ترشيح زيت

[ISLAMNOSSIR]

بقالي فتره كل ما اركن العربيه 530i 2005 في الجراج الاقي ترشيح زيت تحت العربيه، امبارح لقيت كميه كبيره تحت العربيه و طلعلي تنبيه لتغيير الزيت و لمبة السيرفيس نورت.
الترشيح ده ممكن يكون ايه؟ العربيه بتاخد زيت ايه؟ و تكلفته كام؟ و هل اي ميكانيكي يغيره عادي؟

[SEW]

العربيه ممكن تحطلها زيت بي ام و ده بيجي عبوات لتر و اللتر بيعمل حوالي 90 جنيه, و ممكن تشتري برضه الكاسترول 5w-40 بس بشرط يكون مكتوب على العلبه من ورا انه متوافق مع bmw ll-01 و ده موجوده في كاسترول ايدج و العبوه ال 4 لتر بتعمل حوالي 300 جنيه و العبوه اللتر تقريبا بـ 85
و ياريت تروح لحد بتاع بي ام علشان بعد ماتخلص يعمل ريسيت للرساله بتاعت السيرفيس بالكومبيوتر

[ISLAMNOSSIR]

العربيه ممكن تحطلها زيت بي ام و ده بيجي عبوات لتر و اللتر بيعمل حوالي 90 جنيه, و ممكن تشتري برضه الكاسترول 5w-40 بس بشرط يكون مكتوب على العلبه من ورا انه متوافق مع bmw ll-01 و ده موجوده في كاسترول ايدج و العبوه ال 4 لتر بتعمل حوالي 300 جنيه و العبوه اللتر تقريبا بـ 85
و ياريت تروح لحد بتاع بي ام علشان بعد ماتخلص يعمل ريسيت للرساله بتاعت السيرفيس بالكومبيوتر

هي ال530 بتاخد كام لتر مع العلم انها ٦ سلندر

[Khaled bkr]

عندك ترشيح زيت ده مالوش علاقة بتغيير الزيت يعني قبل ما تشتري زيت وترمي فلوس في الارض اكشف الاول على العربية من تحت وشوف التسريب منين ممكن يكون اويل سيل او لاقدر الله كارتيرة الزيت وبعد كدة غير الزيت

[SEW]

هي ال530 بتاخد كام لتر مع العلم انها ٦ سلندر

بتاخد حوالي 8 لتر

و فعلا زي ماقلك كده قبل ماتشتري زيت و ترميه في الارض لازم تعرفي الزيت ليه بيقع منها ليه

[ISLAMNOSSIR]

أويل كولر هو اللي جايب الزيت