أستفسار عن سعر كاوتش x3 2014

[nogumfm]

السلام عليكم ورحمة الله وبركاته


في ظل الطقس الجميل الي احنا فية اليومين دول ,, لبست نقرة علي الطريق في الكاوتش الامامي والكاوتش الخلفي ,, الجزء الشمال (السائق)


نتج عنها بلونه في جانب الكاوتش في الكاوتشين الامامي والخلفي الجزء الشمال

هل دي مشكله كبيره ,, يعني اغير الكاوتش

ولا دي ممكن امشي عليها لحد ميجي معاد تغير الكاوتش

علماّ بان السياره عامله بس 2700 كيلوا

ياريت الافاده ,,, وهل لو ضروروي اغير الكاوتش اغيره في التوكيل ولا بره التوكيل

وهل الكاوتش داخل في التامئن ولا لا ,,, انا عامل تامين شامل علي السياره في المعرض قبل مرخص

ودفعت نسبه 4 وربع في %


وتقريبا الكاوتش من نوع Run Flat

شكرا

[saddam]

صديقي المواطن
لا تقلق البلونة مش حتعمل مشاكل بس كل شهر ترصص ومتزودش الكاوتش عن 33 وحط نيتروجين وعايزك كل شهر تعمل ترصيص وظبط زوايا بكبيرك كل شهرين وعادي الكاوتش حيستمر معاك 40 و 50 ألف وكمان متعملش فيه خوابير تحت أي ظرف ومش حيعمل معاك غير رجة بسيطة في المشي توديها لبتاع ظبط زوايا محترف يرصصلك العجل بترصيص زيادة شوية وسيبك من بتوع البنزينات دول كسر الصنايعية وناس أي كلام
وبالنسبة للضمان فﻷ هي مش من ضمن الضمان
وسؤالك عن التأمين فأيضا مفيش كاوتشات تخش في تعويض شركة التأمين وإلا كانت الشركات فلست كلها
وهذا ما لزم بيانه ودمتم
وبالتوفيق وإلى اﻷمام
ومن نصر إلى نصر
ودمتم للنضال

[nogumfm]

شكرا لسرعة تجاوبك ,,,

لكن من حيث الامن ,, هل لا قدر الله الكاوتش ده ممكن ينفجر ,, او البلونه تكبر ..

الموضوع عاملي قلق لانهم الفردتين الشمال

وكام سعرهم تقريبا لو كده اغيرهم وخلاص

عشان الوساوس ...

شكرا لك ...

[saddam]

صديقي المواطن
لا تقلق مفيش أي مشاكل ولو قلوق جدا حطهم اﻹثنين ورا ولكن صدقني في المستقبل اﻷربع فرد حتعمل بلالين وكمان حاول لما تجيب الكاوتش الجديد بعد عمر طويل ترتفع بالمقاس لتصل به إلى 50 بدلا من 45 حسب ظني وطبعا مش عارف مقاس الكاوتش بتاعك بالظبط عشان أديك السعر الحالي
وهذا ما لزم بيانه ودمتم
وبالتوفيق وإلى اﻷمام
ومن نصر إلى نصر
ودمتم للنضال

[monamize4]

صديقي المواطن
لا تقلق البلونة مش حتعمل مشاكل

صديقي المواطن
لا تقلق مفيش أي مشاكل ولو قلوق جدا حطهم اﻹثنين ورا

w/ respect لكلامك يا استاذ صدام

لكن بلونة الكاوتش شئ خطير و تعتبر potential weak spots
و ممكن ف اى لحظة تنفجر لان كدة فى defect ف ال
Tyre construction (plies & rubber اللى اغلب الاحتمالات انه بيكون بسبب
ال potholes اللى ماليه شوارعنا رغم ان ال sidewall ف ال run-flat بتكون reinforced
و حصل انها انفجرت من ناس قبل كدة


@ nogumfm

soon or later الكاوتش هيفرق فا ياريت تغيره asap
و till then حاول تتفادى ال potholes على ما تقدر لانها بتزود المشكلة

الكاوتش عندك run-flat و الكاوتش الللى هتشتريه هاته run-flat برضه
معلش هو سعره غالى شوية لكنه امان اكتر بكتيييييييير plus ان ال bmw مفهاش
spare tyre اصلا ,, فا لازم تستخدم run-flat

gtg ,,,,,,,,

[novo]

السلام عليكم ورحمة الله وبركاته


في ظل الطقس الجميل الي احنا فية اليومين دول ,, لبست نقرة علي الطريق في الكاوتش الامامي والكاوتش الخلفي ,, الجزء الشمال (السائق)


نتج عنها بلونه في جانب الكاوتش في الكاوتشين الامامي والخلفي الجزء الشمال

هل دي مشكله كبيره ,, يعني اغير الكاوتش

ولا دي ممكن امشي عليها لحد ميجي معاد تغير الكاوتش

علماّ بان السياره عامله بس 2700 كيلوا

ياريت الافاده ,,, وهل لو ضروروي اغير الكاوتش اغيره في التوكيل ولا بره التوكيل

وهل الكاوتش داخل في التامئن ولا لا ,,, انا عامل تامين شامل علي السياره في المعرض قبل مرخص

ودفعت نسبه 4 وربع في %


وتقريبا الكاوتش من نوع Run Flat

شكرا

أسأل فى الـامين , أعتقد انه بيغطي
متشتريش كاوتش من التوكيل نهائي نهائي لأن أسعارهم فى الكاوتش مجنونة...روح لFit & Fix و هتلاقى عندهم مقاسك
كلم خدمة البافارية و اسئلهم عن الـتأمين

[svneleven]

صديقي المواطن
لا تقلق مفيش أي مشاكل ولو قلوق جدا حطهم اﻹثنين ورا ولكن صدقني في المستقبل اﻷربع فرد حتعمل بلالين وكمان حاول لما تجيب الكاوتش الجديد بعد عمر طويل ترتفع بالمقاس لتصل به إلى 50 بدلا من 45 حسب ظني وطبعا مش عارف مقاس الكاوتش بتاعك بالظبط عشان أديك السعر الحالي
وهذا ما لزم بيانه ودمتم
وبالتوفيق وإلى اﻷمام
ومن نصر إلى نصر
ودمتم للنضال

الصراحة أنا مش عارف حضرتك بتقول الكلام ده ازاي؟ البلالين ديه خطر جدا و ممكن تنفجر مع أي تحميل أو سرعة.
و كمان العجل اللي حالته أسوأ يتحط قدام مش ورا زي الصنايعية ما بتقول. و اللي مش مقتنع يدور و يقري علي أي موقع اطارات محترم.
موضوع ال 45 و ال 50 اللي حضرتك يتتكلم عليه غلط طبعا لأن مثلا 225/45 سمكة أكبر من 195/50 فالعبرة بسمك الكاوتش و كونه مناسب أو لأ لوزن العربية مش بالبروفايل 45 و ال 50.
الحاجة الأخيرة أنا مش عارف ازاي رن فلات و عمل بلالين واضح أن فيه عيب صناعة أو المطب كان بشع جدا.
السبب الرئيسي لحدوث البلالين هو انخفاض الضغط داخل الاطار.
أسف للنبرة الحادة في كلامي لكن احنا بنتكلم علي أرواح ناس.

[amrico]

اخي الفاضل

مش عارف عشان انا موسوس شوية ولا ايه، بس انا كان عندي بالونة في فردة من الأربعة تقريبا مانمتش لحد ماغيرتها

ايا كان سعر الكاوتش سلامة حضرتك والاسرة اغلى بمراااااااحل

[blazer]

غيرها خصوصا لو بتسافر
ممكن تستنى عليها شويه لو البالونه صغيره خالص " يعنى انبعاج فى ال sidewall " و برده هتغيرها لانها هتكبر

[mohamed_hamdi]

طبعا الكاوتش خارج اي ضمان و لو عربية حضرتك الموتور ال 3000 سي سي يبقى اكيد مقاس الكاوتش 245 / 50 - r18 و ده سعر الفردة الواحدة منه حوالي 3000-3100 جنيه لو دانلوب و ممكن 2900 جنيه لو بريدجستون و طبعا زي ما الكل نصح حضرتك موضوع البالونة في الكاوتش خطر جدا و ماتستخسرش في امانك و سلامتك 6000 جنيه لفردتين جداد زيادة على تمن العربية يا سيدي الفاضل.

[horas3000]

للاسف لازم تغيره فورا
و عوضك علي الله
نفس الحوار حصل مع ابويا في ال x5
و مش عارف ال x3 ايه نظامها بس ال 5 فيها استبن
فجبنا 4 فرد عادي بدل ال run flat لانه غالي بغباء