تغيير ترس البندكس-المارش في e90

[Karim_Monir]

السلام عليكم ورحمه الله
ظهرت عندي في ال e90 مو 2007 -316 مشكلة تاخر الدوارة
بمعني اني سامع المارش بيدور ويكحت لكت مابيلقطش
سالت في المشكلة ودورت وعرفت انه ترس البندكس
سيبتها كذا شهر لان مفيش منها ضرر ولا مشكلة علي باقي العربية لغاية ما بقت تدور مرة و 5 لاء
خدت بعدي وبعد سؤال اهل الخبرة عن كهربائي محترم قالولة محمود بي ام في بلوك 7 في الحرفيين
روحتلة قاللي لو المارش بوش هانعرف نغير الترس لو مريلي مش هايتغير
قولتله هل في موديلات معينة لان ياسر الصياد زميلنا غير المارش كلها وهو 320
فقولت ممكن العشرين المصري كلها مريلي
قاللي مش متاكد
فتحنا لقينا المارش بوش وتم شراء ترس مارش بوش اصلي ب 300 جنيه
وهو اخد 300 بعد طلب 350
هو شاطر كدة لكن الموضوع اخد وقت لانه بيفك حاجات كتتير وبامانة كل مسمار وبلاستكة رجعت مكانها وده كان اهم عندي من الاصلاح
وقت الاصلاح الفعلي اخدحوالي 4 ساعات لانها تحت الموتور قريب من الفتيس تحت
حبيت انقل التجربة كعادتنا في نايل موتورز للافادة

[maskeen]

ترس مارش ب 300!!! امال المارش كله بكام؟

اصل اللى انت بتقوله ده ابتدى يحصل عندى بالحرف

[FAR!D]

تسلم يا باشا على نقل تجربتك

[MITSUKERO]

اهم من الشغل ظبط الشغل

مبروك ياباشا

[Dr/ P.K.Sh]

تسلم يا باشا

[Karim_Monir]

ترس مارش ب 300!!! امال المارش كله بكام؟

اصل اللى انت بتقوله ده ابتدى يحصل عندى بالحرف

ماهو للاسف الترس ده في ال 90 وال 60 باين انه بلاك ليست لانها بتحصل كتير

المارش بين 1200 ل 1500 لو سليم ماتفتحش لو اتفتح واتصلح ممكن من 800 ل الف

[ابو لؤى]

مبروك

[WaleedOmar1]

استاذ كريم

اي تقييمك للعربية لأني بفكر اشتري واحدة مو ديل 2007 او 2008و

شكرا لك مقدما

[Karim_Monir]

شكرا يا احمد
ولييد العربية حلوة عيبها بالنسبالي انها تقيلة طن ونص لكن بيعوضها معايا انها مانيوال
ال 20 احسن بس انا عاشق للمانيوال بطريقة غير طبيعية
وكمان عفشتها الي حد ما ما بتستحملش شوارعنا عشان الوطي والنقر
غير كدة لو طلعت علي الطريق
انت ملك الطريق بلا منازع اداء وثبات خزعبلي عزل حلو جدا
ده كدة وناشفة شوية عشان انا سايبها بالران فلات مركبتش كاوتش عادي
اه
استهلاك البنزين جوة البلد وحش جدا جدا
بيوصل ل 15 ليتر في ال 100 ك وده الطبيعي مع وزنها ده
عالطريق ممكن مع المشي معقول 13 مثلا بدون قرص تعمل من 6 ل 7 ليتر في ال 100 كم بالتكييف ونص حمولة كمان
بس من غير شد وقرص

[WaleedOmar1]

شكرا يا اخ كريم لردك
انا لا بتاع شد و لا جري و اكبر سرعة جريت عليها في حياتي لم تتجاوز 140 كم و كانت في المانيا كمان مش في مصر
ان عايز عربية كويسة مريحة و في نفس الوقت شوية برستيج علشان الشغل
مشواري اليومي ان شاء الله من فيصل لحد التجمع الخامس و و شوية تمشية في و سط البلد و سفريتين او تلاتة كل شهر لاسكندرية او بورسعيد

اخر سؤال يا باشا

تكاليف الصيانة عاملة اية ؟ و لو عايز واحدة اجيبها منين و فين افضل معرض ؟ و متوسط السعر كام ؟

, شكرا لك

[Karim_Monir]

ماهو انت عايز ايه مانويال ولا اوتو
16 ولا 20
البدجت كام عشان اريحك
صيانتها قريبة قوي من اليباني ال 2008 و 2009 بس توديها للي بيفهم فيها مش اي حد بيعك والقسم محدش هايتاخر عنك وطبعا هي ركوبة بس ناشفة شوية عشان الثبات

[WaleedOmar1]

من 125 -150 الف

316 او 320 مفيش مشكلة

[Karim_Monir]

لا كدة هاتركب 316 مانيوال موديل 2006 او 2007
320 اوتو تبدء من 160