تحويل e36 الى اوتوماتك

[dr_omzy]

السلام عليكم
العربية e36 موتور m43b16 مانيوال
كنت عاوز اغير الى اوتوماتك بس قلت اخد رايكم الاول
اغير الفتيس بس وهل ينفع اشتريه بكل مشتملاته ويركب على الموتور عندي ويا ترى يكلفني كام في الحالة دي؟
ولا اغير الموتور كله بفتيسه مع العلم ان الموتور عندي حالته اكتر من ممتازة الحمد لله ولسة مركب عفشة كاملة جديدة؟؟؟

[dr_omzy]

في فكرة تانية
لو حد بيفكر يقلب عربيتو مانيوال انا اخد منو الاوتوماتك بحاجتو والعكس
واكيد مش هنختلف...

[ahmedalaahosny]

انت هتروح لتاجر بي ام استيراد ف الحرفيين وتتفق معاه انه هياخد الحاجة بتاعه المانيول ويديك حاجة الاوتوماتيك وتدفع الفرق ومصنعية التركيب وزيت للفتيس وشكرا علي كده بس صراحة هو انا مش عايز احبطك لكن نصيحه لو الدبرياج مضايقك اوي يبقي تبيعها وتشتري اختها اوتوماتيك من يومها لان البي ام عامة لو اتعمل فيها شغل لازم يكون بنضافه والا هتكرها يعني انا ممكن اقولك ماشي ف حاله لو انت لاقيت صنايعي نضيف ومعرفه وشفت حاجات خارجه من تحت ايده ماتفرقهاش عن شغل المصنع وعامة الموضوع مش معقد ولابتاع بس عشان لما تفتح الكبوت تحس ان ده كبوت عربية مش عشه فراخ سلوك هنا وهنا

[ahmedalaahosny]

بالاضافه لمشاركتي عايز اقول لحضرتك ان الموضوع مجازفه ومجال العك ف الاوروبي اكتر وف الاخر ياتظبط يامتظبطش وبرده انا سمعت من اكتر من شخص الموضوع ده بيعيب العربية فاعاده البيع اشتري دماغك دي فكره فاشله

[dr_omzy]

شكرا جزيلا لردك
بس انا بشوف ناس كتييير بتسقط مواتير بي ام فقلت الموضوع سهل
لو حضرتك تعرف صنايعي كويس دلني عليه
شكرا

[dr_omzy]

المشكلة بس ان العربية الي معايا حالتها كويسة جدا
وعشان ابيع واشتري غيرها بنفس الحالة دي صعب اوي

[ghaith_peogeut]

متابع

[walidtony]

بااشا انا معجب جدا بموضوعك و عادي ممكن تحولها اتوماتك من غير اي مشاكل خالص بس روح لحد بتاع بي ام وهو هيتعامل
انا بس كنت عايز اعرف منك انت غيرت العفشه وكلفتك كام عشان العفشه عندي بردو محتاجه تظبيط جامد وكنت عايز اعرف الاسعار

[ahmedalaahosny]

حلو اوي طالما مش ناوي تبيع يبقي اعمل اللي يعجبك فيها بص ياسيدي سيادتك هتنزل الحرفيين بالعربية وتبقي عارف كذا تاجر بي ام استيراد هناك وده سهل في موضوع ف قسم البي ام عن التجار بتوع الاستيراد هناك هتشوف واحد عنده نص كده وراكبه فيه الحاجة اللي انت عايزها وتتفق معاه انك هتاخد الحاجة بتاعه الاوتوماتيك وتديله حاجة المانيول وتتفق ع الفرق هنا بقي مبدايا انت هتغير لوحه العدادات وضفيره الموتور والكردان وهتجيب طبه تقفل بيها مكان الدبرياج وهتغير الرادياتير والكمبيوتر وعصاية الفتيس في واحد ميكانيكي ف الحرفيين اسمه رياض وده رقمه 01004449649 كلمه واعرف الحكاية من اولها لاخرها والتكلفه

[dr_omzy]

بااشا انا معجب جدا بموضوعك و عادي ممكن تحولها اتوماتك من غير اي مشاكل خالص بس روح لحد بتاع بي ام وهو هيتعامل
انا بس كنت عايز اعرف منك انت غيرت العفشه وكلفتك كام عشان العفشه عندي بردو محتاجه تظبيط جامد وكنت عايز اعرف الاسعار

بص يا باشا هكتبلك ان شاء الله الاسعار الليلادي اول ما اروح على طول...
بس حاجة العفشة انا مغيرها من سنة تقريبا مش عارف بقا حاليا ايه الاخبار

[popos311]

قولي موصفتها ايه انا معايا موديل 97 فبريكا برة و جوة ماشيا 133 الف و معمولها سرفيس كامل انا عايز ابدالها بمنويل

[Karim_Monir]

نصيحة
بيعها واشتري اوتو

[dr_omzy]

بااشا انا معجب جدا بموضوعك و عادي ممكن تحولها اتوماتك من غير اي مشاكل خالص بس روح لحد بتاع بي ام وهو هيتعامل
انا بس كنت عايز اعرف منك انت غيرت العفشه وكلفتك كام عشان العفشه عندي بردو محتاجه تظبيط جامد وكنت عايز اعرف الاسعار

اسف على التاخر في الرد
بص يا سيدي دي الحاجات الي انا فاكر اني غيرتها
4 مساعدين جداد ساكس 2000
2 بيضة مقص الصغيرة 300
2 جلبة مقص 220
2 مسمار ميزان 240
2 بيضه دركسيون طرف 500
2 طنابير قدام 550 رمسا
2 طنابير ورا درمز مش كاليبرز 450 مش فاكر نوعهم ريمسا ولا ماهلي
2 بليه عجلة خلفية 240 skf
ده الي انا فاكره حاليا

[dr_omzy]

نصيحة
بيعها واشتري اوتو

ده الي بفكر اعمله حاليا ا كريم
بفكر ابدلها ب e46
عموما شكرا على النصيحة...

[dr_omzy]

قولي موصفتها ايه انا معايا موديل 97 فبريكا برة و جوة ماشيا 133 الف و معمولها سرفيس كامل انا عايز ابدالها بمنويل

سوري يا باشا
انا فعلا بدات افكر في التغير بس بدور على e46