إعـــــــلان

Collapse

.

,
See more
See less

تجربتى مع الشيخ طارق الميكانيكى

Collapse
X
 
  • Filter
  • الوقت
  • Show
Clear All
new posts

  • تجربتى مع الشيخ طارق الميكانيكى

    معايا 318i موديل 2005 .. بعد البحث أونلاين عن أكتر الميكانيكية أمانة وفهما رحت للشيخ طارق اللى فى وش عزبة الهجانة على طريق السويس تحت كوبرى الجيش.

    الولد اللى عنده "حسن" قال لى الطنابير اللى ورا كويسة ومش محتاجة تغيير "ميكانيكى تانى قاللى كله هيتغير"والتيل كله هيتغير ..

    سألته نوع التيل إيه قاللى تكستار ألمانى .. مسكت العلبة لقيته Jurid أسبانى .. قلت له فين تكستار دى؟ قاللى "هى الكلمة دى تكستار بس بالإنجليزى" .. ماعلينا.

    دخلت الإنترنت على السريع ولقيت الناس بتشكر فيه فقلت مش مشكلة ..
    سعر التيل للأربع فرد 500 جنيه .. الطنابير الأمامية 450 جنيه .. عدد 2 سنسور ب 150 جنيه.

    مع العلم بأن الأسعار فى محافظتى: طقم تيل ATI أمامى ب 450 جنيه وخلفى ب 350 جنيه .. طنابير أمامية أو خلفية 750 جنيه .. عدد 2 سنسور ب 170 جنيه.

    التركيب ما أخدش وقت .. بعد كده طلبت كشف كومبيوتر لأن التابلوه كان منور فيه لمبة الإيرباج وال DSC و قلت أطمن على العربية فى المجمل .. الشاب المسئول عن الكومبيوتر محترم جدا ويقول لك كل حاجة بالتفصيل ويخليك تطلع تجرب وترجع له كذا مرة عشان يتأكد ان كله تمام.

    الحوار كله كلفنى 1280 جنيه .. وكان جايب لى ورقة بيان بأسعار كل حاجة .. والمكان هادى ومريح نفسيا عن قرف الحرفيين.

    كان فيه مشكلة تانية عندى وهى صوت الموتور .. لكن "حسن" سمعه وقاللى زى الفل .. اعتبرت ان خبرته قليلة بحكم سنه .. للأسف ماكانش الشيخ طارق لسه جه .. ومش عارف أروح له مرة تانية وللا هيقوللى نفس الكلام.

    ده فيديو سجلته لصوت الموتور ..


    ماكانش كده من 3 شهور .. علما بأنى اشتريت العربية من 6 شهور .. أتمنى ألاقى مساعدة من أهل الخبرة .. وشكرا.

  • #2
    ان شاء الله تحل مشكله الصوت بس ممكن اعرف شاريها بكام و مواصفاتها ايه

    Comment


    • #3
      المشاركة الأصلية كتبت بواسطة crazydeepman مشاهدة المشاركة
      ان شاء الله تحل مشكله الصوت بس ممكن اعرف شاريها بكام و مواصفاتها ايه
      E46 - 318i - 2005
      143 حصان
      موتور 1995 CC
      هاى لاين بفتحة سقف وطارة ملتى بمثبت سرعة
      فتيس ستيبترونك.

      اشتريتها على حالتها ب125 ألف من صاحبها .. استلمتها زى الفل .. الأصوات دى بدأت بعد سفريتين على الطريق الزراعى .. اتبهدلت من المطبات .. واعتقد ده موضوع قواعد موتور وفتيس كاستنتاج للى انا قريته على المنتدى .. انما ماعنديش أى خبرة فى المواضيع دى بصراحة.

      Comment


      • #4
        المشاركة الأصلية كتبت بواسطة polaris

        e46 - 318i - 2005
        143 حصان
        موتور 1995 cc
        هاى لاين بفتحة سقف وطارة ملتى بمثبت سرعة
        فتيس ستيبترونك.

        اشتريتها على حالتها ب125 ألف من صاحبها .. استلمتها زى الفل .. الأصوات دى بدأت بعد سفريتين على الطريق الزراعى .. اتبهدلت من المطبات .. واعتقد ده موضوع قواعد موتور وفتيس كاستنتاج للى انا قريته على المنتدى .. انما ماعنديش أى خبرة فى المواضيع دى بصراحة.
        ربنا يبارك لك فيها و شكرا لردك و ان شاء الله تحل الاعطال ديه

        Comment


        • #5
          ممكن بعد اذنك يا باشا اعرف كشف الكومبيوتر لوحده بكام؟

          Comment


          • #6
            المشاركة الأصلية كتبت بواسطة dr_omzy مشاهدة المشاركة
            ممكن بعد اذنك يا باشا اعرف كشف الكومبيوتر لوحده بكام؟
            بصراحة ماركزتش فى تفاصيل ورقة التكلفة.. لكن تركيب الطنابير والتيل وكشف الكومبيوتر اتكلفوا 180 جنيه .. يعنى كشف الكومبيوتر حوالى 100 - 120 جنيه.

            Comment


            • #7
              المشاركة الأصلية كتبت بواسطة polaris مشاهدة المشاركة
              بصراحة ماركزتش فى تفاصيل ورقة التكلفة.. لكن تركيب الطنابير والتيل وكشف الكومبيوتر اتكلفوا 180 جنيه .. يعنى كشف الكومبيوتر حوالى 100 - 120 جنيه.
              تكلفة كشف الكمبيوتر مبالغ فيها جدا

              المتعارف عليه 50جم
              من موضوعاتي
              [URL]http://www.nilemotors.net/Nile/81803-320-2005-a.html[/URL]
              [URL]http://www.nilemotors.net/Nile/114761-bmw-x3.html[/URL]
              [URL]http://www.nilemotors.net/Nile/9108-bmw-520i-2001-a.html#post97004[/URL]
              [URL]http://www.nilemotors.net/Nile/115595-2002.html[/URL]

              Comment


              • #8
                طيب بعد اذن صاحب الموضوع طبعا
                اكشف كومبيوتر عند مين بالسعر ده يا نوفو؟

                Comment


                • #9
                  المشاركة الأصلية كتبت بواسطة Polaris مشاهدة المشاركة


                  سألته نوع التيل إيه قاللى تكستار ألمانى .. مسكت العلبة لقيته Jurid أسبانى .. قلت له فين تكستار دى؟ قاللى "هى الكلمة دى تكستار بس بالإنجليزى" .. ماعلينا.
                  .[/COLOR][/SIZE]
                  قمة الكوميديا ...

                  Comment


                  • #10
                    المشاركة الأصلية كتبت بواسطة dr_omzy مشاهدة المشاركة
                    طيب بعد اذن صاحب الموضوع طبعا
                    اكشف كومبيوتر عند مين بالسعر ده يا نوفو؟
                    رياض فى الحرفيين أمام خالد بطئ 01004449649
                    توب جير الهرم 01001087811
                    من موضوعاتي
                    [URL]http://www.nilemotors.net/Nile/81803-320-2005-a.html[/URL]
                    [URL]http://www.nilemotors.net/Nile/114761-bmw-x3.html[/URL]
                    [URL]http://www.nilemotors.net/Nile/9108-bmw-520i-2001-a.html#post97004[/URL]
                    [URL]http://www.nilemotors.net/Nile/115595-2002.html[/URL]

                    Comment


                    • #11
                      ان شاء الله تتحل مشكلة الاعطال دى وترجع العربيه تمام
                      [SIGPIC][/SIGPIC]
                      حسبى الله لا إله إلا هو عليه توكلت وهو رب العرش العظيم
                      (لا إله إلا الله سيدنا محمد رسول الله)

                      Comment


                      • #12
                        المشاركة الأصلية كتبت بواسطة novo مشاهدة المشاركة
                        تكلفة كشف الكمبيوتر مبالغ فيها جدا

                        المتعارف عليه 50جم
                        معرفش عنده بكام بالتحديد عشان مااظلموش.. أنا خمنت ان تركيب الطنابير والتيل 50-60 جنيه فاستنتجت ان كشف الكومبيوتر 120-130 .. البندين على بعض ب 180 جنيه

                        Comment


                        • #13
                          الشيخ طارق حرامي

                          رحت اظبط العفشه واغير زيت قالي محتاج مساعدين خلفيه وتيل خلفي وقواعد فتيس تمام . اشتريت الحاجه ورحت ادهاله يركبها سبتلو العربيه ومشيت قلت اعدي عليه بليل يكون خلص روحت بليل خدت العربيه ومشيت سمعت صوت خبط جامد جدا ورا لفيت ورجعتله بص قالي المساعدين نسينه نربطها من فوق اتربطت من تحت بس وهو شغال لقيت زيت نازل من العربيه فتحت الكبوت لقيت الكبوت كله زيت البيه بعد ماغير زيت نسي يحط الجوان الحمد الله ربنا ستر ظبطت الحاجات ومشيت بعد 3 ايام روحت توكيل بي ام اكشف ع سحب العربيه قالي العربيه محتاجه فلتر هوا وبوجيهات وقواعد فتيس قلتله انا لسه مغير قواعد الفتيس قالي لا قواعد الفتيس مقطوعه روحت لطارق الحرامي قلتله قالي مش عارف ازاي حصل كدا قلتله مش عارف ازاي انت بتسرقني بجبلك الحاجه وتاخدها ومتركبهاش وتحاسبني ع مصنعيه كمان المهم اتخنقت معاه وخدت قواعد الفتيس ومشيت ومرضتش يخليه يركبهم ... المهم والله الشيخ طارق دا حرامي ونصاب ومعندوش ضمير ومش بيفهم حاجه ف البي ام حرام حد يصلح عنده والله هيخربلك العربيه

                          Comment


                          • #14
                            انا تجربتي معاه مش قد كده برضه ...
                            خير الكلام ماقل ودل.

                            Comment

                            Working...
                            X