Tweet
طريقة معرفة المقياس المناسب للاطارات و الجنوط في حال تغييرها
السلام عليكم ورحمة الله و بركاته
راح اتطرق اليوم عن طريقة بسيطه تستطيع من خلالها اتخاذ القرار في تغيير مقاس الاطارات او الجنوط
بس حط في بالك راح تتغير عندك هذي العوامل للاحسن او العكس والتي راح اذكرها لكم وهيا :
الثبات
استهلاك البنزين
العزم
التكلفه
البعض يقول اسأل اصحاب البناشر وهم يعطونك المقاس اللي يناسب سيارتك وبكذا راح تجيب العيد بنفسك لانك خلاص ركبت الكفرات او الجنوط واصبحت في مشكله من ضعف عزم السياره واستهلاك زائد للبنزين
واذا رجعت له قالك ما اقدر اخذها منك لان محد شاريها مني وهذا من حقه
وبكذا راح تجبر على بيع الكفرات او الجنوط بخساره والشكوى لله
هذي معادله حسابيه نستطيع من خلالها معرفة المقاس المناسب (هذي المعادله اخبرني بها احد الاخوان الدراسين في امريكا تخصص ميكانيكا سيارات ) جزاه الله خير ا"
دلوقتي احنا عايزين نزيد عرض الاطار بحيث انه ما يؤثر بالعزم
على سبيل المثال
مقاس الكفر 205/60/16
205 = عرض الكفر
60= ارتفاع الكفر
16= مقاس الجنط
المعادله
205 ( ضرب ) 0.60 ( تقسيم ) 25 ( عدد ثابت ) ثم ( ضرب ) 2 ( عدد ثابت ) بعد كذا ناخذ الناتج + 16 ( مقاس الجنط )
= 25.84
وهذا هو الرقم السحري
نحاول نشوف مقاس كفرات مناسبه ويكون الناتج حقها مناسب وقريب للرقم السحري الذي توصلنا اليه
نقول على سبيل المثال
225/55/16
225 * 0.55 تقسيم 25 *2 +16 = 27.22
نيجي دلوقتي نشوف الاختلاف بين المقاسين
27.22 - 25.84 = 1.38 انش تقريبا" 4 سم وهذا كثير راح يضعف العزم ويستهلك بنزين زياده
نشوف مقاس اخر
215/60/16
215*0.60 تقسيم 25 * 2 +16 = 26.32
26.32- 25.84 = 0.48 انش وهذا الفرق مناسب بدل مقاس الوكاله
فيه معلومه مهمه وهي كل ما قل الناتج المراد شرائه عن الناتج حق الوكاله ( الرقم السحري ) صار افضل في العزم و استهلاك البنزين بس العداد لن يكون صحيح راح يقرأ اكثر من الطبيعي
وايضا" فيه ملاحظة وهي ان عداد السرعه وعداد rpm راح يختلف معاك اذا غيرت مقاس كفرات او جنوط الوكاله يعني اذا مشيت 120 راح يصفر العداد معك على 125 او 115 على حسب مقاس الكفر
عن أبي هريرة -رضي الله تعالى عنه-
قال: قال رسول الله -صلى الله عليه و سلم-:
(لا يشكر اللهَ من لا يشكر الناس).
Comment