تجربة أحد أصدقائي لتظيف فتيس BMW e90 320i

[novo]

السلام عليكم
العربية عاملة 60ألف كم و كانت بتعاني من الHard shift فصديقى راح التوكيل و قعدت يومين غيرو فيهم oil seal الفتيس و حاجة تانية و خدوا 1900جم
الHard shift قلت بنسبة 70% بس مختفتش تماما...بعديها بأسبوع لمبة الفتيس نورت كذا مرة فنصحت صديقى بالذهاب الى رياض فى الحرفيين و هو انسان محترم و فاهم جدا و قام رياض بحل الفتيس و لقوا جوا الفتيس كمية رايش رهيبة و الزيت كان كمان ناقص 0.5لتر...تم تنظيف مخ الفتيس و ازالة الرايش و تزويد الزيت و ياللعجب فالhard shift اختفت تماما و الدنيا ضبطت و الليلة اتكلفت فى حدود 800جم

[Ahmed Amin]

شكراً علي الأفادة.

[rotanamasoud]

دايما لو رحت لواحد فاهم بيريح وبيوفر

[J A G U A R]

شكرا لنقل التجربه

[Silent~Dream]

لما الفتيس بيبقى ناعم و سلس بيفرق جدا كاداء و عدم احساس بالنقلات و استهلاك بنزين و صوت التروس مش مسموع بصراحه بيفرق جامد

[ahmed_alhadidy]

انا كان عندي الهارد شيفت وغيرت زيت الفتيس والمبرد بتاع الفتيس واختفت تماما

[midnightman_74]

و لقوا جوا الفتيس كمية رايش رهيبة

الرايش جة منين ؟؟
أكيد الفتيس فية حاجة متآكلة

[Ahmed Amin]

انا كان عندي الهارد شيفت وغيرت زيت الفتيس والمبرد بتاع الفتيس واختفت تماما

فعلاً تغير المبرد مهم جداً لو كان فيه رايش في الزيت القديم,,
وبالنسبة لصاحب الموضوع اللي كان عنده رايش يفضل الغيار اللي جاي أنو يغير فلتر زيت الفتيس مع تغير الزيت.

[ahmed_alhadidy]

فعلاً تغير المبرد مهم جداً لو كان فيه رايش في الزيت القديم,,
وبالنسبة لصاحب الموضوع اللي كان عنده رايش يفضل الغيار اللي جاي أنو يغير فلتر زيت الفتيس مع تغير الزيت.

انا مكنش عندي رايش في الزيت القديم، ال e90 منتشر فيها ان المبرد بدا يتسد، عاشن عمره الافتراضي بدا يخلص، اللي حصل عندي انه لما بدا يتسد بدا يعمل دبه في الفتيس اللي هيا الهارد شيفت، لما نزلت عينه من الزيت لقيته محروق لكن مفيهوش رايش، فاضطريت اغير الزيت والمبرد وبعد شويه الفتيس رجع طبيعي تماما الحمد لله

[Ahmed Amin]

تمام كدا,, شكراً علي التوضيح, يعني الدبة كانت علي كل الغيارات ؟
مبروك تاني علي الصيانة.

[svneleven]

طب يا جماعة يا ريت حد يوصفلنا بالظبط ايه اللي بيحصل. بتحس بالنقلة و الفتيس بينقل فوق و الا تحت و في الأوتو و الا ال استبترونيك الا ايه بالظبط ؟ و كمان علي كل النقلات و الا نقلة معينة.

[novo]

طب يا جماعة يا ريت حد يوصفلنا بالظبط ايه اللي بيحصل. بتحس بالنقلة و الفتيس بينقل فوق و الا تحت و في الأوتو و الا ال استبترونيك الا ايه بالظبط ؟ و كمان علي كل النقلات و الا نقلة معينة.

اللى بيحصل بالضبط ان لما حضرتك بتقف فى الزحمة بتحس و كأن عربية خبطتك من الخلف فى الأوتو...فى وضع الأستبترونيك مفيش حاجة لأنك انت اللى بتبقى متحكم فى النقلات

[ahmed_alhadidy]

بتحصل في النقلات من الاول للتالت بس خفيفه جدا وميحسش بيها الا اللي مركز معاها، بتبان اوي في النقلات من التاني للاول لما بتقف في الزحمه والعربيه وقفت تماما، بيحصل نتشه في الفتيس كان حد خبطك من ورا، بتحصل في النقلات الاوتو فقط

[hoka]

شكرا للافادة

[osha966]

كل الأوتوماتيك فاشل وكله مشاكل فيما عدا... (اليابانى والأمريكى) .. عن تجارب شخصية