مشكله لا أعرف لها حل فى e90

[Wael Elesawey]

بعد السلام عليكم،
معايا 316i model 2006 لما بدور من زرار start مرات كتير بلاقى إنه مش بيلقط مع الدواره و بسمع صوت الانجيكشن بس من غير ما تلقط و تدور !!!!
و رحت حاطيتها على جهاز الكشف و طلع إن كل حاجة تمام و normal مفيش أعطال مسجلاها و مش عارفين ايه هو العيب ده
أرجو المساعدة من حضراتكم إذا الموضوع ده حصل مع حد و عرف ايه علاجه .
و شكرا

[maskeen]

لو العربيه ماشيه كتير غالبآ هايبقى المارش
بس العربيه على كده تكون ماشيه فوق ال 150 الف

[Wael Elesawey]

هيا فعلا ماشية ١٤٨٠٠٠
بس ده كده يبقي عايز يتغير ؟

[Wael Elesawey]

ممكن تكون من البوجيهات تكون عايزة تتغير ؟

[novo]

بعد السلام عليكم،
معايا 316i model 2006 لما بدور من زرار start مرات كتير بلاقى إنه مش بيلقط مع الدواره و بسمع صوت الانجيكشن بس من غير ما تلقط و تدور !!!!
و رحت حاطيتها على جهاز الكشف و طلع إن كل حاجة تمام و normal مفيش أعطال مسجلاها و مش عارفين ايه هو العيب ده
أرجو المساعدة من حضراتكم إذا الموضوع ده حصل مع حد و عرف ايه علاجه .
و شكرا

للأسف الأجهزة اللى موجودة فى الحرفيين قديمة و تعبانة
انصحك تروح التوكيل فرع أبو رواش لأنه فاضى و بدون حجز و تعمل تشخيص هناك و تشوف سعر التصليح زي بره ولا لأ

[maskeen]

هى بتعمل كده على طول ولا وهى سخنه بس؟

لو بتعمل كده وهى بارده الصبح يبقى 90% المارش
لو بتدور على طول وهى بارده وبتعمل كده وهى دافيه (يعنى تمشى بيها وتبطل تيجى تدور تتعبك كده) يبقى ممكن طامبة البنزين او البوجيهات

[Wael Elesawey]

انا فعلا شاكر جدا ليكم جميعا علي الاهتمام
هيا فعلا بتعمل كده و هيا دافية مش الصبح و هيا باردة يعني لما بكون ماشى بيها مشوار ممكن ألاقيها تعتل معايا في الدوارة .
مش عارف اعرف منين الحل هل أغير البوجيهات و لا ايه ؟
و شكرا تاني ياجماعة بجد

[maskeen]

جرب غير البوجيهات...تكلفه بسيطه وتبقى غيرتهم على اى حال
وممكن تجرب بوجيهات نضيفه عند الميكانيكى الاول, هم بيبقى عندهم بواقى..لو اشتغلت على طول يبقى عرفت السبب

[Wael Elesawey]

الف شكر يا باشا و حاجرب إن شاء الله