ارجو المساعده هل الفرق بين ال 316 وال 320 يستحق فرق المبلغ ؟؟

[mooozooo]

يا جماعه محتار 320 ولا 316 الفرق تقريبا بين 316 البريموم وال 320 الاكسكلوسف 70 الف جنيه يعنى تمن عربيه صغيره وفالاوبشن فرق 11 اوبشن اعتقد معروفين
هل ال 320 تقفيل المانى كامل زى ال 316 ولا لأ
طبعا بتكلم عن الزيرو 2015
وبالنسبه للبنزين 320 بتاخد 92 عادى ولا لازم 95

[Mamoud salah H]

اظن الفرق في القوة في لموتور تستاهل

[Adnfalcon]

ال 316 اول فئه فاضيه جدا جدا وحرام فيها الفلوس وأكيد ال 320 برقبتها ودا سبب فرق السعر الرهيب

[svneleven]

136 حصان و 184 حصان. 50 حصان بحالهم. غير فرق الاوبشنز. طبعا الفرق يستاهل لكن المهم أنت محتاج ايه؟

[Land_Cruiser]

فروق قوه الموتور و الاوبشنز بين الاتنين يخلوهم عربيتين مختلفتين و مفيش حاجه تجمعهم غير الماركه و جودتها فقط. النصيحه لو حضرتك ميزانيتك تسمح يبقي هات ال 320 و ان شاء الله مش هتندم الا اذا كنت حضرتك مش محتاج علي الاقل نصف الاوبشنز و مش فارق معاك فرق المواتير.

الموضوع اللي حضرتك بتتكلم فيه ده لسه حاصل حاجه شبهه مع صديق لي بس في شراء عقارات : كان بيدور علي فيلا و لقي قدامه فيلا بس لازق فيها من الناحيتين فيلتين تانيين و دي سعرها ارخص كتير مقارنه بواحده تانيه منفصله من الناحيتين و هو كان بيفكر طيب ما الاتنين في الاخر اسمهم فيلا طيب لما اخد الارخص و فعلا عمل كده بس مع الاسف لما سكن فيها اكتشف انها كأنها شقه بس كبيره شويه يعني ممكن يسمع الجيران لو بيزعقوا و بيزحزحوا حاجه تقيله و بالتالي ما بقتش فيلا ليها خصوصيه الا علي الورق بس او بقت فيلابس درجه تانيه و هو ده بالضبط اللي قلقان منه لو اخترت ال 316 انما طبعا القرار لحضرتك و حاول تقعد في الاتنين الاول و تجرب قبل ما تختار و بالتوفيق لما فيه الخير

[mooozooo]

طب بالنسبه لاستهلاك البنزين هل الاستهلاك فى 320 اعلى كتيير من 316 ولا فرق بسيط

[svneleven]

بخصوص البنزين صدقني مش هتحس بفرق. انا بتكلم علي ال e90. استهلاكها أعلي بسيط من أي موتور 1600. الانترا أو سيراتو مثلا.

[hfshaaban]

السلام عليكم، بالنسبة لاستفسار حضرتك بخصوص الفرق بين 316 و 320 انا كان عندى نفس التساؤل دة قبل الشراء والحمد لله استقريت على 316 بريميوم وذلك لاسباب كثيرة :

1 - فرق الموتور بين الاتنين ليس كبير وبالتجربة لا تعتقد ان 316 بطيئة كما تخيلت ولكن بالعكس التسارع بتاع العربية بسم الله ما شاء الله خاصة على الاسبورت دريف واديك مثال لى صديق معاة c180 موديل 2014 التسارع لحساب 316 بنسبة كبيرة.
2 - 316 تقفيل المانى و 320 تقفيل مصرى وبة عيوب كثيرة .
3 - لا يوجد فرق فى الكماليات بين 316 بريميوم و 320 بريميوم الفرق ضئيل جدا.
4 - الفرق بين 316 بريميوم و 316 لاكشرى كبير ولكن ايضا فرق المبلغ بين الاتنين كبير جدا حوالى 30000 جم وكل الفرق شوية نواكل اماى وخلفى يمكن تركيبهم بنصف المبلغ كما فعلت ( جميع نواكل الاكشرى بتركب على البريميوم )

خلاصة الكلام من وجة نظرى خليك فى 316 البريميوم وركب الكماليات دى كلها بنص التمن

وشكرا

[MoodyMooner]

الحقيقة يا جماعة من وجهة نظري ومع أحترامي لجميع الأراء أن الموضوع مش كماليات تركب بنصف السعر، علشان اللي ناوي يدفع المبلغ ده عايز يركب عربية من الأخر مش لسه هيروح يلعب ويعدل في العربية ويركب فيها كماليات ، الموضوع أنا مستني أيه في العربية اللي دافع فيها مبلغ كبير ومحترم وهاخد أيه مقابل الفلوس " القيمة مقابل السعر" الفرق بين البريميوم والاكشري الكراسي الجلد والنواكل و التعتيم في المريات و الباركينج سينسور الخلفي الجنوط المختلفة الأبانوس في الطابلوة كل دي فروق ومش سهل أضافتها ...

أما من حيث المبدأ ما بين ال 316 و ال 320 فالموضوع فرق هورس باور محترم وفتحة سقف وكراسي كهرباء فالموضوع بردة مختلف وعلى فكرة التجميع المصري جيد جداً ومحدش يقدر يفرق العربية المجمعة محلياً عن الألماني تقريباً هيا هيا الحقيقة BMW في موضوع التقفيل المحلي مهتميين به جداً ، أنا عن نفسي رحت لل 316 الاكشري بس علشان موضوع البنزيين والضريبة لأن الدعم على المواتير اللي أكبر من 1600 هيتشال هيتشال لو مش السنه دي هيبقى السنه اللي جاية وكمان ضريبة العربية أكيد هتختلف حالياً لل 1600 حوالي 300 في السنة و ال 2000 حوالي 1000 جنيه في السنة مش ده اللي يفرق لكن أكيد الضريبة هتعلى على المواتير الكبيرة ، بناءاً عليه أنا فضلت أروح لل 316 الاكشري وبالي مستريح يشيلوا الدعم يخلوه يرفعوا الضريبة يخلوها أنا مش في حساباتي خالص ... وكمان فرق الهورس باور ده يفرق لو في أوروبا أو أمريكا هاي واييز والدنيا مفتوحة أما في مصر وبزحمتنا دي ال 136 حصان زي الفل وبالتجربة العربية سحبها جميل وموفرة جداً جداً في البنزين ... والحمد الله أني خدت قرار الشراء وما ستنتش المرسيدس ال c الجديدة حقيقى عربية فخمة ومحترمة وكنت هاموت عليها بس كان ممكن أطب ساكت لو قالولي بعد الشراء لازم بنزين 95 أو كنت قعدت أخبط دماغي في الحيطة ...

[hfshaaban]

أستاذ مودى كلامك صحيح 100 فى 100 بس فرق السعر بين البريميوم واللكشرى كبير جدا مقارنة بالكماليات بينهم التوكيل عشان يفرق بين العربيتين عمل الفرق الكبير دة وعن تجربة انا اشتريت كل الفروقات دى من التوكيل بنص السعر وبيركبوا بالظبط بدون تعديل او تغيير الحاجة الوحيدة اللى سعرها كبير الباركنج سنسور وجبتة من دبى اصلى من وكيل الامارات بالرقم الاصلى بنص سعرة فى مصر.
وفى الاخر بالنسبة للبنزين هى بتاخد بنزين 92 واستهلاكها حلو جداجدا

[mooozooo]

ممكن اعرف سعر النواكل الخارجيه بتاعت اللكشرى كام ؟

[hfshaaban]

الفريم النيكل الجانبى 4500 الشبكة 500 المسطرة الامامى والخلفى من ebay
500 جنية

[MoodyMooner]

أستاذ مودى كلامك صحيح 100 فى 100 بس فرق السعر بين البريميوم واللكشرى كبير جدا مقارنة بالكماليات بينهم التوكيل عشان يفرق بين العربيتين عمل الفرق الكبير دة وعن تجربة انا اشتريت كل الفروقات دى من التوكيل بنص السعر وبيركبوا بالظبط بدون تعديل او تغيير الحاجة الوحيدة اللى سعرها كبير الباركنج سنسور وجبتة من دبى اصلى من وكيل الامارات بالرقم الاصلى بنص سعرة فى مصر.
وفى الاخر بالنسبة للبنزين هى بتاخد بنزين 92 واستهلاكها حلو جداجدا

اشكرك على ردك المحترم ... خلاصة الكلام ان العربية فعلا صراحة ممتعة جداً شكلاً وموضعاً ... انا الحقيقة حبيت اريح نفسي وأجيب من الأخر ... وسيادتك حبيت تتعب شوية وتوفر شوية فلوس ... بس مثلاً حاجة زي الابانوس صراحة انا كان فارق معايا جداً لانه منطق الانتيريور ومنوره وهي في الأخر مساءلة اذواق ... وبرده اكيد احنا مستمتعين بالعربية التحفة دي ... بالنسبة للبنزيين انا باستخدم بنزيين ٩٢ من وقت الاستلام حوالي شهر بلا اي مشكلة وسحب العربية ممتاز بس الحقيقة باستنضف البنزينة يعني مش بافول من اي محطة ... والعربية حقيقي موفرة في الاستهلاك جداً تصديقاً على كلام حضرتك.

[mooozooo]

الحقيقة يا جماعة من وجهة نظري ومع أحترامي لجميع الأراء أن الموضوع مش كماليات تركب بنصف السعر، علشان اللي ناوي يدفع المبلغ ده عايز يركب عربية من الأخر مش لسه هيروح يلعب ويعدل في العربية ويركب فيها كماليات ، الموضوع أنا مستني أيه في العربية اللي دافع فيها مبلغ كبير ومحترم وهاخد أيه مقابل الفلوس " القيمة مقابل السعر" الفرق بين البريميوم والاكشري الكراسي الجلد والنواكل و التعتيم في المريات و الباركينج سينسور الخلفي الجنوط المختلفة الأبانوس في الطابلوة كل دي فروق ومش سهل أضافتها ...

أما من حيث المبدأ ما بين ال 316 و ال 320 فالموضوع فرق هورس باور محترم وفتحة سقف وكراسي كهرباء فالموضوع بردة مختلف وعلى فكرة التجميع المصري جيد جداً ومحدش يقدر يفرق العربية المجمعة محلياً عن الألماني تقريباً هيا هيا الحقيقة bmw في موضوع التقفيل المحلي مهتميين به جداً ، أنا عن نفسي رحت لل 316 الاكشري بس علشان موضوع البنزيين والضريبة لأن الدعم على المواتير اللي أكبر من 1600 هيتشال هيتشال لو مش السنه دي هيبقى السنه اللي جاية وكمان ضريبة العربية أكيد هتختلف حالياً لل 1600 حوالي 300 في السنة و ال 2000 حوالي 1000 جنيه في السنة مش ده اللي يفرق لكن أكيد الضريبة هتعلى على المواتير الكبيرة ، بناءاً عليه أنا فضلت أروح لل 316 الاكشري وبالي مستريح يشيلوا الدعم يخلوه يرفعوا الضريبة يخلوها أنا مش في حساباتي خالص ... وكمان فرق الهورس باور ده يفرق لو في أوروبا أو أمريكا هاي واييز والدنيا مفتوحة أما في مصر وبزحمتنا دي ال 136 حصان زي الفل وبالتجربة العربية سحبها جميل وموفرة جداً جداً في البنزين ... والحمد الله أني خدت قرار الشراء وما ستنتش المرسيدس ال c الجديدة حقيقى عربية فخمة ومحترمة وكنت هاموت عليها بس كان ممكن أطب ساكت لو قالولي بعد الشراء لازم بنزين 95 أو كنت قعدت أخبط دماغي في الحيطة ...

انا كنت متجهه لل 320 خلاص رائيك ده ممكن يخلينى ارجع افكر فى 316 لكشرى تانى لان لو حوار رفع الدعم عن البنزين اتعمل هتبقى ال 320 دى ببلاش وال 316 هترفع فى السعر جامد فى نفس الوقت حتى لو مش ناوى ابيع استهلاك البنزين غير المدعم ده مش هينفع معايا خالص اما موضوع الضريبه مش هيفرق لانى هرخصها دلوقتى 3 سنين واريح نفسى يغلى يرخص بقى مش فارقه بس هل موضوع رفع الدعم على البنزين للفئات وفئات ده اكيد ؟؟؟؟

[MoodyMooner]

انا كنت متجهه لل 320 خلاص رائيك ده ممكن يخلينى ارجع افكر فى 316 لكشرى تانى لان لو حوار رفع الدعم عن البنزين اتعمل هتبقى ال 320 دى ببلاش وال 316 هترفع فى السعر جامد فى نفس الوقت حتى لو مش ناوى ابيع استهلاك البنزين غير المدعم ده مش هينفع معايا خالص اما موضوع الضريبه مش هيفرق لانى هرخصها دلوقتى 3 سنين واريح نفسى يغلى يرخص بقى مش فارقه بس هل موضوع رفع الدعم على البنزين للفئات وفئات ده اكيد ؟؟؟؟

حضرتك ممكن ترد على السؤال دة ... ليه المرسيدس منزل كل موديلات ال c كلاس الجديدة كلها بلا استثناء بمواتير ١٦٠٠ ؟ علشان عارف ان زبون الفئة دي هيبقى مهتم بمصاريف التشغيل فمش عايز يخسرة ... ليه كل السيارات ال ١٦٠٠ سعرها زاد بمجرد الاعلان عن رفع الدعم الجزئي عن البنزيين ؟ فحضرتك الدعم هيتشال جزئياً على عدة مراحل سنوية دي معلومة اكيدة فالحقيقة انا ما عنديش استعدا د ادفع استهلاك بنزيين بلا داعي علشان هورس باور عالي وممتع ورائع و في الاخير لا استفيد منه شئ بسبب ظروف الزحام الدائم في شوارعنا الجميلة ... او اشتري عربية يكون البنزيين الموصى به ٩٥ فمكنش قادر الاحق على مصاريف بنزينها ... يقول قائل هو حد هيشتري عربية زي دي ويفكر هيدفع بنزيين بكام ارد واقول ايوه انا جايب عربية فخمة وبها كل معاملات الامان والرفاهيه بس ما عنديش استعداد اصرف قد ثمنها بنزيين ... وعلى فكرة انا ما بحبش جو ان العربية مكتوب عليها ٩٥ بس التوكيل بيقول تمشي ب ٩٢ عادي ... لا مش عادي لأن بنزيين ٩٢ عندنا ده اصلاً ٩٠ وربنا يسترها علينا وعلى عربيتنا منه واكيد صانع العربية بيفهم فيها احسن مننا ... خلاصة الكلام مع حضرتك ثمنها ومش هتتزنق في فلوس ومش فارق معاك مصاريف البنزيين يبقى اتوكل على الله وخلص في ال ٣٢٠ فتحة سقف وكراسي كهرباء و هورس باور خطيير المهم في الأخر العربية محترمة وواسعة و عفشتها حلوة وبها معظم الكماليات المطلوبة ... ومبروك مقدماً