مشكله الاطارات في bmw x1

[BiroOoOo]

السلام عليكم ورحمه الله وبركاته


جبته عربيه x1 عربيه غايه في الجمال والمتعه ولكن للاسف الحلو ميكملش


العربيه الجنط بتاعها 18 وبالتالي الجنط ده كبير بيعمل مشاكل كتير في المطبات والحفر


للاسف الشديد اول لما جبت العربيه قبل حتي ما اركب نمر بعد 5 كيلو فقط الكاوتش فرقع .. قولت الحمدلله انها جات علي قد كده وغيرته


للاسف الشديد بعدها .. بعد مرور 3 الاف كيلو للاسف الشديد الكاوتشين الي علي الشمال ناحيه السائق طلعوا بلونه كده ( كالو ) وانا مش عارف طلعوا ليه تقريبا خدت حفر او مطبات


ياريت اولا الناس تفيدني هل لازم اغيرها ولا لا ..

ثانيا لو حبيت اغيرهم ايه افضل نوع كاوتش مع العلم ان الكواتش بتاعي run flat

انا جربت البريلي بس باظ بسرعه ومش مسترحيله ..


ثالثا : ايه اسباب البالونه دي ؟؟ ارجو الافاده في كل ده

[medo_sirion]

اولا ربنا يباركلك فيها ويحلظهالك من كل شر
ثانيا البلونات الي بتطلع من الكاوتش بتبقي نتيجه طبيعيه من الطرق المصريه كا حفر وبلاعات ونقر وفواصل الكباري
طيب ليه كل ماالجنط بيكون كبير كل ما بيبقي عرضه للبلالين والقطع؟
لان القطر بتاع الكاوتش بيبقي رفيع جدا فطبعا مع وزن العربيه والجنط مع الحفره فالكاوتش مش بيستحمل فبيقطع السلوك الكاوتش الداخلي ومن هنا بتطلع البلونه
طيب الحل ايه بما ان حضرتك بتاخد حفر وبلاغات وتكسير كتير بالعربيه فحلك الوحيد هو تصغير حجم الجنط من 18 الي 16
او الحل التاني انك تجيب فرد كوري رخيصه وتحاول تركز في الطريق وتتجنب الحفر وللنقر تماما
يارب اكون قدرت اوصل المعلومه

[haithamelhagar]

اوممكن تجيب كاوتش قطره اعرض

[novo]

السلام عليكم ورحمه الله وبركاته


جبته عربيه x1 عربيه غايه في الجمال والمتعه ولكن للاسف الحلو ميكملش


العربيه الجنط بتاعها 18 وبالتالي الجنط ده كبير بيعمل مشاكل كتير في المطبات والحفر


للاسف الشديد اول لما جبت العربيه قبل حتي ما اركب نمر بعد 5 كيلو فقط الكاوتش فرقع .. قولت الحمدلله انها جات علي قد كده وغيرته


للاسف الشديد بعدها .. بعد مرور 3 الاف كيلو للاسف الشديد الكاوتشين الي علي الشمال ناحيه السائق طلعوا بلونه كده ( كالو ) وانا مش عارف طلعوا ليه تقريبا خدت حفر او مطبات


ياريت اولا الناس تفيدني هل لازم اغيرها ولا لا ..

ثانيا لو حبيت اغيرهم ايه افضل نوع كاوتش مع العلم ان الكواتش بتاعي run flat

انا جربت البريلي بس باظ بسرعه ومش مسترحيله ..


ثالثا : ايه اسباب البالونه دي ؟؟ ارجو الافاده في كل ده

http://www.nilemotors.net/Nile/397483-run-flat-18-a.html

[BiroOoOo]

طيب لما اجي اغير اجيب افضل نوع ايه وينمفع اجيب كاوتشين ورا غير الي قدام ولا لا

[prooo]

حضرتك ممكن تجيب كاوتش كونتيننتال وتروح عند المحل اللي بيصب ماده كده زي السيليكون بتتحط جوه الكاوتش بتمنعه من المسامير والبلالين بس للامانه انا مجربتش الموضوع ده ومعرفش اسم المحل ..... اتمنى حد من الاعضاء يقللك مكانه ......

[svneleven]

ناس كتير اشتكت ان الكونتينينتال ال low profile كاوتش طري و مش حمل ال المطبات. جرب بريدجستون يا اما تجيب من الاخر و تجيب جنط اصغر و ده الحل الجذري.