محتار أركب إيه بعد السيفيك!!!

[Horsepower]

السلام عليكم وحوش بي إم,
أخوكوا من قسم هوندا ... معايا سيفيك 2009 من أربع سنين والحمد لله شوفت فيهم دلع وراحة وشقاوة وتوفير عظمة على عظمة ......... المهم دلوقتي عايز أغير والحق يقال (عايز أغير لعربية عالية) .. طبعا مفهوم السبب كدة :) ... دورت كتير وشوفت كتير وسألت كتيييييير وأخيرا (تقريبا) رسيت على بعض الخيارات أولهم ال x1 ثم ال xv ثم القاشقاي
تنصحوني بإيه؟
وإيه مشاكل أو عيوب ال x1 إللي ظهرت مع أصحابها؟ (بصراحة هو ده السؤال المهم عندي وإللي مش هلاقيه برة)
شكرا مقدما لكل الردود

[|SAQR|]

وعليكم السلام, ال x1 ملهاش سمعة سيئة بالعكس محدش اشتكى منها وفي ناس حجزتها في الوقت الحالي وبعدين حضرتك مش حتسمع عنها مشاكل بإذن الله

وهي افضل من اللي حضرتك ذكرتهم, ال xv مش منتشرة ومش حقدر افيدك بس إن شاء الله احد المجربين يساعدوك

القشقاي انا افضلها عن ال xv وعربية ذات تقييم عالي ثابتة وواسعة وسعر معقول بس في سمعة شبه مؤكدة عن مشكلة في الفتيس والله اعلم

في حفظ الله ورعايته