معروض عليا 320 2007 , محتاج رأيكم

[myself112]

معروض عليا 320 موديل 2007 بدون فتحة و اى درايف , فابريكة بره و جوه 113 الف كيلو .
العربية مبدأيا كويسة جدااا و صالونها زيرو و صاحبها واضح انه مهتم بيها جداا , جربتها و مشيها كويس ما شاء الله و رحت حطتها على الكومبيوتر , كله تمام ما عدا حساس شكمان تانى و حساس ايرباج الكرسى الى جنب السواق و حساس درجة الحرارة الخارجية و حساس الشبورة فى مرآة السواق .. المهم المهندس انا اعرفه كويس و بيقولى كلها حاجة سهلة و بسيطة , الاساسيات كلها سليمة .صاحبها طالب فيها 170 الف جنيه ده اخره .
العربية فيها كاسيت dvd جنط 17 m و فوانيس معدلة امامى و خلفى و شاشات فى المخادع و الراجل بيحلف ان العربية مش محتاجه اى حاجة و انه على طول متابعها , طبعا مفيش صيانات توكيل او اى حاجة لان احنا فى المنصورة مفيش لا توكيل و لا مراكز خدمة معتمدة يعنى كل الصيانات عند صنايعية bmw بره ..

دلوقتى اعمل ايه ؟ حد يقولى رأيه فى العربية والسعر ؟ و ايه الى ممكن اتأكد منه تانى ؟

[foxhonda2008]

غاليه حاجه بسيطه حاول تكسر معاه شويه

[myself112]

غاليه حاجه بسيطه حاول تكسر معاه شويه

هو كان بيتكلم فى 175 , فانا قلت 165 المهم قافش فى ال 170 اخره مش عايز ينزل جنيه ..
لو الموضوع زيادة حاجة بسيطة مش مهم فى سبيل انى اخد عربية مش هتتعبنى , و لا رأى حضرتك انى انزل لغاية فين يبقى كده تمام ؟

و ايه الى المفروض اكشف عليه تانى او اتأكد منه قبل ما اشترى .
انا اكتر حاجة مقلقانى بعيدا عن العربية نفسها , موضوع البنزين و الدعم والكلام ده

[kokowasfy]

بى ام يعنى اى دريف انا مركبش بى ام مفهاش اى دريف هتبقا عربية عادية وجهة نظر

[myself112]

بى ام يعنى اى دريف انا مركبش بى ام مفهاش اى دريف هتبقا عربية عادية وجهة نظر

لو عربية بنفس الحالة و فيها اى درايف , هتبقى تقريبا بكام ؟

[احمد فهمى]

نصيحه دور على واحده 2008 فيها Idrive وفتحة سقف مش هتفرق كتير عن الرقم ده بس عشان تستمتع بالعربيه بجد

[myself112]

نصيحه دور على واحده 2008 فيها idrive وفتحة سقف مش هتفرق كتير عن الرقم ده بس عشان تستمتع بالعربيه بجد

واضح ان ده الى هيحصل . ربنا يقدم الى فيه الخير ..

[hany63]

سؤال برئ هوا حساس الايرباج بيبوظ ليه ؟

[minicooper20]

فكك
تصليح و صيانه عند صنايعيه يعنى عك و مسامير ضايعه
مركب شاشات و مس عارف ايه يعنى شغل كهربا و كبارى فى سلوك و ايرور مامسوح طبعا
حساس ايرباج بايظ دجه علشان فى لعب فى الكهربا و كبارى و دى حاجه اكيده
جنوط ام بقا يعنى العفشه هتفتح قريب ده ان مكنتش متلصمه
و ١١٠ الف كيلو
بلاش يا باشا
وجهه نظر

[myself112]

سؤال برئ هوا حساس الايرباج بيبوظ ليه ؟

اكيد مش انا الى هاجاوب على السؤال ده :)

فكك
تصليح و صيانه عند صنايعيه يعنى عك و مسامير ضايعه
مركب شاشات و مس عارف ايه يعنى شغل كهربا و كبارى فى سلوك و ايرور مامسوح طبعا
حساس ايرباج بايظ دجه علشان فى لعب فى الكهربا و كبارى و دى حاجه اكيده
جنوط ام بقا يعنى العفشه هتفتح قريب ده ان مكنتش متلصمه
و ١١٠ الف كيلو
بلاش يا باشا
وجهه نظر

هو ده الى حصل :)
ربنا ييسر لنا الخير , و يرزقنا حاجة كويسة ..

[hany63]

بص حضرتك من الاخر البي ام عشان تتجاب ما تبقاش ماشيه اكتر من ٧٠ الف باي حال من الاحوال
عربيه شبابي و اكتر من رائعه
بس مشكلتها انها بعد ال ١٠٠ الف مصاريفها كتير

[myself112]

بص حضرتك من الاخر البي ام عشان تتجاب ما تبقاش ماشيه اكتر من ٧٠ الف باي حال من الاحوال
عربيه شبابي و اكتر من رائعه
بس مشكلتها انها بعد ال ١٠٠ الف مصاريفها كتير

ربنا يكرم ولاقى واحدة تانية و حالتها افضل , بس الحقيقة اللون الاحمر طالع من عينى
ربنا يبارك لصاحبها يا رب

[Hussein_Ramdan]

بى ام يعنى اى دريف انا مركبش بى ام مفهاش اى دريف هتبقا عربية عادية وجهة نظر

فعلا بى ام يعنى اى دريف

[hossam_yazeed]

باشا ٢٠٠٧ المفروض فيها idrive . و نصيحة ماتشتريش bmw من غير كشف في التوكيل .
مش عند شيخ الميكانيكية حتى . لبست قبل كدة في e46 على شان الموضوع بتاع الكشف .
أنت بتشتري بسعر السوق يعني مش مبرر إنه من المنصورة و مفيش توكيل .
ممكن تشتري من القاهرة أو من إسكندرية .
و بالتوفيق إن شاء الله

[hany63]

باشا ٢٠٠٧ المفروض فيها idrive . و نصيحة ماتشتريش bmw من غير كشف في التوكيل .
مش عند شيخ الميكانيكية حتى . لبست قبل كدة في e46 على شان الموضوع بتاع الكشف .
أنت بتشتري بسعر السوق يعني مش مبرر إنه من المنصورة و مفيش توكيل .
ممكن تشتري من القاهرة أو من إسكندرية .
و بالتوفيق إن شاء الله

الاي درايف نزل اواخر ال ٢٠٠٧ عشان كده معظم الموديل ده من غيره
وللعلم اللي فيها اي درايف موتورها اقوى من العاديه ب ٦ حصان
ومعاك حق فعلا في حكاية كشف التوكيل عشان ممكن تكون الاساسيات تمام و يطلع فيها مصاريف بنص تمنها بعد كده