تمييز ال e36 الاصلى من النصين

[SimplyM]

السلام عليكم


الناس بتخوفنى ان اغلب ال e36 اللي في الشارع نصين ... هل فيه طريقه مضمونه يمكن بها تمييز العربيه النصين من الكاملة؟

[hesham fawzy h]

سهل جدا تتعرف

[SimplyM]

يمكن بالنسبه لحضرتك بس انا مستفدتش حاجه بالرد الوجيز ده

[SimplyM]

ارجو الافاده يا شباب ... هل فيه حاجه تميز العربيه النصين؟ بغض النظر عن كشف السمكريه؟ لان فيه ناس بتعملها بفن

هل يوجد رقم شاسيه مثلا فى الجزء الخلفى او وسيله للتاكد من ان العربيه كامله؟

[ashrafwolf]

هات معاك متر و قيس الجنبين من سنتر العجله الاماميه للخلفيه

[MohamedGobran]

بص يا ريس فيه كذا طريقه تكشف العربيه نصين و لا لا

1- خد ال VIN Number بتاع العربيه هتلاقى فى الاخر على الشمال حرفين و 5 ارقام هتاخدهم وتخش على الموقع ده

http://www.bmwarchive.org/vin/bmw-vin-decoder.html

أو

http://www.bmw-z1.com/VIN/VINdecode-e.cgi

و تكتب الحرفين و ال 5 ارقام الى جبتهم و تكتب على موقع من دول هيجيبلك مواصفات العربيه كلها فانت بقى تركز فى الكلام ده تشوف مثلا تلاقى الموقع بيقولك دى عربيه موديل 95 و الرخصه مكتوب 97 يبقى دى نصين او تشوف المواصفات يعنى تلاقى العربيه ادامك بفتحه سقف لكن مفيش على الموقع من ضمن المواصفات ان العربيه بفتحه سقف و هكذا

الطريقه التانيه و دى طبعا الاهم الكشف على صاج العربيه و دواخلها و ده بيكون كالاتى: انك هتبص على ال 6 قوايم و العتب بتاع العربيه و تمشى معاه بعين مركزه كده فى الشمس تشوف فيه اى فرق فى درجات لون او لا او يكون الدهان مسيل او عامل زى نقر كده و لو حاطط اى لزق او اى حاجه تدارى بيها حاجه فى القوايم كله شيلها لانها ممكن تكون مداريه حاجه و ترفع العربيه من تحت و تبص عليها من تحت على اللحام وكده و بعد لو خلاص هتخلص فى العربيه تتطلع على سروجى يفكلك الاجزاء من فرش العربيه الى ممكن يبين القوايم او يبين ارضيه العربيه و طبعا لازم يكون معاك سمكرى ثقه وفاهم كويس هيعرف هو يطلعلك لو فى حاجه

الطريقه التالته برضو هتاخد رقم الشاسيه و تطلع بيه على المرور الى هى تبعه و بيكون مكتوب فى الرخصه و تكشف على ورق العربيه مسروقه او متبلغ عنها فى حاجه او فى فى الملف ما يثبت انها عملت حادثه كده يعنى

بس عمتا معظم العربيات النصين الى حضرتك بتتكلم عنها بتكون 80% من العربيات كوبيه و 95% من العربيات كابورليه انما السيدان 4 باب عاديه النسبه بتكون اقل بس برضو لازم تكشف كويس

[SimplyM]

يا باشا الف شكر على الرد المفصل ده, ربنا يكرمك :)

[amoor89]

سهل جدا تتعرف

أختلف مع حضرتك بشده
فى ناس بتبقى قضت حياتها كلها فى شغل العربيات وبتتخدع فى بعض الحالات لان فى عربيات سعات بتبقى معمولة بحرفية عالية

[hesham fawzy h]

أختلف مع حضرتك بشده
فى ناس بتبقى قضت حياتها كلها فى شغل العربيات وبتتخدع فى بعض الحالات لان فى عربيات سعات بتبقى معمولة بحرفية عالية

احترم وجهة نظرك ..
بس انت لو ودتها الى اى سمكرى .. ممكن من بصة يعرف ( مش ببالغ على فكرة)