Bmw x1 ولا bmw 316

[LyLy]

صباح الخير علي احلي جروب

أنا ناوية ان شاء الله أغير عربيتي وهي BMW 116i
وكنت بفكر في BMW 316 بس لما شفت BMW X1 عجبتني اوي
هي مشكلتها ان الماتور مختلف ميش توين تربو زي الفئة الأولي اللي معايا

وميش عارفة ده ممكن يضايقني في سواقتها علي العلم أنا ميش من النوع اللي بيجري اوي ،، بس بجري شوية علي قدي

تنصحوني اختار اي واحدة فيهم و ياريت تقولولي عيوب الاتنين

[novo]

صباح الخير علي احلي جروب

أنا ناوية ان شاء الله أغير عربيتي وهي BMW 116i
وكنت بفكر في BMW 316 بس لما شفت BMW X1 عجبتني اوي
هي مشكلتها ان الماتور مختلف ميش توين تربو زي الفئة الأولي اللي معايا

وميش عارفة ده ممكن يضايقني في سواقتها علي العلم أنا ميش من النوع اللي بيجري اوي ،، بس بجري شوية علي قدي

تنصحوني اختار اي واحدة فيهم و ياريت تقولولي عيوب الاتنين

http://www.nilemotors.net/Nile/394461-bmw-e84-x1-e90.html

[Ayman_saad]

صباح الخير علي احلي جروب

أنا ناوية ان شاء الله أغير عربيتي وهي BMW 116i
وكنت بفكر في BMW 316 بس لما شفت BMW X1 عجبتني اوي
هي مشكلتها ان الماتور مختلف ميش توين تربو زي الفئة الأولي اللي معايا

وميش عارفة ده ممكن يضايقني في سواقتها علي العلم أنا ميش من النوع اللي بيجري اوي ،، بس بجري شوية علي قدي

تنصحوني اختار اي واحدة فيهم و ياريت تقولولي عيوب الاتنين

صباح الخير يافندم

حضرتك ألي بتفكري فيه ده تقريباً معظم ألي حبوا يركبوا bm فكروا وأحتاروا في الأختيار ده بالذات ،
لأن السعر بين الأتنين قريب ،

متهيألي أن المناسب لحضرتك هتكون الـ X1 وده طبعاً راجع لأختيارك في الأخر ،
طيب ممكن حضرتك تسأليني أنت لما وقعت في نفس الحيرة أخترت أيه ؟
هرد علي حضرتك وأقولك أخترت BM 316 !!!!!!!!!
ربنا يوفقك في الوصول للأختيار الأمثل .

[Batman372]

ال ٣١٦ اجمالا فئه افضل كقيمه مقابل النقود ...
غير كده سوقها بيعا و شراء افضل من ال x1 ...
الا طبعا لو محتاجه حاجه عاليه و suv ... لكنى عن نفسى لا اعترف الا ابتداء من x3 :)
تحياتى ...

[mohaismail]

لو مش فارق معاكى المطبات يبقى 316 طبعا

[LyLy]

شكرا علي ردودكم و مروركم
بس انا محتاجة اعرف عيوب x1 غير الجيربوكس القديم و الماتور ميش توين تربو
وهل تقل العربية مع ماتور ميش توين تربو ( ميش ماثر علي اداءها )
معلش انا اسئلتي كتير شوية بس لسه مترددة و ميش عارفة اقرر

[LyLy]

صباح الخير يافندم

حضرتك ألي بتفكري فيه ده تقريباً معظم ألي حبوا يركبوا bm فكروا وأحتاروا في الأختيار ده بالذات ،
لأن السعر بين الأتنين قريب ،

متهيألي أن المناسب لحضرتك هتكون الـ X1 وده طبعاً راجع لأختيارك في الأخر ،
طيب ممكن حضرتك تسأليني أنت لما وقعت في نفس الحيرة أخترت أيه ؟
هرد علي حضرتك وأقولك أخترت BM 316 !!!!!!!!!
ربنا يوفقك في الوصول للأختيار الأمثل .

شكرا علي النصيحة
ممكن حضرتك تبين ليه فضلت 316 علي x1
عيوب في السيارة نفسها ؟؟

[Ayman_saad]

شكرا علي النصيحة
ممكن حضرتك تبين ليه فضلت 316 علي x1
عيوب في السيارة نفسها ؟؟

شوفي حضرتك الموضوع مش موضوع عيوب في x1 ،
لأن شركة عالمية زي bmw عمرها ماهطلع من مصانعها عربية معيوبه ،
ولكن لو عايز أركب الفئة ( x ) يبقي المفروض أركب بداية من ( x 3 ) لأن العربية دي هي البداية
الفعلية للفئة ( x ) ، ده طبعاً وجهة نظري الشخصية ألي أنا أخدت بيها ونفذتها ، لكن مفيش حاجة أسمها
عيوب في x1 كل ماهناك أن الـ 316 هواها جه علي هوايا ، لا أكثر ولا أقل .
وبرضو زي حضرتك بالظبط ما أخترتي تركبي فئة أعلي حالياً من ألي حضرتك كنتي راكباها ،
أرجو من الله أنه يوفقك للأختيار السليم ، ويبقي في الأخير أن حضرتك تروحي التوكيل وتشاهدي
العربيتين وتجربيهم كمان وتشوفي أي منهم أرتاحتي له ومناسب لشخصية حضرتك.
وشكراً

[sunny_120122]

أنا أخترت 316 لأنها مالية مركزها شكلا وحجما كسيدان
X1 مش مقتنع بيها الفئة دي فعلا تتحسب بدايتها من X3
رأيي : لو مفيش داعي للأستعجال انتظري x1 new shape & the facelift for 316 المفروض هينزلوا في 2016 وساعتها قارني تاني

[mohaismail]

الx1 مفهاش عيوب بس تكنولوجيا قديمة وموتور قديم انما هي عربية ممتازة ولكن الأفضل هي ال 316 احدث وموتور افضل وتكنولوجيا افضل

[Anxs111]

نصيحة مني ....ما ينفعشي تنزلي من 116i علي X1 كدة حضرتك مش بتعملي تطوير .....وفي رأي إل 116i أحسن من إل X1 يبقي ازاي أسيبها عشان إركب عربيا أقدم ...
لو كان مع حضرتك حاجا غير البيمر كان ساعتها إل X1 تعتبر إختيار وتتقارن بل 316i .... لاكن في الحاله بتاعت حضرتك إل 316i تعتبر هي التطور أو بمعني أصح (upgrade ) .... لأن فيها أحدث تكنولوجي فتيس وموتور ....
ألا إذا كان في مشكلة مطبات وأن كان إعتقد والله أعلم إن 316i عاليا عن الأرض مقارنة بال 116i ....
بالتوفيق إن شاء الله ....

[madooomad]

انا شخصيا قلبا و قالبا مع الموتور و الفتيس الجديد و الانتريور بتاع ال ٣١٦ بس لو هختار هختار ال اكس وان ال ٢٠١٥ سبورت لاين اللي فيها الصن روف ولو امكن انك تستني ل ٢٠١٦ ممكن يعملوها و ينزلوها الفيرجن 20i وال 28i بالفتيس الجديد يبقي ضربتي عصفورين بحجر لان الشكل الجديد مش هاينزل مصر الا في ٢٠١٧ وغالبا هايكون جر امامي

[amrcivic]

سلام عليكم
انا عضو جديد معاكم
سوال من فضلك
هل يوجد لغة عربية في ال i drive ؟
بتكلم عن ال 316 الجديدة
f 30
ارجو منكم الرد

[Ayman_saad]

سلام عليكم
انا عضو جديد معاكم
سوال من فضلك
هل يوجد لغة عربية في ال i drive ؟
بتكلم عن ال 316 الجديدة
f 30
ارجو منكم الرد

أنا عندي السيستم فيه أكتر من لغه من بينها اللغه العربيه ، بس دي مواصفات خليجيه ،
مش عارف المواصفات المصرية فيه عربي ولأ ،
حد من الزملاء ألي شارينها من مصر يفيدك بأذن الله .

[marwanragab]

بسم الله السلام عليكم جميعا
الحمدلله انا معايا اكس وان موديل 2014 واختي معاها 316 موديل 2014 خليجي
بصي انا اخني دايما بتركب عربيتي ومش بتركب عربيتها ومزهقاني بصراحة هيا شايفة القاعدة احلي والرؤية احلي مع ارتفاع السيارة المثالي للطرق المصرية وبصراحة انا لما بركب ال 316 وانا مسافر مثلا المنصورة بتعب نفسيا من المطبات
بالنسبة للموتور محستش بفرق رهيب في القوة زي ما الناس بتتكلم بالعكس بحس ان ال اكس وان عايزة نطير اكتر معرفش دة نتيجة ال2000 سيسي ولا دة ايه لاني مش خبير اوى
طبعا الانتريور والله وااله بعد فترة مش حاسس باختلاف لان عادي كل عربية الواحد بيفرح بسها فترة بعد كدة الانبهار بيروح فا مش حاسس الاختلاف
نصيحتي ليكي شوفي انتي بتفضلي الركوبة العالية ولا لا لو لا يبقي ال 316
لو لازم عالي ورؤية افضل يبقي ال اكس وان ومش هتندمي في الحالتين انشاءالله وطبعا دى وجهة نظر شخصية ممكن اكون غلطان فى كل كلامي بالنسبة للفنيات بس انا بتكلم عن ركوبة ومتعة قيادة بالنسبالي وربنا يوفقك