إعـــــــلان

Collapse

.

,
See more
See less

ارجوا التثبيت : دليلك للكشف عن سيارات bmw و تجربتي في توكيل عز العرب

Collapse
X
 
  • Filter
  • الوقت
  • Show
Clear All
new posts

  • ارجوا التثبيت : دليلك للكشف عن سيارات bmw و تجربتي في توكيل عز العرب

    في البداية نويت اشتري عربية بي ام 320 و كنت عايز اكشف عليها و بعد سماع النصيحة من اهل الخبرة لقيت اني لازم اكشف عليها في التوكيل احسن و اضمن من اي ورشة .
    و فعلا قررت اني اروح التوكيل لكن اكتشفت ان فيه 3 اماكن معتمدين ممكن الكشف فيهم عن سيارات البي ام و هم :

    1- توكيل البافريا

    سعر الكشف : 1700 - الحجز : قبل الكشف ب حوالي اسبوعين

    العنوان : القطامية - الطريق الدائري - اتجاه مصر الجديدة - التليفون :19269-------

    الماظة - رقم التليفون : 19269--------- ابو رواش - كريق اسكندرية الصجراوي - التليفون :19269
    2- توكيل عز العرب

    سعر الكشف : 1100 - العنوان : الكيلو 28 طريق مصر اسكندرية الصحراوي أبورواش – الجيزة
    التليفون : 0235390601 - معرض العجوزة - هاتف : 0237497100 و يعتبر عز العرب و كيل عن البافريا للسيارات لصيانة سيارات بي ام

    3- ابو غالي موتورز

    الكيلو 9 طريق القاهرة الأسماعيلية الصحراوي العبور

    تجربتي في توكيل عز العرب

    اختارت توكيل عز العرب و ذلك عشان انا رحت من غير حجز مش زي توكيل البافريا اللي كنت المفروض استني شهرين عشان اكشف عن السيارة و كان يوم رائع :
    رحت هناك علي حوالي الساعة 9 لفرع ابو رواش من غير ما اكون حاجز قبلها - بمجرد وصولي دخلت السيارة لمكان الكشف استغليت الوقت و قعدت الف في معارض فولفو و سيتروين و بي ام و ركبت كل عربية هناك و بعد كده رحت قعدت في الأستراحة - الكشف عن العربية يمر ب 3 مراحل الأولي : فتيس و ماتور - التانية : كهرياء و عفشه - الثالثة : الدهان و الصدمات .
    اسغرق الكشف حوالي 4 ساعات و بعده طلع تقرير كامل عن العربية عن كل جزء في العربية و الحمد لله كانت السيارة سليمة عدا بعض العيوب البسيطة و توكلت علي الله و اشتريت العربية .

  • #2
    شكرا لنقل التجربة

    يا ترى ممكن يقيمولك السعر كمان؟
    [aldl]http://nileup.com/up/uploads/nilemotors_13899410841.jpg[/aldl]

    Comment


    • #3
      مبروك بقيت من البيمرز

      مبروك يا نيو بيمر
      ربنا ينفعك بها و يرزقك خيرها و يجعلها عونا لك على طاعته

      بس أسعار الكشف غالية كده ليه؟؟

      طبعا بي إم مش زي الماركات التانية
      لكن أنا كشفت في كيا ب300 و فهيونداي ب200
      لكن 1700 كشف كتيييييييير
      ده أنا ممكن أشتري العربية حتى لو فيها عيب عشان ال1700 ميروحوش هدر

      تحياتي و مبروك مرة تانية
      [SIGPIC][/SIGPIC]

      Comment


      • #4
        صديقي المواطن
        مبروك وشكرا لنقل التجربة الثرية المفيدة ﻹخوتك أعضاء المنتدى الكرام ولا تحرمهم من كل جديد لك وحفظ الله سيارتك من كل سوء
        وهذا ما لزم بيانه ودمتم
        وبالتوفيق وإلى اﻷمام ومن نصر إلى نصر
        ودمتم للنضال

        Comment


        • #5
          انت ممكن تسأل المهندس هناك بينك و بينوا عن رأيوا في ثمن العربية لكن ده طبعا مش داخل في التقرير

          Comment


          • #6
            ممكن اعرف مصاريف ترخيص البى ام السنويى فى المرور ؟

            Comment


            • #7
              مبروك يا باشا الف مبروك مستنين تقرير كدة عن اداء العربية انشاء اللة
              [SIGPIC][/SIGPIC]
              السن ..16 سنة

              Comment


              • #8
                مشكور لنقل التجربه ..
                [SIGPIC][/SIGPIC]
                [COLOR="Magenta"][/COLOR]

                Comment


                • #9
                  المشاركة الأصلية كتبت بواسطة japrulez مشاهدة المشاركة
                  ممكن اعرف مصاريف ترخيص البى ام السنويى فى المرور ؟
                  حسب الموتور و سنة الصنع و محلي و الا مستورد زيها زي أي عربية. مالهاش مصاريف معينة.
                  https://t.me/pump_upp

                  Comment


                  • #10
                    المشاركة الأصلية كتبت بواسطة svneleven مشاهدة المشاركة
                    حسب الموتور و سنة الصنع و محلي و الا مستورد زيها زي أي عربية. مالهاش مصاريف معينة.

                    bmw 318i 2009

                    Comment


                    • #11
                      طب يعني حضرتك لو حد عايز يحجز قبل الكشف ... بتحجز الكشف وهي العربية مع صاحبها قبل ميبعهالك ولا بنتصرف ازاي في المسائل دي ؟

                      يعني مثلاً لو عربية مستعملة بتتباع في كونتاكت بتحجز معاد للكشف على العربية ويوم الكشف بتتصل بصاحب العربية عشان ييجي معاك ولا ايه اللي بيحصل ؟

                      Comment


                      • #12
                        اه

                        المشاركة الأصلية كتبت بواسطة برنس الليالي مشاهدة المشاركة
                        طب يعني حضرتك لو حد عايز يحجز قبل الكشف ... بتحجز الكشف وهي العربية مع صاحبها قبل ميبعهالك ولا بنتصرف ازاي في المسائل دي ؟

                        يعني مثلاً لو عربية مستعملة بتتباع في كونتاكت بتحجز معاد للكشف على العربية ويوم الكشف بتتصل بصاحب العربية عشان ييجي معاك ولا ايه اللي بيحصل ؟
                        اه
                        بتحجز بالتليفون
                        و بتبلغ صاحب العربية بالميعاد
                        و تتقابلوا هناك
                        و المصاريف عليك طبعا سواء طلعت العربية سليمة أو فيها عيوب
                        [SIGPIC][/SIGPIC]

                        Comment


                        • #13
                          المشاركة الأصلية كتبت بواسطة japrulez مشاهدة المشاركة
                          bmw 318i 2009
                          حوالي 2500 جنيه الضريبة بكل حاجة لل 3 سنين.
                          https://t.me/pump_upp

                          Comment


                          • #14
                            مبروك يا باشا

                            Comment

                            Working...
                            X