مقارنه بين مستعمل الماني او جديد كوري

[Khaledelkarama]

يا جماعه يا ريت تساعدوني بس بوجهه نظر محايده تماما
انا عارف ان الالماني الماني و الكوري كوري
بس اللي محيرني
اني بجيب عربيه جديده و كنت راكب جيتا ٢٠١٠. اول مالك.

و محتار جدا و عايز رأي محايد ولا فشخره ولا منظر. رأي عملي بس
الفلوس اللي معايا ممكن اجيب بيهم حاجه من اتنين
X3 موديل ٢٠٠٩ بانوراما
او
Ix35 زيرو اعلي فئه

السؤال اخليني في الالماني في عربيه مستعمله اكتر من ٦ سنين و عدادها معدي ١٠٠٠٠٠
ولا امشي في سكه الزيرو ؟؟
ةبرجاء الافاده لاني محتار بجد

[georgedada82]

طب ما تركب ياباني ... نيسان قشقاي

[Khaledelkarama]

مش مقتنع خالص بموتور ١٢٠٠
ناس كتير قالوا عليه ضعيف. ١١٧ حصان علي الحجم ده سئ

[prooo]

طبعا بدون اي مقارنه مع احترامي لجميع اراء الناس .... حرام ادفع ربع مليون جنيه في عربيه ماشيه اكتر من 100 الف كيلو ...... الزيرو برده ليه مميزاته .... حضرتك هتبقى اول واحد راكب العربيه ..... وبعدين فكر كده مع نفسك بعد 4 او 5 سنين لما تيجي تبيع الزيرو هيجيبلك كام والبي ام هتجيبلك كام...... اعتقد الخساره هتبقى فادحة في البي ام ....... حضرتك لو بتقارن مثلا بموديل 2012 و تكون ماشيه كيلو اقل من 50 الف هقوللك ماشي ..... لكن حضرتك كدع هتحط فلوسك في الهواء. حرام عليك ......... ارجو تقبل رأيي ........

[Khaledelkarama]

وجهه نظر بردو. اشكرك

[mastr_n]

واقع فى نفس حيرتك

بس بالنسبالى المبلغ اقل وبردة هانزل من عربية 2010 اول مالك وعايز حاجة فى حدود 160 الف فيها safety يكون عالى شوية . ABS ESP

بس انا من وجهة نظرى طالما هاتعدى 200 الف جنية حرام تجيب مستعمل حتى لو بورش دة انا عندى لو هاتجيب بى ام جديد وتقسط الباقى احسن ماترمى 250 الف فى عربية انت وحظك فيها

او بقى ممكن تركب حاجة زى الانسيجنيا او الA7 بص نصيجة بلاش كورى فى المبلغ دة

وفى الخر الموضوع دة هايختلف علية ناس كتير

[Khaledelkarama]

اه و الله حاجه محيره.
اللي تاعبني كمان
اني من يومين سقت الهيونداي اداؤها جميل الصراحه
بس النهارده سقت بي ام x3 موديل ٢٠٠٨ فابريكه عدادها ٩٩٠٠٠ بصراحه يخرب بيت القوه و المتانه و العزل.
غول صامت

[خالد دياب]

بص يا غالي الزيرو احسن مهما كان على الاقل العربيه مش هتتكلم الى بعد 7 سنين على الاقل انما المستعمل ده بطيخه يا صابت يا ... ربنا يسترها مع الجميع

[sherif4004]

يا تقسط المانى جديد او كورى او يبانى جديد .. عموما ابعد عن المستعمل الا لو تجيب عربيه من حد انت عارفه وجربت عربيته فتره وتكون واثق فى كلامه

[Khaledelkarama]

عندكم حق طبعا. ربنا يكتبلي اللي فيه الخير

[dr_hady4447]

نفس الحيرة

بس ب 150 الف

اشترى بيهم e46 موديل (( 2004 - 2005 )) !!! ولا سكودا 2009 ولا كورلا 2011 ولا شارك 2014 ولا كورى 2014 - 2015

:(

[Khaledelkarama]

يا راجل حرام عليك. انا اصلا دخت من كتر اختياراتك :)

[ali_elwakeel]

مفيش مقارنة مع الكورى و لية مساوىء حتى لو زيرو

الالمانى المانى لو بتفكر فى زيرو و سعرة متوسط و المانى اركب اوكتافيا a7

لكن البى ام ممكن تروح البفارية بيبيعو مستعمل
او فى معرض فى القاهرة متخصص فى ال bmw الحالات الشاذة نوعا ما اسمة بيمرز زوون

لكن فى النهاية دى اراء شخصية انا لو مكانك هدور على bmw e39 525 2002 to 2004 شرط الحاله عربية قوية و استهلاكها متوسط و عضمة و قطع غيارها معقولة و محرك جبار و عربية واسعة

لكن الاراء تختلف

اما انك تركب هيونداى يبقى هتحس انك نزلت من عربية بمعناها و ركبت بسكلتة

[احمد فهمى]

الهيونداي تكسب وعترف كتير هيقولو بي ام وخلافو لكن ده لو زيرو وبنفس السعر توكل علي الله واشتري الهيونداي مش هتندم ولا هتجري ورا صنايعيه وتوكيلان وصيانات واعطال وعربيه اتركبت 100 الف كيلو والله اعلم استخدام صاحبها

[Khaledelkarama]

المشكله اني سقت دي و دي.
البي ام يا جدعان فحيته فحيته اخر مليون حاجه.

محتار جدا جدا