رايكم فى 316i 2007 ؟

[momen nour]

ياجماعة انا قدامى 316i
2007
75 الف كيلو صيانة توكيل وحالتها نضيفه واكيد هتأكد كمان فى التوكيل لما اكشف عليها
فبريكة بالكامل بس فيها خرابيش ونقر ف الاكصدامين بس مش كتير
مفيهاش جنوط ولا فتحة سقف بس فيها طارة مالتى ومثبت سرعة نازل فيها مش متركبين
ممكن اعرف دى اخلصها على كام يعنى مادفعش فيها اكتر من كام
شكرا :)

[Mohammmed]

مانيوال ولا استبترونيك (هو تقريبا316 2007 مفيش منها اوتو بس نتاكد برده)

[momen nour]

مانيوال ولا استبترونيك

مانيوال واعتقد مافيش 316 لغاية موديل 2009 الا مانيول

[Mohammmed]

النضيفة 150

[J A G U A R]

هاتبقى فى حدود 150 ... وبلاش اللون الاحمر علشان مخالف

[novo]

ياجماعة انا قدامى 316i
2007
75 الف كيلو صيانة توكيل وحالتها نضيفه واكيد هتأكد كمان فى التوكيل لما اكشف عليها
فبريكة بالكامل بس فيها خرابيش ونقر ف الاكصدامين بس مش كتير
مفيهاش جنوط ولا فتحة سقف بس فيها طارة مالتى ومثبت سرعة نازل فيها مش متركبين
ممكن اعرف دى اخلصها على كام يعنى مادفعش فيها اكتر من كام
شكرا :)

أخرها خالص 140

[ahmed_alhadidy]

انا مشوفتش العربيه ومعرفش حالتها بس لو حالتها نضيفه ومفيهاش مصروف هتعمل في حدود 140 مش هتزيد عن كدا، ولو فيها اي مصروف يا اما تنزل من تمن العربيه يا اما يعملهولك، يعني تعمل حسابك بمصاريفها متزيدش عن 140 الف، اكشف كويس علي العربيه وركز جدا جدا جدا علي العفشه لان عمرها الافتراضي بدا يخلص وكل ال e90 بتعمل شغل في العفشه دلوقتي ( الاسكترا بدراعات الاسكترا، المساعدين بالبطاحات، المقصات خصوصا الجلب بتاعتها، تيش الاستبلايزر، جلب شدادات) واكشف كمان علي الموتور كويس والفتيس بس دول غالبا مفيهومش عيوب في الموديل دا ومحدش اشتكي منهم، حاول تكبس دوره الميه لان بيحصل فيها مشاكل في كوعه الترموستات وطلمبه الميه والرادياتير، وبردو اكشف علي دوره التكييف، جرب طلمبه الباور فيها زنه ولا لا لما بتكسر الطاره علي الاخر، اكشف علي الجوانات اللي علي المكنه فيها تسريب زيت ولا( جوان غطا التاكيهات، جوان قاعده الفلتر ومبرد الفتيس، جوانات الفوانس، جوان كارتيره الزيت) وربنا يوفقك في الشراء ان شاء الله

[momen nour]

ياجماعة بجد والله العظيم انا بشكركم جدا على ارائكم اللى استفدت منها كتير وخاصتا انى قبل كدا كنت فى عالم الكورى "هيونداى وكيا" وداخل على الالمانى وربنا يستر بقا علشان تعورته بتبقا تقيله شوية وعلشان كدا باخد ب ارائكم لانكم خبرة عنى طبعا

دلوقتى بقا عايز اعرف ايه اللى العربية ممكن تطلبو منى انى اعملو لما اشتريها فى الصيانة واسعارها كام وطبعا انتو عارفين انها عاملة 75 الف كيلو وان شاء الله هخلص فيها بعد الكشف ف التوكيل واتفت مع صاحبها خلاص وربنا يتمم بخير

[ahmed_alhadidy]

ادخل علي الموضوع المثبت عن ال e90 هتلاقي الشباب كاتبيه فيه كل خبراتهم واسعار قطع الغيار اللي قابلتهم والصيانات اللي عملوها سواء جوا التوكيل او بره