مساعدة لشراء عربية Bmw في حدود 150 ألف

[Sadbutstrong]

أنا معايا حاليا تويوتا ياريس، ولكن يراودني الحلم إني أبقى من ملاك البي إم :) ، مقدرتي الحالية بحد أقصى 150 ألف، وبصراحة مش عايز أجيب أي عربية زيرو لأن الزيرو كله لا أعترف بيه لإنه عبارة عن ورق وبلاستيك، فكان نفسي أشتري عربية بي إم محترمة، كمان أنا طولي 195 سم فمحتاج حاجة تكون واسعة (الحقيقة التويوتا ممتازة في الجزئية دي)، فتنصحوني بموديل إيه في البي إم ممكن يكون في الحدود دي؟؟ كمان ياريت تقولولي إيه الموديلات السيئة اللي المفروض أبتعد عنها وإيه العيوب الشائعة، ولما آجي اشتري أدور على إيه في العربية وأتأكد من إيه؟ ويا ريت كمان تفهموني شوية عن المصروفات وقطع الغيار، وهل هي فعلا غالية زي ما هو شائع ؟؟؟؟ وجزاكم الله خيرا.


تم تعديل العنوان ليتناسب مع المحتوى
م ب 3

[marwanragab]

متابع باهتمام

[amr011111]

لو ناوى على بى ام يبقى اهم نقطه انك تكشف عليها فى التوكيل فقط لا غير
لان سعر الفتيس فى موديلات اوائل الالفينات بـ 8000 الاف وسعر الموتور 10000 الاف

[Sameh samy]

متغلطش غلطة بعض من اصدقائي اليومين دول الفلوس اللي معاك تركب بيها اعلي موديل سواء ياباني او كوري والبي ام هاتبقي قديمة ومصاريفها كتير وحاجتها غالية من الاخر موش اقتصادية وكل اللي هاتصرفو عليها موش هايزود حاجة في تمنها وهتلاقي نفسك وانت بتبيعها خسران مبلغ محترم اركب شارك مناسبة لفلوسك وعربية زيرو

[ahmedelrayan]

متغلطش غلطة بعض من اصدقائي اليومين دول الفلوس اللي معاك تركب بيها اعلي موديل سواء ياباني او كوري والبي ام هاتبقي قديمة ومصاريفها كتير وحاجتها غالية من الاخر موش اقتصادية وكل اللي هاتصرفو عليها موش هايزود حاجة في تمنها وهتلاقي نفسك وانت بتبيعها خسران مبلغ محترم اركب شارك مناسبة لفلوسك وعربية زيرو

انا مع الرأى ده الا بقى لو كنت هتشترى بى ام من واحد معرفة وعارف كل تاريخها وسعتها مش هتصرف عليها غير الصيانات الدورية

[kliken]

أظن انك لو زودت حاجه بسيطه تركب e90 موديل 2006 و ما فوق و اكيد أفضل من الجديد الكورى و اليابانى بس أهم حاجه الكشف الجيد على العربيه انا كنت فى نفس حيرتك و أن شاء الله هجيب e90 مستعمل

[drmagieed]

انا مع الرأى ده الا بقى لو كنت هتشترى بى ام من واحد معرفة وعارف كل تاريخها وسعتها مش هتصرف عليها غير الصيانات الدورية

وأنا مع هذا الرأي المحترم

[Sadbutstrong]

الموضوع محير أوي يا جماعة بجد :)

[marwanragab]

بص هوا انا فى نفس حيرتك بس استقريت انشاء الله هجيب بى ام مستعمل بس بصراحة هجيب كسر زيرو والبى ام لايعلى عليه لو حالة كويسة احسن من مليون عربية جديدة حاول تزود وحاول تقلل فى الفئات يعنى شوف 118 او 116 او 316 بالكتيير
فيه 116 شوفتها وديل 2009 كان استعمالها محترم وكانت ب 160 الف

[ENG.MaRk]

بص هوا انا فى نفس حيرتك بس استقريت إن شاء الله هجيب بى ام مستعمل بس بصراحة هجيب كسر زيرو والبى ام لايعلى عليه لو حالة كويسة احسن من مليون عربية جديدة حاول تزود وحاول تقلل فى الفئات يعنى شوف 118 او 116 او 316 بالكتيير
فيه 116 شوفتها وديل 2009 كان استعمالها محترم وكانت ب 160 الف

تمام قوي الرأي ده بس أنا برضه ضد المستعمل عموماً و رأيي تفكر في شارك مثلا أو تزود شوية و تشوف فلوانس تاني فئة

[tarek zedan]

معععععاك يا باشا فى نفس الحيرة والله