إستيراد قطع غيار من ألمانيا رأساً

[Muhammad Ahmad]

بسم الله
شباب لى سؤال طبعاً بعد إذنكُم
وهو إنى فكرت كتير إنى أعمل مشروع
لكن كالعاده الخوف من خساره رأس المال
اللى هو أملك وكُل ما تملُك فى الحياه بعد فضل الله ورحمتهِ
وكانت الفكره إنى لىا اقارب يعملون فى ألمانيا فقلت لنفسى
إنى أطلب منهم قطع غيار بى ام دبليو من المصانع هناك ولا يوجد عندهم مانع
والحمد لله ربنا وفقنى ووجدت محل مُحترم وسعرهُ حنين
لكن السؤال الأهم رأس المال كلهُ 15000 يورو
فما رأيكُم وماذا أستورد قصدى بماذا أبدأ وهو انا صح والا غلط
علماً بأنى ضعيف جداً فى تقنيه السيارات والمتطلبات
وجزاكُم الله عنا خيراً

[فتح الباب]

هو مشروع جميل لكن يتطلب الخبره اكثر منه رأس مال كى ينجح وربنا يوفقك للاصلح

[Muhammad Ahmad]

الله يكرمك ويعزك
لكن واقع الخبره ازاى
مثلاً أذهب بعد عملى الى ميكانيكى سيارات بى ام
واعمل معهُ للعلم (الخبره ) فقط لا للمال ؟
والا فى شىء أخر ممكن أتعلم منهُ ؟

[عصام غنايم]

واقع فى نفس مشكلتك بالظبط

[Muhammad Ahmad]

الله يعزك يا استاذ عصام
انا حاسس ان الموضوع ده كبير قوى عليا
وأظن إنى مش أهل ليه أبداً أكيد فى ناس شاربه المهنه دى
لكن اللهُ المستعان وبجد يا أغلى الناس لو حد عنده فكره تفيد يضيفها
لِتفيد الجميع أكرمكم الله

[novo]

بسم الله
شباب لى سؤال طبعاً بعد إذنكُم
وهو إنى فكرت كتير إنى أعمل مشروع
لكن كالعاده الخوف من خساره رأس المال
اللى هو أملك وكُل ما تملُك فى الحياه بعد فضل الله ورحمتهِ
وكانت الفكره إنى لىا اقارب يعملون فى ألمانيا فقلت لنفسى
إنى أطلب منهم قطع غيار بى ام دبليو من المصانع هناك ولا يوجد عندهم مانع
والحمد لله ربنا وفقنى ووجدت محل مُحترم وسعرهُ حنين
لكن السؤال الأهم رأس المال كلهُ 15000 يورو
فما رأيكُم وماذا أستورد قصدى بماذا أبدأ وهو انا صح والا غلط
علماً بأنى ضعيف جداً فى تقنيه السيارات والمتطلبات
وجزاكُم الله عنا خيراً

لازم يكون حد معاك بيفهم كويس جدا علشان فيه حاجات هتحتاجها من العربيات و حاجات لأ
المنافسة شرسة جدا جدا فى الحرفيين و فيه حرق أسعار بيتم
لازم تسأل الحاجة بتتباع هنا بكام جملة و قطاعى علشان تشوف الأسعار مناسبة هناك ولا لأ
مثال
العربية الe36 320i بتتباع نصين كاملين فى الحرفيين فى حدود 15الف
و قطاعى فى حدود 20ألف
مينفعش تجيبها من بره بأكتر من 700يورو علشان بعد الجمارك و الشحن الموضوع يجيب عائد معقول
الجمارك نفسها كلها حوارات و التخليص كله أرف و مفيش قواعد ثابتة و كله كوسة

[Muhammad Ahmad]

سيدى الفاضل novo
كلامك مُحترم جداً جداً
جزاك الله عنا خيرا هافكر 1000 مره قبل ما ابدأ
شكراً ليك

[Thebutcherr]

توكل علي الله و ابتدي ان شاء الله بحاجة صغيرة و خد خبرة و هتتعلم و هتكبر اوعي تخاف

[maged wahba]

اولاً احيك على الفكرة واتمنالك التوفيق
مع معلوماتي المتواضعه انت ممكن تروح لاصحاب المحلات وقطع الغيار وتسال هناك ايه اللي بيتسحب كتير وسعرة يكون رخيص علشان لما تجيبة الماني اصلي ميكنش في فلاق كبير في السعر
ومن رائي تحاول توزعهم على تجار في الاول علشان اكيد انت في الاول مش هتكون معروف انك بتبيع الاصلي مش المضروب وعلشان البضاعة مطولش عندك
ويارب تلاقي في المتندا اصحاب محلات قطع غيار اكيد هيفدوك اكتر
وبالتوفيق

[Muhammad Ahmad]

شكراً جزيلاً يا جزار
جزاك الله عنا خيراً

[Muhammad Ahmad]

لك تحيتى
سيدى الفاضل ماجد
ان شاء الله على خير

[Thebutcherr]

راس المال الجبان مشكلتنا كل الكبار ابتدوا صغيريين , فقط مترميش كل ما تملك بلاش مغامرة خليها مخاطرة محسوبة

[maged wahba]

لك تحيتى
سيدى الفاضل ماجد
ان شاء الله على خير

دا واجب علينا

[Muhammad Ahmad]

رأس المال جبان عندك حق والله سيدى الفاضل / جزار
-------
ولك تحيتى سيدى الفاضل / ماجد
أشكرك

[ACE]

ما تحطش احتمال الفشل فى حسبانك
وخدها تحدى
واهم شيئ التفرغ للعمل يعنى لو بتشتغل موظف خد اجازة وابحث وابدأ شغل لحد ما تجيب اخرها وارجع شغلك
صاحب بالين كداب خاصة فى البيزنس الخاص