الحمد لله اشتريت 316i 2007 و محتاج مساعدتكم

[sherif84]

الحمد لله اشتريت 150000KM BMW 316i 2007 116HP manual
اشتريتلها بوجيهات NGK:BKR6EQUP من توكيل NGK اللى فى السيده زينب ب 400 جنيه

اشتريت سير ماكينه ب 180 جنيه و فلتر هواء ب 180 جنيه من سامح نجيب دمشق من غير ما افاصل و حاسس انهم كان ممكن انزل فيهم شويه

العربيه كانت معايه زى الفل لحد ما سمعت صوت رجرجه فوق العجله اليمين اللى ورا زى مايكون حاجه فكه و الصوت فى ناحيه واحده بس بسمعه فى اى طريق مش مستوى انا كنت رفعت العربيه و العفشه كانت سليمه و مافيش حاجه جايبه زيت خالص .


يا ريت لو اى حد عنده فكره يقولى اعمل ايه لانى خايف اضطر اشترى مساعدين ورا جداد و عادى لو مشيت واحده واحده بالعربيه لحد ما اوديها بكره اكشف عليها و لا ممكن يأثر على حاجه

و بالنسبه للبوجيهات و السير اركبهم فين كنت بفكر فى الشيخ طارق و فى واحد اسمه على كنت قريت عنه هنا فى المنتدى فى مدينة النور هنا فى شبرا لانه اقربلى فى الحاله اللى العربيه فيها دلوقتى


على فكره بجد انا مكنتش اعرف اى حاجه عن ال bmw لحد ما ابتديت اقرأ كل حاجه من المنتدى هنا من اماكن قطع غيار لميكانيكيه لأعطال بجد انتوا ناس محترمه جدا و المنتدى هنا فادنى كتير

اسف للأطاله و ياريت لو حد يقدر يفيدنى بسرعه

[tito32]

شوف ضغط الهوا من الناحية اللى فيها صوت

[novo]

الحمد لله اشتريت 150000km bmw 316i 2007 116hp manual
اشتريتلها بوجيهات ngk:bkr6equp من توكيل ngk اللى فى السيده زينب ب 400 جنيه

اشتريت سير ماكينه ب 180 جنيه و فلتر هواء ب 180 جنيه من سامح نجيب دمشق من غير ما افاصل و حاسس انهم كان ممكن انزل فيهم شويه

العربيه كانت معايه زى الفل لحد ما سمعت صوت رجرجه فوق العجله اليمين اللى ورا زى مايكون حاجه فكه و الصوت فى ناحيه واحده بس بسمعه فى اى طريق مش مستوى انا كنت رفعت العربيه و العفشه كانت سليمه و مافيش حاجه جايبه زيت خالص .


يا ريت لو اى حد عنده فكره يقولى اعمل ايه لانى خايف اضطر اشترى مساعدين ورا جداد و عادى لو مشيت واحده واحده بالعربيه لحد ما اوديها بكره اكشف عليها و لا ممكن يأثر على حاجه

و بالنسبه للبوجيهات و السير اركبهم فين كنت بفكر فى الشيخ طارق و فى واحد اسمه على كنت قريت عنه هنا فى المنتدى فى مدينة النور هنا فى شبرا لانه اقربلى فى الحاله اللى العربيه فيها دلوقتى


على فكره بجد انا مكنتش اعرف اى حاجه عن ال bmw لحد ما ابتديت اقرأ كل حاجه من المنتدى هنا من اماكن قطع غيار لميكانيكيه لأعطال بجد انتوا ناس محترمه جدا و المنتدى هنا فادنى كتير

اسف للأطاله و ياريت لو حد يقدر يفيدنى بسرعه

شوف البطارية متثبتة كويس ولا لأ ....البوجيهات و السير مش محتاجين حد متخصص بي ام خالص....سهلين جدا جدا

[sherif84]

شوف ضغط الهوا من الناحية اللى فيها صوت

شوف البطارية متثبتة كويس ولا لأ ....البوجيهات و السير مش محتاجين حد متخصص بي ام خالص....سهلين جدا جدا

انا ماشوفتش الضغط لسه بس الصوت زى مايكون حديد بيرن فى حديد مش دبدبه انا ماوضحتش كويس و انا بوصفه



هشوف البطاريه بس الصوت زى ما يكون حاجه حديد سايبه و مع اقل نقره فى الارض مش بسمع دبدبه او خبطه لا بسمع رنة حديد فى بعضه يعنى قصدى رنه متردده و سريعه (زى ما يكون السوسته مثلا بتخبط فى حديد ) انا هنزل دلوقتى اروح لعلى اللى فى مينة النور اقربلى و علشان ما امشيش كتير بالعربيه كده و اول ما أعرف السبب هتابع معاكوا هنا ان شاء الله

[sherif84]

الحمد لله على كل شىء
المساعد طلع مقطوم و و كان سايب و ده السبب فى الصوت اللى كنت بسمعه و الحمد لله غيرته بواحد استيراد .

[rompo10]

الحمد الله انك عرفت العيب وبعد اذنك ممكن اعرف سعر العربيه وياريت استهلاك البنزين

[sherif84]

الحمد الله انك عرفت العيب وبعد اذنك ممكن اعرف سعر العربيه وياريت استهلاك البنزين

هو بالنسبه للسعر انا واخدها من واحد صاحبى فسعرها مالوش دعوه بالسوق خالص
استهلاك البنزين انا تقريبا لسه مركزتش معاه انا لسه مفولها من يومين و ان شاء اقولك
هى 1600 سى سى و عندى على الكومبيوتر مدينى انها تمشى 590 km بعد التفويله