مصارف تشغيل bmx x1 2014

[shadow_man1]

سلام عليكم
حقيقي حابب اشكركم كلكم على المجهود الجبار

انا قررت اشتري BMW X1 sport
وكنت قريت شرح تفصيلي في موضوع مثبت هنا بس كنت حابب اعرف اسعار الصيانه في التوكيل بالتفاصيل لان ده الشيء الوحيد اللي مخوفني منها

وسعر التامين عليها و الترخيص مع العلم انها دلوقتي ب 364 الف

معلش هتقل عليكم في سؤال تاني لان في ناس كتيره بتقولي بدل ما اجيب اكس وان زيرو اجيب اكس ثري مستعمل .... احب برضو اعرف رايكم

[novo]

[QUOTE=shadow_man1;3875719576]سلام عليكم
حقيقي حابب اشكركم كلكم على المجهود الجبار

انا قررت اشتري BMW X1 sport
وكنت قريت شرح تفصيلي في موضوع مثبت هنا بس كنت حابب اعرف اسعار الصيانه في التوكيل بالتفاصيل لان ده الشيء الوحيد اللي مخوفني منها

وسعر التامين عليها و الترخيص مع العلم انها دلوقتي ب 364 الف

معلش هتقل عليكم في سؤال تاني لان في ناس كتيره بتقولي بدل ما اجيب اكس وان زيرو اجيب اكس ثري مستعمل .... احب برضو اعرف رايكم[/QUOTE

ترخيص 850جم فى السنة

تأمين 12ألف

صيانة تغيير زيت ب850جم

ان شاء الله مش هتغير حاجة قبل ال40الف كيلو

[FrozenFire]

هو أنا دافع 450 تقريبا في السنة

التأمين على حسب الشركة اللي مأمنة معاك بس أنا مأمن تبع بي إم ب 15 ألف


بالنسبة للصيانة فإنت مش حتعمل أي صيانة غير كل 10 آلاف كيلوا حتى مافيش صيانة الألف. سعر الصيانة 850 وده ضامن زيت وفلتر وتشييك كامل للعربية.

بالنسبة للإكس3 فهي طبعا أحسن من الإكس 1 ولكن خلي بالك إنك حتجيب مستعمل وطالما سيادتك خايف من مصاريف الزيرو يبقى بلاش المستعمل لأنك ما تضمنشي العربية المستعملة اللي حتيجبها حتصرف منك إيه بعد ما تجيبها. ده رأيي الشخصي.
نفس السؤال بتاع أجيب فئة تالتة جديدة ولا خمسة مستعملة...

والسلام ختام

[maskeen]

تكلفة الصيانه ياجماعه فى الدنيا كلها بتتحسب بالقياس للكيلومتر

يعنى لو انت بتعمل 10 الاف فى السنه هاتدفع صيانه ربع اللى بيعمل 40 الف
لكن التكلفه دى هايتضاف عليها رقم ثابت هو التامين والترخيص

بشكل عام جدا...صيانه البى ام بتتكلف من 20 الى 40 قرش للكيلو متر ..حسب هاتصين فى التوكيل او بره التوكيل
ده يشمل قطع غيار وكاوتش واصلاحات غير دوريه (طلمبة ميه, مساعدين, طقم بلى, رادياتير, الخ)

يعنى لو بتعمل 20 الف كيلو فى السنه زى مامعظم الناس بتمشى, هاتدفع من 4 الى 8 الاف كل سنه شامل كل شىء

[shadow_man1]

شكرا للجميع