الحقونى ..... مفتاح العربيه جوه العربيه و العربيه مقفوله e90

[sherif84]

اولا كل سنه و انتوا طيبين
انا معايا e90 2007 و المفتاح جوه العربيه و العربيه مقفوله ايه الحل
اكسر الزجاج الجانبى و لا ممكن اى حد من بتوع المفاتيح يلاقى حل و يفتحها من الكالون بتاع الباب
ارجوا الرد فى اسرع وقت

[diiie_hard]

هات حد بتاع ابواب يكون ناصح وهو هيفتحلك الباب من الزجاج

[sherif84]

انا وصلت للاكرة بتاعت باب الاكب اللى قدام و شديتها على الاخر اكتر من مره و اللوك مفتحش و واحد قريبى قالى لازم المفتاح اللى يفتح اللوك مش هينفع من الاكره الداخليه
هل ده صحيح و هل حتى باب السواق الاكره الداخليه بتاعته متفتحش لوك الباب

[ISLAMNOSSIR]

حصلي الموقف المقرف ده من يومين و العربيه كانت ف نص الشارع و دايره و التكييف و النور و الكاسيت شغالين :d
هات واحد بتاع ابواب يكون "نضيف" هيفتحها ف ٥ دقايق و اتفق معاه الاول ع الحساب و من غير ما تعرفه نوع العربيه عشان ميطمعش.

[sherif84]

طيب معلش هو فتحه ازاى . من الازاز و لا الاكره من جوه و لا كالون الباب من بره

[svneleven]

السؤال الأهم هي قفلت ازاي و هي دايره أو حتي و هي مبطلة بس المفتاح جوه؟

[abou-yahia]

ممكن تبطل العرييه بانك تسد الشكمان

وبعد كده ابعت هات النسخه الاحتياطي

او استخدم الموبايل في ان حد يفتح لك العربيه بالريموت

ممكن تنفع

Sent from my SM-N900 using Forum Runner

[sherif84]

العربية مركونه فى جراج و مبطله .انا بس عايز اعرف ليها حل من غير كسر الازاز و المفتاح مشفى الكونتكت المفتاح واقع جوه العربيه . ياريت لو حد يعرف طريقه او حتى يعرف الحل عن طريق كسر الازاز و لا ممكن حد يفتحها ياريت يفيدنى

[monamize4]

السؤال الأهم هي قفلت ازاي و هي دايره أو حتي و هي مبطلة بس المفتاح جوه؟

+1111

اصلا المفروض ان طول ما السمارت كى جوه العربية او ف محيطها ,, تبقى العربية مفتوحة

[ahmedsadek82]

No Way to open the car without the remote , the car is very secure , if you reach the inner handle or even the lock it won't open , get reach to the spare key if you can , otherwise break in and get the key

[pioneerahmed]

انسي ان العربية دي تتفتح من غير مفتاحها
يا اما التوكيل يعملك نسخة بحوالى 3000 جم و هتاخد وقت
يا اما تكسر الازاز

بس سؤال هو الاسبير فين؟

[svneleven]

بردو أنا مش عارف هي قفلت ازاي و المفتاح جواها؟ يعني عشان الواحد يتجنب ان ده يحصل.

[sherif84]

العربيه متقفلتش لوحدها . المفتاح كان فى جيبى و خبطه و العربيه قفلت السنتر و الازاز كله كان مقفول و كنت جوه العربيه و ما اخدتش بالى ان اللوك اتقفل بس كنت سمعت صوت اللوك بس مركزتش ايه اللى حصل اذا كان اتفتح و لا اتقفل . و بعدين المفتاح وقع من جيبى و انا بنظف العربيه و نزلت علشان ارجع انظف ورا و رديت الباب و اتقفل نص قفله و مارداش يفتح و ملقيتش المفتاح فى جيبى و شوفته من الازاز.انا اللى غلطان و نصيحه لازم يكون فيه مفتاح اسبير و ياريت لو اى حد فى مشوار يكون فاصل المفتاح عن الريموت علشان لو حصل حاجه زى كده

[ISLAMNOSSIR]

بص يا معلم ماتكسرش الازاز ولا تكلف نفسك الموضوع اهبل.
الراجل اللي فتحلي العربيه جاب معاه حاجه شبه الكيس و المنفاخ بتوع جهاز قياس ضغط الدم و بتشتغل بنفس الطريقه، دخل طرف البتاعه ديه ف الباب بحيث يعمل فجوه يعدي منها سلك طويل يقدر يفتح بيه الأكره او الإزاز.
الراجل خد مني ١٥٠ جنيه لما شاف العربيه مع انها شغلانه كبيرها اوي ٢٠ جنيه.

[adolf]

بتوع المفاتيح بيعالجوا الموضوع ده انهم بيدخلوا مفك ملفوف فى فوطة فى فاصل الباب و يقوم شادد الباب لبره و بعدين يدخل سلكة و يفتح اللوك و اعتقد فى حالتك دي الافضل يكون معاه عصاية يدوس بيها على زرار اللوك اللى فى التابلوة فوق الكاسيت