عايز اشتري 320i موديل 2010/2011 ارجو المساعده

[mi22do]

المهندس صفوت كلامه صح ,, لان فعلا سعر البيع الفعلي بيفرق كتيرر عن كلام الاعلانات.
كمثال فعلي حصل معايا شخصيا من حوالي اسبوعين
كنت عارض عربيتي BMW موديل 2007 - 316i للبيع - والحاله جيدة جداااااا
كنت طالب 145 الف زي ما بشوف في الاعلانات
وفي الاخر خلصت علي 126 الف !! تخيلوا
وكمان ديه عربيه مطلوبه جدا
بالتوفيق للجميع ..

[Ahmed Selim]

مع إحترمي لكل الأراء....

واحد صاحبي أشترى من شهرين 320 موديل 2009 ب 220 ألف......هنفترض مجازاً أنه أشتراها غالية

بقالي أكتر من شهر و نص بدور مع واحد صاحبي تاني و أقل سعر شوفناه ل 320 موديل 2009 ماشية فى حدود 60 أو 70 ألف كان 220......و فيه أعلى من كده و ماشية أقل.

ال 2010 أقل سعر شوفته كان 235 ألف ماشية ...67.....و دي تحديداً اللى أتقال لصاحبي من واحد صاحب معرض معرفة و شغال فى بي أم عليها....خلصوا فيها لأن سعرها حلو.

ال 316 موديل 2010 كان أقل سعر شوفته لكيلومتر حوالي 60 ألف كان 205 ألف

صاحبي كشف لحد دلوقتي على حوالي 6 عربيات......و اتفرج على ما يقرب من 20 عربية أو أكتر

في طبعاً عربيات كتير ماشية فوق ال 100 ألف كم و مطلوب فيها أرقام أقل من كده.......بس صاحبي بيدور على حالة كويسة و ماشية قليل.

و كلمتله زميلنا عمرو عبد الخالق لأن له واحد صاحبه شغال فى البي أم و قاله أن متوسط الأسعار فعلاً زي ما بنشوف على النت.

حسب ما فهمت أن من حوالي شهر و شوية الأسعار عليت في المستعمل.....ليه معرفش.

الكلام ده اللى شوفته من نص رمضان لحد دلوقتي.....على مواقع البيع و الشراء و فى المعارض.

[MoodyMooner]

[QUOTE=Ahmed A.Maksoud;3875718271]
مع إحترمي لكل الأراء....

واحد صاحبي أشترى من شهرين 320 موديل 2009 ب 220 ألف......هنفترض مجازاً أنه أشتراها غالية

بقالي أكتر من شهر و نص بدور مع واحد صاحبي تاني و أقل سعر شوفناه ل 320 موديل 2009 ماشية فى حدود 60 أو 70 ألف كان 220......و فيه أعلى من كده و ماشية أقل.

ال 2010 أقل سعر شوفته كان 235 ألف ماشية ...67.....و دي تحديداً اللى أتقال لصاحبي من واحد صاحب معرض معرفة و شغال فى بي أم عليها....خلصوا فيها لأن سعرها حلو.

ال 316 موديل 2010 كان أقل سعر شوفته لكيلومتر حوالي 60 ألف كان 205 ألف

صاحبي كشف لحد دلوقتي على حوالي 6 عربيات......و اتفرج على ما يقرب من 20 عربية أو أكتر

في طبعاً عربيات كتير ماشية فوق ال 100 ألف كم و مطلوب فيها أرقام أقل من كده.......بس صاحبي بيدور على حالة كويسة و ماشية قليل.

و كلمتله زميلنا عمرو عبد الخالق لأن له واحد صاحبه شغال فى البي أم و قاله أن متوسط الأسعار فعلاً زي ما بنشوف على النت.

حسب ما فهمت أن من حوالي شهر و شوية الأسعار عليت في المستعمل.....ليه معرفش.

الكلام ده اللى شوفته من نص رمضان لحد دلوقتي.....على مواقع البيع و الشراء و فى المعارض.
QUOTE]

الكلام ده فعلي وواقعي وهي دي الأرقام اللي في السوق من حوالي شهريين أنا فصلت 320 موديل 2011 عاملة 40 ألف كم وفابريكة ب 240 ألف معرض وكان ممكن تخلص بالخناق 230 ألف بالنسبة لل f30 316 كسر زيرو عاملة 12ألف كم سعر البريميوم 300 ألف و الأكشري أو الأكسكلوسيف 315 ألف موديلات 2013/2014 فالحقيقة أتجهت للزيرو لأني لقيته أرخص حل عملي ...

[ayman tarek]

باشا مفيش الاسعار دي انا بايع عربيتي 320 2010 و راشه كمان ب 230 الف وصحبي جايب 318 ب 200 الف و نصيحه متجبش e90 اصلا