ظهرتلي رساله coolant is too low ؟؟ اعمل ايه

[BiroOoOo]

ظهرتلي رساله coolant is too low ؟؟ اعمل ايه


العربيه BMW X1 2015

العربيه حوالي 10 كيلو

تقريبا طلعلتلي بسبب يومين الحر وخصوصا اني من اسوان او مش عارف تحديدا السبب ارجو الافاده

[unl0veable]

زود مياه

[yasser_0339]

مستوي المياه في الردياتير اقل - زود مياه عادي

[windofchange]

مياه مقطرة او لو عرفت تجيب ميتها الاصلية اوعي تزود مياه من الحنفية

[monamize4]

العربية لسه زيرو ,, الميه لحقت تنقص ؟!!!!

[BiroOoOo]

العربية لسه زيرو ,, الميه لحقت تنقص ؟!!!!

انا عديت 10 الاف كيلو ... الجو بقي حر تاني ممكن ده السبب

[BiroOoOo]

مياه مقطرة او لو عرفت تجيب ميتها الاصلية اوعي تزود مياه من الحنفية

اجيبها منين مايتها الاصليه وايه المياه المقطره دي اجيبها منين شكرا علي الافاده

[windofchange]

المياه المقطرة ممكن تخفف بيها المياه الاصلية اللي بتباع فالتوكيل وعند بتوع ال bmw وتختلف المياه الملونة عن العادية في انها مفيهاش املاح فمتبوظش دورة الردياتير والموتور من جوه بالصدأ وكده ودرجة غليانها اعلي من درجة حرارة المياه العادية فتساعد في تبريد الموتور وفيها شحم لطلمبة المياه بيحافظ عليها وفيها مانع تجمد للمياه لو الجو درجة الحرارة تحت الصفر المياه متتجمدش..المياه المقطرة بتلاقيها بتتباع ازايز صغيرة نص لتر تقريبا ممكن تجيب منها كمية وتفضيها في جركن مياه كبير والزجاجة الواحدة منها من 2جنيه ل4 جنيه بتتباع عند بتوع قطع الغيار وبتوع البطاريات والكاوتش والبنزينات (عادة سعرها اغلي شويه من بره ) ممكنت تجيبها مؤقتا تزود منها لحين ماتجيب المياه الاصلية
والازايز بتاعتها شبه ديه بس خد باللك لان فيه ازايز مياه (بيسموها مياه نار) نفس شكل ديه وديه بتاعت البطاريات السائلة مش الردياتير خالص

[م أحمد]

لازم أولا تشوف سبب نقصان المياه

تروح و تكبس الدورة و تعرف سبب النقصان او التسريب

و ممكن يكون غطا القربة

بعد كدة تزود بمياه خضرا او حمرا حسب الاصلى الموجود فى العربية و اوعى تزود مياه حنفية

[BiroOoOo]

لازم أولا تشوف سبب نقصان المياه

تروح و تكبس الدورة و تعرف سبب النقصان او التسريب

و ممكن يكون غطا القربة

بعد كدة تزود بمياه خضرا او حمرا حسب الاصلى الموجود فى العربية و اوعى تزود مياه حنفية

انا مزودتش المياه من اول لما جبت العربيه والعربيه عامله 12 الف كيلو ؟؟


ده طبيعي انها تنقص ولا لا ؟؟؟ ولا ممكن يكون في سبب


ارجو الافاده


وافضل شئ هي المياه الخضرا ولا ايه تاني


ايه المياه بتاعت بي ام الاصليه

[م أحمد]

انا مزودتش المياه من اول لما جبت العربيه والعربيه عامله 12 الف كيلو ؟؟


ده طبيعي انها تنقص ولا لا ؟؟؟ ولا ممكن يكون في سبب


ارجو الافاده


وافضل شئ هي المياه الخضرا ولا ايه تاني


ايه المياه بتاعت بي ام الاصليه

لا مش طبيعى المفروض ما تنقصش خالص

روح لحد بتاع مبردات او التوكيل لو هى فى الضمان و لازم تكشف عليها ممكن تكون حصوة خرمت المبرد

و الاصلى على حسب اللون الموجود

و لغاية لما تروح زود مياه مقطرة قبل ما تدور العربية

[mohamedbook]

احزر تحط مية مقطرة من بتوع المحلات او البنزينات كلها مية مضروبة وملوحتها اكتر من ملوحة مبة الحنفية العادية انا حللتها عندب في المعمل ووالله كلة نصب في نصب لو عرفت تجبها من صيدلية يكون اضمن

[م أحمد]

احزر تحط مية مقطرة من بتوع المحلات او البنزينات كلها مية مضروبة وملوحتها اكتر من ملوحة مبة الحنفية العادية انا حللتها عندب في المعمل ووالله كلة نصب في نصب لو عرفت تجبها من صيدلية يكون اضمن

كلامك مظبوط اللى اقصده مياه مقطرة من خارج جهاز تكييف مثلا او صيدلية زى ما انت اقترحت

لان ممكن حد يبيعله حمض تركيز 1130 (مياه 30) على انها مياه مقطرة و تبقى كارثة تبوظ المبرد و وش السلندر

[emad turky]

روح لميكانيكي بي ام او اي ميكانيكي تثق فيه لان الرساله دي يعني المياه ناقصه جدا لان الحساس مفيش مياه عنده لازم يعرف الاول في تسريب ولا ايه وما تشغلش دماغك بمياه البي ام لو القربه فيها مياه حمرا اشتري جركن مياه حمرا من موبيل ولو خضرا اشتري خضرا بس يا باشا الموضوع مش كبير بس ممكن يكبر لو معملتش كدا

[BiroOoOo]

الرساله ظهرت مره واحده وبعدين بطلت تظهر انا مش فاهم ليه بطلت تظهر ؟؟ وليه ظهرت ولما فتحت القربه مكنش فيها مياه .. بس بعد ما فتحتها وقفلتها تاني الرساله بطلت تطلع ممكن يكون السبب انها مكنتش مقفوله كويس عشان كدهع الرساله بتطلع وانا شايف القربه فاضيه لازم املها مياه مقطره من الصيدليه ولا اكبر دماغي


المشكله انا بقيت مشتت من الردود