320 لكشرى 2014

[shiref bebo]

[bor=#ff0000]ايه رئيكم فى 320 لاكشرى 2014 عشان عايز اجابها ومعنديش خلفيه عنها برجاء الافادة[/bor]

[shiref bebo]

ياجماعه محدش يعرف اى حاجه عنها
طيب فى مشاكل معها

[mxz911]

كشرى ... هممم
Luxury يا جماعه :)

[ENG.MaRk]

هي تقفيل مصري و ديه هي المشكلة ... أفضل 316 Luxury

[shiref bebo]

يعنى فيها مشاكل

[MoodyMooner]

يعنى فيها مشاكل

ولا مشاكل ولا حاجة ... فيه بس ناس بتقلق من التقفيل المصري بشكل عام ومعاهم حق ... بس بمنتهى الأمانة انا لما كنت بشتري عربيتي اتفرجت عليها بتدقيق ولكن بدون قيادة يعني فصصتها بس وهيا وقفة ولم اشعر اطلاقاً ان بها أي شئ مختلف عن عربيتي من حيث الخامات والتقفيل .... كانت 320 لاكشري سماوي فرش جملي .... العربية رائعة لو امكانياتك المادية تسمح بفرق السعر حوالي ١٠٠ الف ... ولو مش فارق معاك لو ان الدعم على البنزين للمواتير ال ٢٠٠٠ اتلغى .... يبقى من غير تفكير اتوكل على الله ... ماتور جبار 184 حصان وبها جميع كماليات ال ٣١٦ لاكشري بالاضافة لكراسي كهرباء بها ٢ ميموري وفتحة سقف .... ومتهيائلي ان الشاشة الخاصة بال i-drive اكبر من اللي في ٣١٦... كمان الجنط ومقاس الكاوتش اكبر ومصابيح زينون .... وفتحات تكييف خلفية ... ديه الفروق اللي انا فاكرها ... وبالتوفيق ان شاء الله

[J A G U A R]

فئه لوكشرى ممتازه
وممكن تشوف ال c الجديده

[KarimBM]

اتفرج الاول على mercedes c180 الجديده اوسع من bmw ... اركب دى و دى و ربنا معاك

[mostafa3000]

يص علي c180 الجديدة

[mohaismail]

شوف c 180 الجديدة افضل منها ولو انها روعة برضه

[MoodyMooner]

مفيش شك ان المرسيدس ال C180 موديل 2015 عربية فخمة وجميلة جداً ويكفي علامة النجمة وكانت اختياري الأول ... وأنا بشتري ... بس لما تبقى متوفرة اصلاً علشان الأخوة الاعضاء اللي مرشحينها مش واخدين بالهم ان حجزها معدي السنة ... يا اما اوفر برايس ٣٠ او ٤٠ الف جنيه يعني صراحة حاجة تحرق الدم ان الواحد يشتري سلعة اياً كانت بسعر ازيد من سعرها الرسمي حوالي ١٠٪ بسبب الجشع وعدم الضمير من التجار ....

بالنسبة للوسع انا ركبت الأثنين العربيتين تقريباً زي بعض بالظبط حتي في حجم الشنطة والاثنين فيهم الركبة اللي بتبقى في منتصف الكنبة الخلفية تجويف نقل الحركة الخلفية (الكرونة) طبعاً علشان العربيتين دفع خلفي.

من الكتالوجات :

الطول الإجمالي :
C180 : 4686 mm
BMW 3 series : 4642 mm

العرض الإجمالي الأمامي الخارجي :
C180 : 1810 mm
BMW 3 series : 1811 mm

طول قاعدة العجلات :
C180 : 2840 mm
BMW 3 series : 2810 mm

العرض الداخلي أمامي :
C180 : 1454 mm
BMW 3 series : 1451 mm

العرض الداخلي خلفي :
C180 : 1462 mm
BMW 3 series : 1458 mm

الأرتفاع الأجمالي :
C180 : 1442 mm
BMW 3 series : 1429 mm

حجم الشنطة : 480 Liter للأثنين

انطباع شخصي لما ركبت الاثنيين المرسيدس بشكل فتحات التكييف الجديدة يبان ان الطابلوه بتاعها زحمة شوية ... وحسيت انها اكنز من ال بي ام مع ان الكتالوج بيقول غير كدة ... كمان ضهر العربية (الشنطة) المرسيدس واخد شكل مرتفع شوية كدة بميل للأعلى حسيته غير متناسق مع منظر العربية .... لكن دي انطباعات شخصية مش اكثر ... ملاقوش في الورد عيب ...