الحمد لله اشتريت e36 بس في كام حاجة......

[ابو فاطمة]

لله الحمد اشتريت e36
العربية فابريكة وفيها اجزاء كتير مش رشه بره وموديل 92

انطباعي .... العربية في طلعتها تقيلة شوية وفي التجميع بردو بس مقصدش بطيئة لا
بس تحس انك لازم تشبع الغيار ع الاخر عشان تحس بالعربية

العربية بعد المائة غول بردو وجويت بيها لغاية 140 ع الدائري ولا الهوا بس هو الكاوتش مش حلو فعشان كده انا مزودتش يعني

في مشكلة بس ان الrbm عالي يعني بعد الواحد ......واحد ونصف تقريبا

فده ممكن يكون ايه ومن ايه وهل حاجة كبيرة ولا عادي ..

واسمع عن منصور انه شاطر بس هل هو حرامي عشان واحد قاللي كده ..ولا عنده ضمير وحنين .....يعني لو غيه ميكانيكي كويس يا ريت تقولولي عليه

وتقولولي اعمل سيرفيس ايه
يعني احط زيت ايه وبوجيهات ايه واعمل ايه تاني

وجزاكم الله خيرا يا احلي منتدي

[Terrible_DaRsH]

ألف مبروك يا باشا ربنا يبارك لك فيها

ال 1600 بتاع العربية دي غياراته مش سريعة وتجميعها مش سريع بس بتجيب 190 عادي واكتر كمان، الفكرة بتاخد وقت لان العربية وزنها تقيل، يعني الفيرنا تجري بس على سرعة عالية ال e36 تفرق.

ال 1.6 99 HP

ولو الماكينة 1.8 فتقريبا 111 HP .

عامة اي عربية مستعملة بتشتريها لازم تغير سيور وفلاتر وزيت والميكانيكي يعملك طقم صيانة.

[ابو فاطمة]

ربنا يبارك فيك
طيب موضوع الار بي ام حد عنده فكرة عنه

[mnashat77]

الف مبرووك ،، واكيد لازم تروح اميكانيكي يعملك صيانات شامله عشان تبقي ماشي ومطمن

[ابو فاطمة]

ما هو انا بسأل ع الميكانيكي :)

[khaled_yassin]

ربنا يباركلك فيها
انا اعرف فى ميكانيكى وراء قسم عين شمس ديما عندوا عربيات bmw
سؤال سخيف انت اشتريتها على كام سعر وحالتها ايه لانى ناوى ان شاء الله

[ابو فاطمة]

بص انا اشتريتها غااااااااالية حوالي 5 الاف عن سعرها الطبيعي بس عشان حالتها مميزة وهرفعلك صورة انا اشتريتها. ب 73000
بس خلي بالك العربيات دي بتغلي بسبب ان قطع غيارها ببلاش

[ابو فاطمة]

معرفتش. ارفع صورة معلش

[ابو فاطمة]

بس حد خبرة كده يفهمني ممكن يكون الار بي ام العالي ده من. ايه

[khaled_yassin]

انا بدور عى حاجه موديلها اعلى شويه يعنى فوق ال95 ,,, ولسه هنسال على قطع اغيار لانى بقارن بينها وبين الهوندا سيفك تسعينات

[ابو فاطمة]

ربنا يوفقك انا كان معايا سيفيك si 93
بص هي دي ستايل ودي ستايل تاني خالص ودي طريقة سواقة والتانية طريقة تانية
شوف انت بقي بيعجبك القوة ولا النعومة
بس السيفيك قطع غيار. نااااااار النااااااار الولعة المولعة

[svneleven]

الميكانيكي اللي ورا قسم عين شمس ده هو منصور و الأقوال اختلفت عليه بين مؤيد و معارض لكن ما فيش اختلاف انه شاطر لكن خلي عينيك في وسط راسك عشان ما يتعملش عليك شغل. ممكن بردو الشيخ طارق في الكيلو 4.5 طريق السويس ورا المسجد و أنت جاي من السويس. و فيه VAG store ورا سفارة الامارت في شارع التورة اللي هو امتداد طريق السويس.

[max_ziro]

و انت على 100 الار بى ام على 3 فى ال 1600 كدة المظبوط