بخصوص مفتاح e46 برجاء التوضيح ولكم جزيل الشكر

[MAMDOH ZAKY]

على انا واقع فى مشكلة وياريت حد من الاعضاء الكرام يفسر الموضوع ده عشان انا رحت لبتاع مفاتيح وفتح الريموت وبعد كده وجدالحجر متبرشم وبيتغيرش وكان فاكر البرشام ده امير وفك الحجر ومعرفش يركب حجر تانى واحتاس وبعتنى لبتاع مفاتيح تانى رحتله قال لى مين الحمار الى فتح الريموت بوزه كده وهتحتاج ريموت وبالفعل جبت ريموت استيراد امس وعاوز اكتفه على العربية ومش عارف عشان على اليوتيوب خطوات الاكتفه مش واضحة فياريت حد ينقزنى من المازق ده ويشرح خطوات الاكتفه وهل يمكن تركيب الحجر مرة اخرى فى الريموت الاصلى وللعلم الريموت كان شغال بس بيعلق

[Ghost2]

نصيحة روح لسعيد بتاع المفاتيح في جسر السويس و هو هيظبطلك الدنيا

[lithiumion]

مساء الخير ممدوح

هاحاول اكون واضح وبسيط في الخطوات قدر الإمكان. أنا بافترض ان معاك مفتاح واحد على الأقل سليم بالإضافة للمفتاح اللي أنت محتاج تبرمجه. وأنك بتستخدم المفتاح الماسة (إنظر الشكل):

-------------------------------------------------------------------------
إقرأ كل الخطوات والتعليمات قبل التنفيذ علشان توفر على نفسك الوقت
ممكن تعلق ساعتك على الدركسيون وتستخدمها في حساب الوقت
-------------------------------------------------------------------------

-ادخل العربية واتأكد من قفل كل الأبواب وارفع كل النوافذ
-باستخدام المفتاح (القديم) اقفل السنترال لوك وافتحه تاني مرة واحدة
-حط المفتاح (القديم) في الكونتاكت ولفه تكة واحدة فقط. ماتدورش العربية. بس تكة واحدة علشان العدادات والكماليات تشتغل
-اطفي الكونتاكت تاني وشيل المفتاح. وخد بالك أن الزمن بين فتح وغلق الكونتاكت يكون (اقل من خمسة ثوان)

قبل مرور خمس ثوان من رفع المفتاح (القديم) من الكونتاكت

-اضغط الزر رقم (٢) في المفتاح (الجديد) وخلليك ضاغط عليه
-مع استمرار الضغط على الزر رقم (٢) اضغط الزر رقم (١) ثلاث مرات . حاول ان يكون الضغط بمعدل مرة كل ثانية
-الان ارفع اصبعك من على الزر رقم (٢)

لو اتبعت الخطوات صح هاتلاقي السنترال لوك قفل وفتح بسرعة مما يعني نجاح البرمجة





متابع معك

[MAMDOH ZAKY]

مشكور بس لو معنديش مفتاح يفتح اللوك ويقفله يعنى المفتاح القديم بايظ

[lithiumion]

جرب نفس التكنيك بدون فتح وقفل السنترال لوك. لكن من المهم تكون كل الأبواب مغلقة وكل النوافذ أيضا
ممكن أيضاً تفتح وتقفل الكونتاكت خمس مرات بسرعة بالمفتاح الجديد (بدلاً من مرة واحدة بالمفتاح القديم) ثم تتابع الخطوات

الموضوع بسيط جداً وبيتعمل في أقل من دقيقة. فقط اتبع التعليمات

[hares14]

ممكن سؤال بكام إشتريت المفتاح أبو ريموت ومنين؟