نصيحه في تغيير زيوت e39 ( فرامل وباور وفتيس وكرونه)

[mhmdalsaadany]

السلام عليكم يا رجاله البيمر الكرام
انا معاياe39 2001 وكنت عايز اغير زيوت الفتيس والكرونه والفرامل والباور نضافه عشان انا لسه شاري العربيه من كام شهر وعايز اطمن وخصوصا اني اتأكدت من صاحب العربيه مكنش مهتم بيها في الاخر بديل انه كان مركب كل بوجيه ماركه وشكل مختلف المهم تنصحوني بايه رغم اني معنديش اي استيكر على الفتيس الاستب ترونيك او الكرونا انهي زيوت ودرجه لزوجه انسب لكل ما سبق
وشكراً مقدماً

[mhmdalsaadany]

شكراً

[super_desperado]

بص يا باشا بالنسبه لزيت الباور فهو زيت موبيل الاحمر العادى والعلبه بتاعته رصاصى ورقمه ATF 220
وهتاخد 2 لتر اواقل
بالنسبه لزيت الكرونه خلى الميكانيكى يشوف مقياس الزيت الاول من طبه زيت الكرونه لانه ممكن ميكنش ناقص ولو ناقص هتحطله زيت موبيل 75w90
زيت الفرامل ملوش لازمه انه يتغير ولو عاوز تغيره يبقى موبيل Dot. 4 هتاخد تقريبا 4 علب
اهم حاجه مياه الريداتير ودى بتاخد من 5 الى 6 لتر ،هات مياه تبريد موبيل الزرقاء تركيز 33% او حمراء 33% او هات حمراء تركيز 50/50 بس هتبقى غاليه شويتين ومش هتفرق كتير لانها معموله للدول البرد جدا وتحذير بلاش المياه الخضراء لانها بتاكل فى الريداتير الالمونيوم زى اللى فى البى ام والمرسيدس ومتجبش تركيز اقل من 33 %.

معلومه انا عندى كتالوجات العربيه وكاتبين ان زيت الكرونه والفتيس لا يتم تغيرهم ومش حاطين حتى الكميه اللى موجوده جوه الكرونه او الفتيس
وبيقولوا على بعض المواقع ان الزيوت الموجوده Life time ومواقع تانيه بتاكد انك لازم تغير زيت الفتيس بالذات وانه مهواش life time وبيبقى زيت احمر ِATF 320
انا قلقان زيك ومحتار لان العمر الافتراضى للعربيات بره مبيزدش عن 5 سنوات تقريبا فى حين ان العربيه اللى معاك دلوقتى عمرها 12 سنه
انا سالت الميكانيكى اللى بتعامل معاه قالى برده مبيتغيرش ، بس برده اسأل انت فى الحرفين عند الميكانيكيه بتوع بى ام لانهم هيبقى عندهم خبره اكتر وابقى قولى ولو الفتيس مفيهوش هبده اومشكله دلوقتى بلاش . مجرد احساس لان الناس بتفتى ومحدش بينفع حد لو حصل مشكله.
وطبعا متنساش تبص على السيور والبلى وحاول تغير سير الباور ، اما سير الكاتينه جنزير مبيتغيرش و ده اكيد .
شكرا

[fosta123]

السلام عليكم يا رجاله البيمر الكرام
انا معاياe39 2001 وكنت عايز اغير زيوت الفتيس والكرونه والفرامل والباور نضافه عشان انا لسه شاري العربيه من كام شهر وعايز اطمن وخصوصا اني اتأكدت من صاحب العربيه مكنش مهتم بيها في الاخر بديل انه كان مركب كل بوجيه ماركه وشكل مختلف المهم تنصحوني بايه رغم اني معنديش اي استيكر على الفتيس الاستب ترونيك او الكرونا انهي زيوت ودرجه لزوجه انسب لكل ما سبق
وشكراً مقدماً

بالنسبة لزيت الفتيس غير بزيت فالقولين ماكس لايف Valvoline Maxlife ATF ودا أعلي مواصفات زيوت الفتيس الأتوماتيك في العالم وصناعة هولندية والكيلو بـ90 جنيه وبيتغير بعد 60 ألف كيلو ,وإبعد عن أي زيت فتيس أتوماتيك مصري مثل موبيل وشل .
زيت الكرونة بتأخد كيلو واحد وممكن تحط 80w90 فالفولين ودا الكيلو بـ100 جنيه ولو الكرونة وحشة وبتون يبقى 85w140 توتال أو التعاون .
زيت الفرامل لازم يتغير كل سنتين ودا لأن الرطوبة بتفسد خواصه وعشان تعمل الشغلانة دي مفيش غير مركز زيوت وولف اللي عندهم الجهاز اللي بيسحب كل الزيت ويفرغ الدورة من الهوا بعد إضافة الزيت الجديد وطبعاً DOT4

[Kareem.ElAraby]

متابع