هيا ال bmw عفشتها فعلا ضعيفة؟

[sharkawiahmed]

السلام عليكم و رحمة الله و بركاته اخواني و اخواتي الاعزاء
كنت عايز اسأل اهل الخبرة من البيمرز الاعزاء عن مقولة بسمعها كتير من بعض الناس ان ال BMW مش زي المرسيدس علشان عفشتها بتحتاج تتظبط و تتغير فيها حاجات كل شوية بعكس المرسيدس اللي عفشتها قوية و بتستحمل الشوارع البايظة اللي عندنا و كمان ان اعطال ال bmw كتيرة و قطع غيارها اضعاف اضعاف المرسيدس فهل الكلام ده صحيح يا جماعة؟

[kokowasfy]

علة حسب نوع و موديل العربية مش كلو زى بعضو

[novo]

السلام عليكم و رحمة الله و بركاته اخواني و اخواتي الاعزاء
كنت عايز اسأل اهل الخبرة من البيمرز الاعزاء عن مقولة بسمعها كتير من بعض الناس ان ال bmw مش زي المرسيدس علشان عفشتها بتحتاج تتظبط و تتغير فيها حاجات كل شوية بعكس المرسيدس اللي عفشتها قوية و بتستحمل الشوارع البايظة اللي عندنا و كمان ان اعطال ال bmw كتيرة و قطع غيارها اضعاف اضعاف المرسيدس فهل الكلام ده صحيح يا جماعة؟

المرسيدس و البى ام قريبين جدا من بعض فى التحمل
فعلا عفشة العربيات الألماني بتحتاج صيانة و متابعة مستمرة لأنها بتتعب فى شوارعنا الهباب
أسعار قطع الغيار قريبة بس المرسيدس فعلا أرخص لأنها منتشرة أكتر

[M.Ayman]

بص هو طبيعي في الشوارع المنيله بستين نيله دي من وقت للتاني تروح تربط علي العفشه أما موضوع تغير حاجات في العفشه دي بتبقي بناء علي اكتر من حاجه اولا سواقتك ازاي ما هو هاين العفشه و مشي في مناطق مكسره كتير بسرعه مش بتاخد التكسير و الكلام ده بالراحه اكيد هتحتاج تغير حاجات من وقت للتاني ، تاني حاجه حاله العفشه الموجوده يعني لما تحط حاجه اورجنال جديد او نوع نضيف غير لما تحط حاجه استيراد -لو الاستيراد حالته نضيفه مفيش مشكله انما لو حالته وحشه شويه و هترجع تغير- ......... الفكره بس كلها ان bmw و merc الاتنين قطع غيارهم بيعتمدوا علي بعض .. بمعنب انك دلوقتي ماشي بالعربيه و فيه مشكله تقدر تحلها ب ١٠٠ جنيه بس انت سبتها هتفضل ماشي لحد ما المشكله اللي ب ١٠٠ جنيه هتبوظ حاجه تمنها ٤٠٠ جنيه كانت معتمده عليها بقي عندك شغل ب ٥٠٠ هتكمل مشي هتضرب حاجه اغلي منها و هكذا ... لازم الشغل يتعمل صح و ميتسابش لاخر وقت لو ظبطت الدنيا كده مش هتحس بأي مشكله لانه مفيش اصلا مشاكل :) ................ اخر حاجه حوار قطع الغيار مظنش ابدااااا اننا اغلي من المرسيدس لان لو المرسيدس ارخص من البي ام يبقي اسعارها في الارض خالص -انا كلامي علي الموديلات القديمه يعني تسعينات مثلا الجديد بقي معنديش فكره خالص-

[M.Ayman]

المرسيدس و البى ام قريبين جدا من بعض فى التحمل
فعلا عفشة العربيات الألماني بتحتاج صيانة و متابعة مستمرة لأنها بتتعب فى شوارعنا الهباب
أسعار قطع الغيار قريبة بس المرسيدس فعلا أرخص لأنها منتشرة أكتر

اول مره اعرف ان المرسيدس ارخص ، بس ده معناها انها رخيصه قوي لان قطع غيار البي ام تعتبر اسعارها كويسه ان مكانتش رخيصه برضه ... موضوع الانتشار متأكد ان المرسيدس منتشره اكتر من البي ام -برضه كلامي جيل ال e30 و ال e36 مظنش ان مرسيدس في الاجيال دي منتشره في مصر زي البي ام-

[hamada_dodo]

موضوع ضعف العفشة ده واضح اوي في bmw e-39

[inspiron]

مش كل الموديلات..كانت معايا الـ e39 وكنت مغير العفشة فيها بالكامل. وقبل التغيير كانت بايظة بكل ما تحويه الكلمة من معني علماً بإنها كانت ساعتها عاملة 120 ألف كم !!

المرسيدس اللي كانت معايا بعدها كانت عاملة 200 ألف كم وعفشتها قمة المتعة والراحة.( إيرماتيك ) وكانت بحالة الزيرو