Tweet
رابطة bmw e21
السلام عليكم و رحمة الله و بركاته
أولا احب اشكر كل الاعضاء القائمين و المتفاعلين فى هذا المنتدى انا بجد استفدت و اتعلمت كتير منكم و الى الامام دوما ان شاء الله
ثانيا انا من عشاق البى ام دابليو من زماااان من و انا عندى 15 سنه و كنت بحلم انى امتلك e30 من زمان لكن سنى كان صغير سعتها
[/3mr]
دلوقتى انا كبرت طبعا
و بقى عندى 20 سنه و انا شغال مع دراستى فقررت انى اشترى عربيه من فلوسى لكن طبعا مش هتكون e30 فقررت انى اجيب الشبيه لها و هى e21 على قد فلوسى بمعنى اصح ... بس دورت كتير و قليل ملقتش موضوع بيضم كل مايخص العربيه دى لقيت لكل العربيات الى فى نفس سعرها لكن العربيه دى ملقتش فقررت انى اسجل فالمنتدى و يكون اول موضوع ليا هو ده...طبعا انا خبرتى قليله اوى فى العربيات لانى عمرى مامتلكت عربيه قبل كده فاكنت عاوز الموضوع ده يضم كل حاجه عن e21
ياريت محدش يبخل علىينا بالمعلومات لانى خايف اشترى و اندم و زى ناس كتير عاوزه تشترى و خايفه تندم
يلا بقى عايزين تفاعل كده مابين ملاك الـ e21 و الى بيفهم فى الـ e21 اسعار مميزات عيوب اقتراحات متوسط سعر العربيه و هكذا انا مش هعرفكم بقى دانتو خبره اكتر منى بكتير..
بس معلش هتعبكم شويه عشان يكون الموضوع مختلف عن اى موضوع تانى ياريت اى شرح فى اى حاجه يكون بالصور انا عارف انها متعبه بس لان فى ناس كتير مش بتفهم الى بيتقال و انا كنت و مازلت واحد منهم اعذرونا الجهل وحش ..
اسف على الاطاله ولكم منى كل الشكر و التقدير
Comment