محتار في مقاسات الكاوتش لـ e60 يا شباب ياريت مساعدة

[amrico]

من فترة كنت عملت موضوع عن اني عاوز اجيب عربية عالية عشان الـE60 رغم انها سيارة محترمة جدا لكن متعبة معايا في المطبات في الطرق الزراعية في الدلتا الجميلة

فكرت اني اجيب كاوتش بروفايل اعلى انا حاليا راكب عندي R17 235/45 عشان بصراحة الوضع مبقاش محمس اوي اغير عربيات دلوقت

دا الكاوتش اللي راكب حاليا



دورت في الويب لقيت الموقع ده

Tire Size Calculator - Compare Tire Sizes

وبدأت اقارن بين المقاسات المتاحة على الموقع وممكن ترفعلي العربية كام سنتي متر وتكون متاحة على القايم بتاع العربية

دي صورة المقاسات اللي على القايم



ودا المتاح على الموقع انه يركب للعربية

205/55-17
215/50-17
215/55-17
225/50-17
235/45-17 (راكب حاليا ومش موجود على القايم)
235/50-17
245/45-17
255/45-17

حسب الموقع لقيت ان اكتر مقاس هايرفعلى العربية هو 235/50-17 وهايرفعها بمقدار 1.175 cm





بعد كل الرغي دا عندي سؤالين

1- هل ممكن اثق في الموقع ده وبالتالي استخدم المقاس 235/50-17 رغم انه مش مكتوب على القايم، وهل هايفرق معايا السنتي ده :)))؟

2- هل في طريقة تانية لرفع العربية دي شوية بدون التأثير على الثبات؟

[ahmed_alhadidy]

لو حسبت المقاسات اللي مكتوبه علي قايم العربيه هتلاقيها بتدي نفس الارتفاع للكاوتش، ودا معناه ان الارتفاع لو قل عن كدا او زاد بياثر علي عفشه العربيه من ناحيه وعلي ثباتها واتزانها من ناحيه تانيه، نصيحه خليك في المقاسات اللي موجوده علي القايم ومتطلعش برا عنها، لو عاوز تعلي العربيه فيه جلب بتركب بتبقي اكبر، ودي كمان منصحكش بيها لانها بردو بتاثر علي الثبات، لو موضوع العلو فارق معاك اوي يبقي غير ل x1 او x3 بنفس فلوس عربيتك هتركب x3 نفس سنه الموديل او x1 موديل اعلي

[svneleven]

ال 1.175 سم ده هيفرق معاك جدا و تقريبا مش هتحك في ولا مطب لكن الثبات هيقل بشكل ملحوظ. ما أنصحكش تغير المقاس و ان كان لازم جرب 245/45 هيعليها 4.5 مم بس و ده في حدود المعقول.لكن مش عارف الكاوتش هيحك في الرفرف و الا لأ في الملفات و مطبات الهوا لأن ده مقاس عريض جدا.

[amrico]

لو حسبت المقاسات اللي مكتوبه علي قايم العربيه هتلاقيها بتدي نفس الارتفاع للكاوتش، ودا معناه ان الارتفاع لو قل عن كدا او زاد بياثر علي عفشه العربيه من ناحيه وعلي ثباتها واتزانها من ناحيه تانيه، نصيحه خليك في المقاسات اللي موجوده علي القايم ومتطلعش برا عنها، لو عاوز تعلي العربيه فيه جلب بتركب بتبقي اكبر، ودي كمان منصحكش بيها لانها بردو بتاثر علي الثبات، لو موضوع العلو فارق معاك اوي يبقي غير ل x1 او x3 بنفس فلوس عربيتك هتركب x3 نفس سنه الموديل او x1 موديل اعلي

الف شكر يا سيدي الفاضل، انا فعلا بفكر في x3 وكمان كنت بفكر في glk بس في عوامل كتير مخلية القرار دا مش سهل بالنسبة لي في الوقت الحالي

[amrico]

ال 1.175 سم ده هيفرق معاك جدا و تقريبا مش هتحك في ولا مطب لكن الثبات هيقل بشكل ملحوظ. ما أنصحكش تغير المقاس و ان كان لازم جرب 245/45 هيعليها 4.5 مم بس و ده في حدود المعقول.لكن مش عارف الكاوتش هيحك في الرفرف ولا لأ في الملفات و مطبات الهوا لأن ده مقاس عريض جدا.

الف شكر، هو المقاس 235/50 مكتوب في الموقع انه عادي يركب رغم انه مش موجود على القايم، وعلى فكرة المقاس اللي راكب حاليا 235/45 مش موجود اصلا على القايم

بالنسبة للرفارف اظن لو زودت 1.175 cm مش هاتحتك بالرفارف ولا حاجة ودي صورة العربية اظن في مجال شوية ورا وقدام



المقاس التاني اللي حضرتك بتقولي عليه 245/45 مكتوب على القايم، انا فعلا ميال اني اروح للمقاس ده لأنه المقاس الموصى بيه من الجدول الموجود للجنوط مقاس 17 مش عارف موضوع مطبات الهوا دا ايه مع المقاس ده، ممكن بعد اذن حضرتك توضيح اكتر؟

هو فعلا هايزود حوالي نص CM حسب الجدول التالي




سؤال تاني، من وجهة نظري المتواضعة ان سواء استخدمت 235/50 او 245/45 بيتهيألي اني هاحس ان العربية انعم شوية. مش كدا ولا ايه؟؟

وشكرا كمان مرة

[Hosam_Optrawy]

المقاس اللى راكب عند حضرتك دلوقتى ومش مكتوب الى القايم من الأسباب اللى موطيه العربيه والعمليه مش ناقصه :)

مقارنة بالمقاس الأصلى 225/50 العربيه أوطى ب 7 مللى

فعلى الأقل إرجع للمقاس الأصلى 225/50 هاتبقى أعلى والعفشه أنعم شويه

ال 235/50 هايعللى نص سم كمان فوق ال 7 مللى عليهم هايبقى الفرق الإجمالى عن المقاس اللى عندك 1.2 سم

بالمقاس دا مليون فى الميه هاتحس بفرق فى الإرتفاع ونعومية العفشه بس هاتحس بثبات أقل لأنك إتعودت على العرض ال 235 والإرتفاع الواطى

[amrico]

المقاس اللى راكب عند حضرتك دلوقتى ومش مكتوب الى القايم من الأسباب اللى موطيه العربيه والعمليه مش ناقصه :)

مقارنة بالمقاس الأصلى 225/50 العربيه أوطى ب 7 مللى

فعلى الأقل إرجع للمقاس الأصلى 225/50 هاتبقى أعلى والعفشه أنعم شويه

ال 235/50 هايعللى نص سم كمان فوق ال 7 مللى عليهم هايبقى الفرق الإجمالى عن المقاس اللى عندك 1.2 سم

بالمقاس دا مليون فى الميه هاتحس بفرق فى الإرتفاع ونعومية العفشه بس هاتحس بثبات أقل لأنك إتعودت على العرض ال 235 والإرتفاع الواطى

الف شكر يا حسام بك
بصراحة شكليا مش هابقى بالع ال225 وهاحس ان شكله رفيع زي عجل التوكتوك
المقاس اللي هو 235/50 مش لاقيه منتشر او موجود عند الناس بتوع الكاوتش
انا بفكر جديا استخدم ال 245/45 (مكتوب على قايم العربية) ودا هايرفع 5 مللي وهايديني عرض اكبر يعني ثبات اكبر واظن برضة نعومة في العفشة، في اخ فاضل بيقول ان دا ممكن يعمل مشاكل في مطبات الهوا عشان عريض، ياترى تنصح بيه؟

في المقاس 245/45 لقيت خيارين (الواحد يبصلهم) في الانواع لحد دلوقت:
1- بيريللي (الماني) W الفردة ب 1350 جنيه
2- كونتيننتال (الماني) W الفردة ب 1650 جنيه

وللعلم النوع اللي راكب عندي حاليا بيريللي

[horas3000]

خلي بالك ال 245/45 معناه بروفايل اقل
يعني عرضه للبلالين اكتر

[Hosam_Optrawy]

الف شكر يا حسام بك
بصراحة شكليا مش هابقى بالع ال225 وهاحس ان شكله رفيع زي عجل التوكتوك
المقاس اللي هو 235/50 مش لاقيه منتشر او موجود عند الناس بتوع الكاوتش
انا بفكر جديا استخدم ال 245/45 (مكتوب على قايم العربية) ودا هايرفع 5 مللي وهايديني عرض اكبر يعني ثبات اكبر واظن برضة نعومة في العفشة، في اخ فاضل بيقول ان دا ممكن يعمل مشاكل في مطبات الهوا عشان عريض، ياترى تنصح بيه؟

في المقاس 245/45 لقيت خيارين (الواحد يبصلهم) في الانواع لحد دلوقت:
1- بيريللي (الماني) w الفردة ب 1350 جنيه
2- كونتيننتال (الماني) w الفردة ب 1650 جنيه

وللعلم النوع اللي راكب عندي حاليا بيريللي

245/45 هاتبقى رجعت العربيه لإرتفاعها الأصلى إلى حد ما

اللى أعرفه ان العرض الزياده هايكون ثبات أكتر وعيوبه تسارع أقل وإستهلاك بنزين أعلى شويه , أما تأثيره على مطبات الهوا فمعنديش فكره بصراحه

لو البريللى اللى هاتجيبه نفس النوع اللى عندك ومرتاح معاه يبقى هاته ووفر الفرق , الميشلان طبعا فرده ممتازه بس اسمع انها طريه بزياده وممكن تتقطع او تعمل بالونه من أقل حاجه , بس مليش تجربه شخصيه معاها

خلي بالك ال 245/45 معناه بروفايل اقل
يعني عرضه للبلالين اكتر

البروفايل بيكون نسبه من العرض يعنى ال 45 بتاعت ال 245 غير ال 45 بتاعت ال 235 اللى راكب دلوقتى

45 % بتاعت ال 24.5 سم يعنى سمك البروفايل هايكون 11.02 سم

اما المقاس اللى راكب دلوقتى 45 % بتاعت ال 23.5 سم يعنى سمك البروفايل 10.57 سم

فكدا المقاس 245 هايبقى بروفايل أكبر وأنعم , وفرق النص سم دا هو اللى فرق فى إرتفاع العربيه

[horas3000]

البروفايل بيكون نسبه من العرض يعنى ال 45 بتاعت ال 245 غير ال 45 بتاعت ال 235 اللى راكب دلوقتى

45 % بتاعت ال 24.5 سم يعنى سمك البروفايل هايكون 11.02 سم

اما المقاس اللى راكب دلوقتى 45 % بتاعت ال 23.5 سم يعنى سمك البروفايل 10.57 سم

فكدا المقاس 245 هايبقى بروفايل أكبر وأنعم , وفرق النص سم دا هو اللى فرق فى إرتفاع العربيه

عارف طبعا يا كبير
بس انا كنت بتكلم عن المقارنه بين ال 245/45 و ال 235/50 اللي بيفكر فيه
مش اللي راكب حاليا
بس بما انه مش موجود و منتشر علي حد قوله فال 245/45 هو الحل
و هو كان بيقارن البريللي بالكونتيننتال مش الميشلان
الميشلان هتبقي اغلي من كده بفرق محترم بس هي فرده من الاخر و احسن من البريللي و الكونتيننتال
اللي مش عاجبني انهم w و اللي راكب عنده zr

[svneleven]

طالما 245/45 مكتوب علي قايم العربية يبقي اتوكل علي الله و حكاية مطبات الهوا ديه مالهاش أي أساس من الصحة. اللهم الا انت هتعلي العربية فوق المقاس الأصلي بتاعها لكن حضرتك قولت أن المقاس ده مكتوب علي القايم. هو المقاس الأصلي كام؟

[Hosam_Optrawy]

عارف طبعا يا كبير
بس انا كنت بتكلم عن المقارنه بين ال 245/45 و ال 235/50 اللي بيفكر فيه
مش اللي راكب حاليا
بس بما انه مش موجود و منتشر علي حد قوله فال 245/45 هو الحل
و هو كان بيقارن البريللي بالكونتيننتال مش الميشلان
الميشلان هتبقي اغلي من كده بفرق محترم بس هي فرده من الاخر و احسن من البريللي و الكونتيننتال
اللي مش عاجبني انهم w و اللي راكب عنده zr

تمام ياكبير

ولامؤاخذه العتب عالنظر

[blazer]

التزم بلمقاس الاصلى 245 /45
ياريت تقول موديلات الكاوتش بلتفصيل عشان نساعدك اكتر
يعنى مثلا فى البريدجستون فىb و my-0 و turanza و potenza
وكل موديل ليه مميزات و فرق فى السعر

[amrico]

245/45 هاتبقى رجعت العربيه لإرتفاعها الأصلى إلى حد ما

اللى أعرفه ان العرض الزياده هايكون ثبات أكتر وعيوبه تسارع أقل وإستهلاك بنزين أعلى شويه , أما تأثيره على مطبات الهوا فمعنديش فكره بصراحه

لو البريللى اللى هاتجيبه نفس النوع اللى عندك ومرتاح معاه يبقى هاته ووفر الفرق , الميشلان طبعا فرده ممتازه بس اسمع انها طريه بزياده وممكن تتقطع او تعمل بالونه من أقل حاجه , بس مليش تجربه شخصيه معاها

شكرا مرة تانية
هو بيريللي عمل معايا بالونة في واحدة من الفرد وغيرتها بواحدة نفس المقاس، يعني انا دلوقت عندي 3 فرد 2010 وفردة 2012 كلهم نفس المواصفات والصنع (Made in Romania)

[amrico]

طالما 245/45 مكتوب علي قايم العربية يبقي اتوكل علي الله و حكاية مطبات الهوا ديه مالهاش أي أساس من الصحة. اللهم الا انت هتعلي العربية فوق المقاس الأصلي بتاعها لكن حضرتك قولت أن المقاس ده مكتوب علي القايم. هو المقاس الأصلي كام؟

الف شكر دي المقاسات اللي على القايم، الاصلي 225/50.

التزم بلمقاس الاصلى 245 /45
ياريت تقول موديلات الكاوتش بلتفصيل عشان نساعدك اكتر
يعنى مثلا فى البريدجستون فىb و my-0 و turanza و potenza
وكل موديل ليه مميزات و فرق فى السعر

الف شكر
بالنسبة للأنواع اظن اختياراتي هاتكون منحسرة بين كونتينيتال، بيريللي، ميشلان، ممكن دانلوب. دا على اساس ان من معلوماتي المتواضعة دول احسن انواع للعربيات دي
ياتري ايه حسن نوع فيهم من حيث عدم ظهور البالونات في العجل والتحمل؟ (فواصل كباري، مطبات خزعبلية، حفر)

اللي مش عاجبني انهم w و اللي راكب عنده zr

شريف بك،
شكرا على النصايح وال Support
حسب خبرتي المتواضعة اظن ال W اعلى من Z في السرعات مثلا، ياريت حضرتك توضحلي ايه اللي مش عاجبك في W
وبالمناسبةمن المقاسات اللي مكتوبة على القايم 245/25 R17 W