من فتره عن مركز موثوق فيه
قالى فيه واحد اسمه نور فى ش احمد عرابى فى المهندسين وشكر فيه كتير
سمعت كلامه وروحت لعمنا نور قولتله لسه شاريها وانا مش بعرف غير انى اسوق وعاوز اشيك عليها والعفشه بالتحديد
رفعو العربيه ونزل تحت ولف وبعد شويه قالى هكتبلك اللى هيتغير
لقيته كاتب ايه بقى خد عندك
2 مساعدين امامى ومقصين امامى وحاجتين بردو جنبهم مش فاكر اسمهم ايه شدادات او مش فاكر وبارات دريكسيون وقاعدتين ماتور وجلب عمود اتزان وقاعدتين فتيس
طبعا انا اتصدمت من اللى سمعته دى العربيه لسه جديده ؟؟؟؟؟؟ غير بقى المفاجأه
فى اخر الفاتوره الاجمالى 12750 جنيه ومصنعيه 1000 جنيه واكراميات وبتاع يعنى 14 الف جنيه
سكت شويه واتهبلت وقولتله طيب اشتغل او يمكن اتكسفت اقول حاجه واديته عربون 3000 جنيه ومشيت
اخدت تاكسى ورايح فيصل وطول الطريق بفكر وحاسس انى اتعمل شغل كبير اوى عليا
اتصلت على ممدوح بتاع قطع الغيار وسئلته على اسعار بعض الحاجات دى فلقيت فرق سعر كبير
ففوقت ومصدقت لقيت سبب واتصلت عليه بعد ماوصلت الرمايه وقولتله متعملش حاجه فى العربيه لحد ما اجى
وقولت لسواق التاكسى لف وارجع
المهم روحت اخدت العربيه وقالى عاوزين 100 جنيه كشف
قولت مش هعمل مشكله وبسيطه ودفعتها ومشيت
اتصلت بشيكو حبيبى اللى معانا هنا فى المنتدى قالى اروح لميدو فى الحرفيين وهو هيوصلنى لحد
روحت من يومين ليه وودانى لولد بتاع بى ام الله يباركله
كشف على العربيه بالتفصيل وقالى العفشه زى الفل ولسه جديده ومش محتاج غير جلبتين شدادات ب 400 جنيه وممكن كمان ميتغيروش دلوقتى
عدت الكلام عليه وقولتله ياعم بص كويس فاستغرب من اصرارى وبص تانى بنفسه وقالى والله مافيها حاجه فقولتله اللى حصل بدون ذكر اسماء
قالى بياخدو الحاجات اللى بيطلعوها ويبعوها تانى وبيحطلك حاجات طلعت بردو من عربيه زيك كده
ومهما كان اللى هيركبهولك مش هيكون زى اللى نازل فيها
المهم غيرت جلب الشدادات وروحت اظبط زوايا والولد بتاع الزوايا كان فاهم اوى
قولتله بص عالعفشه تانى محتاجه حاجه ؟؟ قالى زى الفل العربيه لسه جديده

وال 14 الف اللى كنت هدفعهم والله اعلم كان هيركبلى ايه كمان دفعت 700 جنيه اول عن اخر فى كل حاجه

خلاصه الموضوع حبيت اشاركم تجربتى واحذركم من البنى ادم ده وحسبى الله ونعم الوكيل فى النصابين

[tarekzein]

الله لا يبارك له
شكرا للتحذير

[mastr_n]

ياباشا الحمد للة ان ربنا نبهك فى الوقت المناسب

انا اقسملك باللة العربيى كانت اتخبطت منى قبل كدة وروحت لمركز من مراكز الصبانة اياهم
علشان كان كل همى انها ترجع زيرو تانى ولاقبتهم عمالين يصوروا العربية وقعددونى فى الانترية هههههههههه
وشوية شاى وبعد الكشف المبدئى كام ياعم قالى بالمصنعية هاتخش فى 10000 جنية انا اتصدمت بحد
وفعلا كنت هاعملها لولا واحد صاحبى على اخر لحظة قالى بلاش وانا عارف سمكرى هايعملهالك احسن منهم

المهم العربية ماصرفتش 3000 جنية بكل حاجة
الخلاصة التوكيلات ومراكز الصيانة بس للسيرفس وتغير الزيت والكلام دة غير كدة شغل نصب رسمى

[monamize4]

يااااااااااااااااااااااه

كان عايز يعمل شغل ف العفشة ب 14 الف جنية ف عربية موديل 2011 مكملتش 100 الف كيلو !!!!!!!!!!!!

[ahmed7arery]

الدنيا لسه فيها ناس كويسه كتييييييييييييير ...... واللي يسأل مايتوهش>>> تحياتي

[Amr Elshamy]

انت غلطان انك استعجلت واديته عربون انا لو منك بالله كنت عملت عليهم حفلة .. احمد ربك كدا انك متزقتش والواحد مش بيتعلم ببلاش يا ريس

[AhMeD MeTwAlY]

اولا تحياتي لنقل التجربه لان في ناس بتنخدع كتير
عايز تبقئ تمام ولو حصل حاجه في عربيتك خش القسم بتاع بي ام وشوف المشاركات والاعطال او المشاكل الي بتواجهم وشوف الردود
ولما تحب تعمل شغل في العربيه ولقيت الي قدامك مزودها حبتين اسأل واحد تاني وتالت انت بعمل بفلوسك

[Silent~Dream]

الحمد لله ان ربنا نبهك قبل ما كنت هتقع و فلوسك تضيع فى الهوا و حسبى الله و نعم الوكيل فى عديمى الضمير

[shawke hamed]

الله معاك

[msobhy]

الله لا يبارك له
شكرا للتحذير

الله لا يبارك له

[akmm]

حسبى الله ونعم الوكيل الناس دى ممكن تستحل الفلوس دى ازاى ؟

[Ahmed_Adham]

حضرتك كشفت على العربيه قبل ما تشتريها ولا لاء؟ المفروض كنت تبقى عارف حالتها قبل الشرا وعارف هيه محتاجه تغيير ايه بالظبط. والحمد لله انها جت على قد مصاريف 700 جنيه وياريت تكشف على ميكانيكا العربيه لو فيه حاجه محتاجه صيانه كمان وبالمره تشوف حاله الكاوتش والفرامل عشان تبقى في المضمون.

[eng wael]

قدر الله وماشاء فعل والحمد لله انك خلصت منهم
بس يا فندم البلد دى من كتر ما الواحد شاف من ناسها لاتثق فى اى حد نهائيا يعنى لازم تسال كذا واحد متاخدش الكلام من اول مرة ثقه
وبعدين الامور دى مفيش فيها احراج وخصوصا لو الاحراج هيكلفك 14 الف
مبروك عليك العربيه وربنا يباركلك فيها ويكفيك شر المستغلين

[أحمد جودة]

اشكرك لنقل التجربة .......... خلاص انعدم الضمير فى كل شيئئ

أسوء مافي الموضوع أنه هيفك حاجة اصلية بتاعت العربية ويركبلك حاجة غيرها الله اعلم بيها

ياولاد ستين تييييييييييييت يسرق قطع غيار وينصب فى الفلوس كمان

[2CODE]

انت تروح ليه عند افراد ؟؟؟؟؟؟؟؟ مالو عايز التوكيل اطلع على البافارية على طول ؟؟؟؟؟؟؟؟؟؟

انما هتروح لشويه مراكز زباله استحمل بقى وولايهمك ملحوقه ياعم والحمد لله والف الف مبروك العربية واتمتع بيها