لوك مسمار العجلة

[sv065]

السلام عليكم ورحمة الله وبركاته

.......................
.......................


شباب لو سمحتم ضاع مني اللوك بتاع مسامير العجل والعربية ومش عارف أفك فيها أي فردة

دي صورة راس المسمار اللي عاوز لوك ليه





ودي صورة كمان




......

أنا ماشي عالاستبن وحالته مش ولابد

إيه الحلول الممكنة؟؟!!

أرجو سرعة الرد...


تحياتي

[احمد عبد القاد]

حصل معايا نفس المشكلة مفيش غير ان الخراط يفوره او التوكيل اشترى مفتاح جديد
او ممكن تستلف المفتاح من اى عربية بى ام دقيقة وهو واقف تحل المسمار وخلاص وبعدين ركب مكانه مسمار عادى

[mr_vampire]

شوف محلات قطع غيار البي ام او محلات الاستيراد.

[ACE]

حصل معايا نفس المشكلة مفيش غير ان الخراط يفوره او التوكيل اشترى مفتاح جديد
او ممكن تستلف المفتاح من اى عربية بى ام دقيقة وهو واقف تحل المسمار وخلاص وبعدين ركب مكانه مسمار عادى

على حد علمى كل عربية مختلفة عن غيرها والا يبقى مالوش لازمة

[sv065]

السلام عليكم ورحمة الله

شكرا للجميع.....

تم حل المشكلة بفضل الله وتوفيقه

[mr_vampire]

طب قولنا عملت ايه عشان لو حد قابلته نفس المشكلة .

[sv065]

السلام عليكم

الموضوع الحمد لله كان اسهل ما كنت متوقع لان كل اللي شافوه قالو لازم تلحم في المسمار بانار ولا الكهربا طبعا مع مخاطر الاتنين

وبعد ما رحت لناس كتير جدا تقريبا ماسبتش محل في الحرفيين ولا شارع دمشق عديت بالصدفة علي محل اسمه احمد رافت ده قطع غيار وميكانيكي في نفس ذات التوقيت وركب لي لقمة حشر من عنده في كل مسمار ودق عليها دقتين بالشاكوش لحد ما قفشت كويس وبعدين فك فكت علي طول ولله الحمد

بس اللي لاحظتة ان كل المحلات اللي بتجبلي اللوك اللي عندهم نجرب ليه كان كله دكر عكس اللي ضاع مني وكانو بيستغربو من شكل اللوك بتاعي واخرهم محمد دسوقي والصراحة رجولة جدا كلمته و قاللي تعالي فكهم باللوك بتاع عربيتي ... كان فاكر انه نفس المقاس ولكنه استغرب برضه لما لقاه شكل مختلف انا عاوز لوك نتاية وهو معاه دكر

المهم الحمد لله طبعا المسامير خلاص باظت ماتنفعش تاني

عاوز رأي حضراتكم بقي اشتري لوك استيراد اصلي ولا جديد بس مش اصلي طبعا لان الاصلي غالي جدا اكتر من ضعفين التقليد


تحياتي للجميع

[احمد عبد القاد]

السلام عليكم

الموضوع الحمد لله كان اسهل ما كنت متوقع لان كل اللي شافوه قالو لازم تلحم في المسمار بانار ولا الكهربا طبعا مع مخاطر الاتنين

وبعد ما رحت لناس كتير جدا تقريبا ماسبتش محل في الحرفيين ولا شارع دمشق عديت بالصدفة علي محل اسمه احمد رافت ده قطع غيار وميكانيكي في نفس ذات التوقيت وركب لي لقمة حشر من عنده في كل مسمار ودق عليها دقتين بالشاكوش لحد ما قفشت كويس وبعدين فك فكت علي طول ولله الحمد

بس اللي لاحظتة ان كل المحلات اللي بتجبلي اللوك اللي عندهم نجرب ليه كان كله دكر عكس اللي ضاع مني وكانو بيستغربو من شكل اللوك بتاعي واخرهم محمد دسوقي والصراحة رجولة جدا كلمته و قاللي تعالي فكهم باللوك بتاع عربيتي ... كان فاكر انه نفس المقاس ولكنه استغرب برضه لما لقاه شكل مختلف انا عاوز لوك نتاية وهو معاه دكر

المهم الحمد لله طبعا المسامير خلاص باظت ماتنفعش تاني

عاوز رأي حضراتكم بقي اشتري لوك استيراد اصلي ولا جديد بس مش اصلي طبعا لان الاصلي غالي جدا اكتر من ضعفين التقليد


تحياتي للجميع

راى الشخصى ان اى شئ يخص عجل العربية لازم يكون اعلى جودة ممكنة
انا اشتريت طقم مسامير لوك (نتاية) ومفتاح ذكر استيراد ب 125 جنيه

[almohaor]

على فكرة ممكن اى ورشة خراطة عندها امكانية ( تصنيع تروس )

كان ممكن تخرط لك مفتاح بنفس المواصفات

بعد رفع مقاس المسمار من على فردة الاستبن

بدل اتلاف كل المسامير