استفسار بخصوص e46

[FAR!D]

من بحثي على مواقع البيع و الشراء لاحظت حاجتين:
1- ال e46 المعروض كله 318 هل مفيش منها 316 فعلا ولا ايه؟
2- تامتس بتكتب ( الفتيس الجديد ) يعني ايه هوا فيه جديد و قديم و تفرق وايه؟
انا جاي اسأل البيمرز مش ناس تانيه ماشي؟؟؟؟ رد وافي لو سمحتم
لان العربيه ديه شكلها داخل دماغي اوي اكتر من اشكال الجديد حتى

[semsem5144]

اغلب اللى موجود 318 قليل اوي ماتلاقي 316 ومانصحكش بيها موتورها 1600 cc ضعيف وخصوصا على السرعات العالية مع التكييف وكماليتها قليلة
الفتيس القديم مفيهوش ستيبترونك وتقريبا كان بينزل على المواتير الصغيرة بس وده اللى كان فى عربيتي وسعره فى الحرفيين اغلى

http://c1552172.r72.cf0.rackcdn.com/11262_x600.jpg

الفتيس الجديد نفس اللى فى الصوره دي

http://tiendabmwperu.com/wp-content/uploads/2011/02/Dibujo2jpg.jpg

اهم حاجه تاخد عربية نضيفة لأن قطع غيراها غالية بس اجمالا عربية محترمه جدااا

[mahmoud869]

متابع

[FAR!D]

اغلب اللى موجود 318 قليل اوي ماتلاقي 316 ومانصحكش بيها موتورها 1600 cc ضعيف وخصوصا على السرعات العالية مع التكييف وكماليتها قليلة
الفتيس القديم مفيهوش ستيبترونك وتقريبا كان بينزل على المواتير الصغيرة بس وده اللى كان فى عربيتي وسعره فى الحرفيين اغلى

http://c1552172.r72.cf0.rackcdn.com/11262_x600.jpg

الفتيس الجديد نفس اللى فى الصوره دي

http://tiendabmwperu.com/wp-content/uploads/2011/02/Dibujo2jpg.jpg

اهم حاجه تاخد عربية نضيفة لأن قطع غيراها غالية بس اجمالا عربية محترمه جدااا

شكرا لردك يا كبير لكن هنا مشكله البنزين و انت عارف اننا داخلين على ايام مايعلم بها الا ربنا و الشخص اللي معاه ازيد من 1600 حيبقى امير عربي ثري
والسؤال هنا ال 1600 بتاع ال BMW في e46 خرج كام حصان و مقياسا بباقي ال 1600 بتاع العربيات الانواع الاخري حتبقى جرايه و لو تقدر تقولي على عربيه جريها حيكون نفس جري ال 316 عشان اعرف اقارن تبقى مشكور ؟؟( متقارنهاش بموديلات اللبي ام التانيه )

[semsem5144]

شكرا لردك يا كبير لكن هنا مشكله البنزين و انت عارف اننا داخلين على ايام مايعلم بها الا ربنا و الشخص اللي معاه ازيد من 1600 حيبقى امير عربي ثري
والسؤال هنا ال 1600 بتاع ال bmw في e46 خرج كام حصان و مقياسا بباقي ال 1600 بتاع العربيات الانواع الاخري حتبقى جرايه و لو تقدر تقولي على عربيه جريها حيكون نفس جري ال 316 عشان اعرف اقارن تبقى مشكور ؟؟( متقارنهاش بموديلات اللبي ام التانيه )

معاك حق فى موضوع البنزين , الموتور ال 1600 حوالي 100 حصان عشان تجري بالعربية لازم ال rpm يفضل عالي فوق ال 3 بس انا كان عندي مشكله كنت معدل العربية m3 مع الجنوط ال18 بوصه كانت متقلة العربية اكتر
على الطريق كان اخرها 180 ومش قادر احددلك عربية فى نفس التسارع بتاعها بس انا معايا لانسر شارك 1600 اعلى تسارع وتوب سبيد بس فى الثبات البي ام اعلى طبعا
لو عاوز عربية تجري بيها مش هتنفعك بس لو عاوز عربية شياكه وفخامه وكراسيها مريحه جدا وثبات وعوامل امان مش هتلاقي احسن منها فى سعرها

[xname2004]

اللى اعرفه ان مفيش من الموديل ده 1600 نهائى

[Mohammmed]

يعنى الفتيس القديم احسن ولا الجديد؟

[xname2004]

اللى فيهم الموتور 1600 سى سى موديل e36 و E90

[monamize4]

من بحثي على مواقع البيع و الشراء لاحظت حاجتين:
1- ال e46 المعروض كله 318 هل مفيش منها 316 فعلا ولا ايه؟
نادرا جدا انك تلاقى 316

2- تامتس بتكتب ( الفتيس الجديد ) يعني ايه هوا فيه جديد و قديم و تفرق وايه؟
الفتيس الجديد ستيبترونك نزل ف 2000 و قبله كان فتيس اوتو عادى

انا جاي اسأل البيمرز مش ناس تانيه ماشي؟؟؟؟
طب يا سيدى انا مش بيمر - مش بميل للبى ام اصلا بس دا مش موضوعنا -
بس جاوبتك على اسئلتك

رد وافي لو سمحتم
لان العربيه ديه شكلها داخل دماغي اوي اكتر من اشكال الجديد حتى

ال e46 مفيش منها 1.6
حتى ال 316 منها - اللى نادر اصلا - منزلش 1.6

بالنسبة لل 318 ,, العربية فى منها facelift و pre facelift
ال facelift افضل طبعا و نازلة بالموتور ال 2.0 ال 140 حصان من 2002 - 2005
بعد ما كانت بتنزل من بالموتور ال 1.9 ال 116 حصان من 1999 - 2001

دى المعلومات الحاضرة ف دماغى دلوقت
اللينك دا فيه حاجة عن الفروقات بين موديلاتها

http://www.nilemotors.net/Nile/3873591176-post6.html

[FAR!D]

الف شكر لكل البيمرز اللي ردوا الف شكر لمعلوماتكم

[TOOLA]

انا هرد طبقا لمعلوماتى:

318 من 1999 الى 2000 ماتور قديم 118 حصان و فتيس قديم اوتو عادى و بعض الناس اشتكوا منه.

اخر 2000 الى 2001 بردو موتور قديم, بس الفتيس الجديد الستيب و ده بيفضلوه عموما و مسمعتش ان ليه اعطال و يعتبر مميز عن الفتيس القديم.

من 2002 الى 2005 الماتور الجديد ال140 حصان و الفتيس الجديد طبعا.

بشكل عام الاسمعه ان الماتور القديم صيانته و مصاريفه ارخص.

فى تعديل فى لشكل الخارجى متهيالى فى فوانيس الاشارة الاماميةو ده ال من 2002 تقريبا.

العربية ديه مشكلتها الاولى فى مقصتها بتتعب و بتتغير كتير و لازم تغير المقصات على بعضها (يعنى الجلب لوحدها مبتتغيرش).
المشكلة الثانية ان المواتير ديه حساسة جدا للحرارة و مع بعض الاهمال بتسخن بسهولة و بتضرب و بتدخل فى تغيير شورت بلوك, و ده بيحصل مع ناس كتير.

[TOOLA]

اه صحيح, فيه عربيات 316 مانيوال, و ديه غالبا بتكون جيه من بره يعنى المانى على ابوه و متجمعتش هنا, بس انا مش شايفها ميزة انى اركب e46 1600 مانيوال بصراحة

[FAR!D]

متشكر اوي يا جدعان

[ahmed_alhadidy]

في واحده في اسكندريه 316i 2005 مانيوال لسه شايفها علي كونتاكت كارز

[Waleed_zayan]

عشان تحس بطعم البى ام وحلاوتها متركبش الا 6 سلندر ، ول 46 عربيه محترمة جدااااا