استفسار بخصوص فتيس 316i 2015

[Amr Axel]

بسم الله الرحمن الرحيم
السلام عليكم و رحمة الله و بركاته

بعد اذنكم يا رجالة استفسار بسيط بخصوص الـ316i Pre 2015

اولا : لقيت شخصين اشتكوا من الفتيس تبترونك في موديل 2014 و كان بيسبب زي هبدة لما تقف او تطلع هل ديه مشكلة شائعة و لا حالات فردية و ايه النظام بالنسبة لموديل 2015 و هل فيه اي ملاحظات تانية ؟

ثانيا : ممكن حد يفيدني في متوسط اسعار كلا من
- الصيانات الدورية و اعلي صيانة بيتم فيها ايه غير صيانات تغيير الزيت طبعا
- قطع غيار : مساعدين & سوست او اجزاء التعليق عامة
- اكسسوارات : طقم النيكل في فئة اللكشري

[karkoura78]

متابع

[Batman372]

الفتيس الجديد zf ٨ نقلات موجود فى كل فئات ال 3 series من كل موديلات ٢٠١٣ للشكل f30
هو عالميا على كل المنتديات بدون اى مشاكل و غالبا الى حضرتك ذكرته حالات فرديه او ال hard shift الى موجوده فى اغلب الجير الاوتو ..
صيانات الزيت الدوريه بالفلتر كل ١٢ الف كم فى رنج الف جم ...
٢ تيل فرامل امامى كل ٣٠ الف كم حسب استخدامك فى رنج ١٢٠٠
طقم الكروم الخارجى الاصلى فى رنج ٤ الاف
٢ طنابير فى رنج ٥ الاف ..
فرده الران فلات ال ١٦ فى رنج ١٢٠٠ جم
عاما للاستخدام الطبيعى مش قبل ٨٠ الف كم لتغيير اى قطع غيار اخرى مثل المساعدين/سيور .....الخ
تحياتى ...

[Amr Axel]

الفتيس الجديد zf ٨ نقلات موجود فى كل فئات ال 3 series من كل موديلات ٢٠١٣ للشكل f30
هو عالميا على كل المنتديات بدون اى مشاكل و غالبا الى حضرتك ذكرته حالات فرديه او ال hard shift الى موجوده فى اغلب الجير الاوتو ..
صيانات الزيت الدوريه بالفلتر كل ١٢ الف كم فى رنج الف جم ...
٢ تيل فرامل امامى كل ٣٠ الف كم حسب استخدامك فى رنج ١٢٠٠
طقم الكروم الخارجى الاصلى فى رنج ٤ الاف
٢ طنابير فى رنج ٥ الاف ..
فرده الران فلات ال ١٦ فى رنج ١٢٠٠ جم
عاما للاستخدام الطبيعى مش قبل ٨٠ الف كم لتغيير اى قطع غيار اخرى مثل المساعدين/سيور .....الخ
تحياتى ...

بداية شكرا لردك م \ صفوت و طبعا اكيد الرد هيكون من الاخر من شخص خبير بالبي ام و جرب اغلب العربيات ع مدار 20 سنة و مع ذلك دائما يعود للبي ام
هو الموضوع قلقني بالرغم اني مقتنع جداا بالفتيس zf و 8 سرعات مع تقنية الموتور و في نفس الوقت 1600 ارحم فاستغربت لما قابلت شخصين بلغوني بقصة الفتيس و تم التغيير في الضمان في البداية اول ما قالولي قولت انها Hard Shift لكن اتضح انها مشكلة فعلا و تم تغيير الفتيس فقولت استني و اسأل

و شكرا ع الاسعار بس ابلغوني ان صيانات الزيت بتكون في حدود 600 ج
و اعلي صيانة في حدود 6000 - 7000 ج و هي اللي بيتم تغيير كل القطع الدورية فيها هل الكلام صحيح ؟

هل فيه اي ملاحظات لحضرتك بخصوص الفئة ديه بما انك الخبير هنا

و شكرا لرد حضرتك مرة تانية

[Batman372]

بداية شكرا لردك م \ صفوت و طبعا اكيد الرد هيكون من الاخر من شخص خبير بالبي ام و جرب اغلب العربيات ع مدار 20 سنة و مع ذلك دائما يعود للبي ام
هو الموضوع قلقني بالرغم اني مقتنع جداا بالفتيس zf و 8 سرعات مع تقنية الموتور و في نفس الوقت 1600 ارحم فاستغربت لما قابلت شخصين بلغوني بقصة الفتيس و تم التغيير في الضمان في البداية اول ما قالولي قولت انها hard shift لكن اتضح انها مشكلة فعلا و تم تغيير الفتيس فقولت استني و اسأل

و شكرا ع الاسعار بس ابلغوني ان صيانات الزيت بتكون في حدود 600 ج
و اعلي صيانة في حدود 6000 - 7000 ج و هي اللي بيتم تغيير كل القطع الدورية فيها هل الكلام صحيح ؟

هل فيه اي ملاحظات لحضرتك بخصوص الفئة ديه بما انك الخبير هنا

و شكرا لرد حضرتك مرة تانية

شكرا على ذوقك ا. عمرو :)

كما وضحت لك هى مشكله فرديه و التوكيل عمل اللازم و غير الجير من غير كلام كتير و ده يحسب له ...
انا عن نفسى لى ٦ اصدقاء معاهم ٣١٦/٣٢٠/٣٢٨/٥٢٠/٥٢٨ و مفيش و لا عربيه حصل بها اى مشاكل من اى نوع ...

٦٠٠ ده غالبا الزيت و الفلتر فقط من غير اى مصنعيه و لا ١٠٪ ض م ... الاجمالى مش حيقل عن حوالى الف جم .. دى كانت يا باشا من اكتر ٥ سنوات حوالى ٧٥٠ :) و انا بتكلم فى التوكيل ... دى صيانه الفلوانس عملت ١١٥٠ بفلتر الهواء !!
اعلى صيانه هى السيور و البوجيهات و كل السوائل ... لكن كل قطعه حسب عمرها و استهلاكها ...
لكن بشكل عام حتى ٨٠ الف كم عندك فقط زيت و فلاتر و تيل و ممكن طنابير ...
و الفئه التالته لا غبار عليها انها من افضل الفئات فى بى ام لان تاريخها من السبعينات ...
لو تقدر تشتريها فلا تتردد :)
تحياتى ...

[Amr Axel]

شكرا على ذوقك ا. عمرو :)

كما وضحت لك هى مشكله فرديه و التوكيل عمل اللازم و غير الجير من غير كلام كتير و ده يحسب له ...
انا عن نفسى لى ٦ اصدقاء معاهم ٣١٦/٣٢٠/٣٢٨/٥٢٠/٥٢٨ و مفيش و لا عربيه حصل بها اى مشاكل من اى نوع ...

٦٠٠ ده غالبا الزيت و الفلتر فقط من غير اى مصنعيه و لا ١٠٪ ض م ... الاجمالى مش حيقل عن حوالى الف جم .. دى كانت يا باشا من اكتر ٥ سنوات حوالى ٧٥٠ :) و انا بتكلم فى التوكيل ... دى صيانه الفلوانس عملت ١١٥٠ بفلتر الهواء !!
اعلى صيانه هى السيور و البوجيهات و كل السوائل ... لكن كل قطعه حسب عمرها و استهلاكها ...
لكن بشكل عام حتى ٨٠ الف كم عندك فقط زيت و فلاتر و تيل و ممكن طنابير ...
و الفئه التالته لا غبار عليها انها من افضل الفئات فى بى ام لان تاريخها من السبعينات ...
لو تقدر تشتريها فلا تتردد :)
تحياتى ...

الله يطمنك انا بالفعل نويت و لقيت فيه اقبال شديد و waiting list فترة مش قليلة و فيه احتمالية زيادة الاسعار فبدأت اقفل منهم الصراحة و ارجع في كلام و ده اللي مجنني بس قلقت لما شوفت اللي حصل
هي البي ام عامة لا غبار عليها سواء موتور او فتيس او عفشة او انظمة هو كل مسمار فيها تكنولوجيا و قصة و رواية و تاريخ
و من وجهة نظري تعتبر الاسعار بالنسبة الفئة ديه الي حدا ما مقبولة بالنسبة للتوكيل و في نفس الوقت احنا بنتكلم عن قطع ما شاء الله معمرة ع سبيل المثال في الرينو معايا التيل كبيره 10.000 ك و بيتكلف حوالي 500-600 ج اضرب في 30-40 الف يعني دخلت في 2000 ج تيل في حين في البي ام التيل في حدود 1000-1200 و يستمر معاك 30-40 الف و بالذات لو رجلك خفيفة هنلاقي الموضوع واحد و يمكن لصالح البي ام الفرق اننا نعتبر بندفع مقدم مرة واحدة مش ع كذا مرة و ديه وجهة نظري الشخصية
و بالرغم اني من انصار ان العربية دايما تكون في التوكيل حتي لو اغلي لكن هل حضرتك تنصح بمراكز معتمدة و لا خلينا زي ما احنا توكيل و رأيك في التوكيل بشكل عام لأن من فترة سمعت ان العميل يدخل مثلا بيغير قطعة يجيبوا له كام قطعة تانية معاها تتغير بشكل اجباري

[Batman372]

التأخير الحالى فى التسليم سببه البنوك و نظام ايداع الدولار الجديد ...
فقط من شهرين كان التسليم خلال اسبوع ... و لو مفيش عربيات او لونك مش موجود بالكتير شهر .. لان كان عندهم شحنه شهريا ...
ايضا من وقت ما اتعرف ان مواتير كل المرسيدس الجديده بنزين ٩٥ ... مبيعات البى ام زادت لانها الاختيار التالى لاى حد عايز مرسيدس و موضوع البنزين ده مش ماشى معاه ... و عمالين يزودو فى الاسعار استغلال و على حس الموضوع ده !!!
انا عن نفسى افضل التوكيل ... على الاقل طول فتره الضمان ... و موضوع تغيير اجبارى ده انا لم اشاهده او اتعرض له ... ده بالعكس مش بيعملو اى حاجه غيرما يكلموك و يتأكدو منك :)
بالتوفيق ...

[Amr Axel]

انا فعلا لاحظت ده اذن فالكلام صحيح انه حد ادني شهرين - 3 شهور و لو فيه اي زيادة هلبسها انا برده :(

شكرا يا بشمهندس تعبتك معايا :)

[zarkoor]

من يومين غيرت زيت و فلتر لعربيتي 328 بتاخد 5 لتر زيت ودفعت 735 ج شامل
لكن كمبيوتر العربية بيحسب امتى تغير الزيت وللاسف حتي الان عامل 14000 كم وغيرت زيت مرتين )يعنى كل 7000 كلم)
وشكلي حغير تيل على 17000 علشان المهندس قاسهم وقاللي وهوه بيزغرلي خف رجلك من على دواسة البنزين و الفرامل
و مبروك مقدما

[Batman372]

انا فعلا لاحظت ده اذن فالكلام صحيح انه حد ادني شهرين - 3 شهور و لو فيه اي زيادة هلبسها انا برده :(

شكرا يا بشمهندس تعبتك معايا :)

و لا تعب و لا حاجه ... انا تحت امرك :)
هما لسه مزودين سعر ال ٣١٦ من ٣٥٦ ال ٣٦٥ ... فلا اعتقد انه حيتغير لمده ٥ شهور ... خصوص ان مرسيدس نفس الاسعار من نصف ٢٠١٤ ...
ايضا ضع فى اعتبارك ان الفيس ليفت لل f30 حينزل عل شهر ٩ ...
لوجاهز ب ٣٦٥ ... ابحث عن ٣٢٠ مو ٢٠١٣ لاكشري كامله كسر لا تتعدي ١٢ الف كم ... موجوةه بكثره فى السوق ... افضل ١٠٠ مره من ال ٣١٦ و حتستمتع بالبي ام جدا و حتدعيلي ....
تحياتى ...

امبارح غيرت زيت و فلتر لعربيتي 328 بتاخد 5 لتر زيت ودفعت 735 ج شامل
لكن كمبيوتر العربية بيحسب امتى تغير الزيت وللاسف حتي الان عامل 14000 كم وغيرت زيت مرتين
وشكلي حغير تيل على 17000 علشان المهندس قاسهم وقاللي وهوه بيزغرلي خف رجلك من على دواسة البنزين و الفرامل
و مبروك مقدما

انا كنت بدفعهم من ٥ سنوات :) كويس انهم لم يعلو الاسعار !!! بيغلو فقط العربيات :)
و غريبه زيت كل ٧ الاف كم ... غالبا الاستخدام بيفرق للسوفتوير ... ايضا الكمبيوتر بيطلع تغيير التيل ...
تحياتي ...

[Amr Axel]

من يومين غيرت زيت و فلتر لعربيتي 328 بتاخد 5 لتر زيت ودفعت 735 ج شامل
لكن كمبيوتر العربية بيحسب امتى تغير الزيت وللاسف حتي الان عامل 14000 كم وغيرت زيت مرتين )يعنى كل 7000 كلم)
وشكلي حغير تيل على 17000 علشان المهندس قاسهم وقاللي وهوه بيزغرلي خف رجلك من على دواسة البنزين و الفرامل
و مبروك مقدما

الله يبارك فيك يا باشا
ما شاء الله زيت كل 7000 و تيل بعد 17000 كده مش هو اللي هيزغرلك انا اللي هزغر d:
حضرتك بتستخدم زيت ايه ؟؟
و خلي بالك مواتير البي ام حامية و في نفس الوقت مدة بقاء الزيت و احتفاظه بخواصه بتعتمد ع اسباب كتيير نوع الموتور و حالته و درجة الحرارة و اهمهم طريقة القيادة اذا كانت عنيفة او رياضية و ده حصل معايا مرة في اختبار زيت تخليقي بعد 5000 ك و كان بيقولي ابوس ايديك اعتقني d:
و لو ع التكلفة دي يبقي الـ 316 اقل

[zarkoor]

و لا تعب و لا حاجه ... انا تحت امرك :)
هما لسه مزودين سعر ال ٣١٦ من ٣٥٦ ال ٣٦٥ ... فلا اعتقد انه حيتغير لمده ٥ شهور ... خصوص ان مرسيدس نفس الاسعار من نصف ٢٠١٤ ...
ايضا ضع فى اعتبارك ان الفيس ليفت لل f30 حينزل عل شهر ٩ ...
لوجاهز ب ٣٦٥ ... ابحث عن ٣٢٠ مو ٢٠١٣ لاكشري كامله كسر لا تتعدي ١٢ الف كم ... موجوةه بكثره فى السوق ... افضل ١٠٠ مره من ال ٣١٦ و حتستمتع بالبي ام جدا و حتدعيلي ....
تحياتى ...



انا كنت بدفعهم من ٥ سنوات :) كويس انهم لم يعلو الاسعار !!! بيغلو فقط العربيات :)
و غريبه زيت كل ٧ الاف كم ... غالبا الاستخدام بيفرق للسوفتوير ... ايضا الكمبيوتر بيطلع تغيير التيل ...
تحياتي ...

انا مع كلام م.صفوت. الفيس ليفت 2016 بينزل من شهر8 و الاحسن تحجز موديل 2016
وكده تبقى اخدت الفيس ليفت و رخصت 2016
ومبروك مقدما

[Amr Axel]

و لا تعب و لا حاجه ... انا تحت امرك :)
هما لسه مزودين سعر ال ٣١٦ من ٣٥٦ ال ٣٦٥ ... فلا اعتقد انه حيتغير لمده ٥ شهور ... خصوص ان مرسيدس نفس الاسعار من نصف ٢٠١٤ ...
ايضا ضع فى اعتبارك ان الفيس ليفت لل f30 حينزل عل شهر ٩ ...
لوجاهز ب ٣٦٥ ... ابحث عن ٣٢٠ مو ٢٠١٣ لاكشري كامله كسر لا تتعدي ١٢ الف كم ... موجوةه بكثره فى السوق ... افضل ١٠٠ مره من ال ٣١٦ و حتستمتع بالبي ام جدا و حتدعيلي ....
تحياتى ...



انا كنت بدفعهم من ٥ سنوات :) كويس انهم لم يعلو الاسعار !!! بيغلو فقط العربيات :)
و غريبه زيت كل ٧ الاف كم ... غالبا الاستخدام بيفرق للسوفتوير ... ايضا الكمبيوتر بيطلع تغيير التيل ...
تحياتي ...

لو الخبر ده بجد ان الفيس ليفت شهر 9 لأ يبقي استني احسن لو الاستلام هيوصل لشهر 7 و 8 حسب ما قالوليو لأني عرفت التغيير مش كيت بس لكن الاضاءة كلها ليد مش زينون بالاضافة ان هيركب in-take جديد و بعض الانظمة هيتم اضافتها او تحديثها ده اللي سمعته بشكل مبدئي و لو فيه اي تفاصيل يا ريت لو نعرفها

الفكرة اني مبحبش اركب اي عربية مستعملة ابدا حتي لو صاحبها اشتراها امبارح و نازل يبيعها انهاردة و في نفس الوقت فضلت الـ 316 لعدة اسباب مش هوصل لسعر الـ320 فيما فوق جديد و في نفس الوقت الموتور لأن قريبا 2000 احتمال هيبقي نكبة ع مالكيه و الـ1600 مع الفتيس ادائهم كويس نظريا و حسب ما سمعت و عامة انا يهمني اداء العربية و انها تناسب احتياجاتي اكتر من اوبشنز في فئات اعلي عشان كده فضلت اختار فئة الـ premو لو ع الحلية النيكل فممكن اشتريها و اركبها هتبقي ارخص من اني اشتري الـlux

[zarkoor]

الله يبارك فيك يا باشا
ما شاء الله زيت كل 7000 و تيل بعد 17000 كده مش هو اللي هيزغرلك انا اللي هزغر d:
حضرتك بتستخدم زيت ايه ؟؟
و خلي بالك مواتير البي ام حامية و في نفس الوقت مدة بقاء الزيت و احتفاظه بخواصه بتعتمد ع اسباب كتيير نوع الموتور و حالته و درجة الحرارة و اهمهم طريقة القيادة اذا كانت عنيفة او رياضية و ده حصل معايا مرة في اختبار زيت تخليقي بعد 5000 ك و كان بيقولي ابوس ايديك اعتقني d:
و لو ع التكلفة دي يبقي الـ 316 اقل

ازغر براحتك هههه
للاسف العربية مفيهاش مقاس زيت.
لازم تقيس الزيت بالكومبيوتر و مش بيديلك الكمية . بيقوللك بس مستوى الزيت كويس وللا لا
عشان كده مش عارف بتاكل زيت قد ايه
لكن لما طلبت المره دى غيار زيت . عملت قياس والمستوى كان كويس
التوكيل بيستخدم شيل الترا. لكن الكمبيوتر بيحسب عمر الزيت حسب ال rpm
و بصراحة ال 328 مينفعش تتساق الا على وضعية sport
بس انا عارف اني بجري و افرمل قبل المطبات و ال c250 اللى كانت عندي قبلها برضه كانت بتغير تيل على 14 الف

[Amr Axel]

انا مع كلام م.صفوت. الفيس ليفت 2016 بينزل من شهر8 و الاحسن تحجز موديل 2016
وكده تبقى اخدت الفيس ليفت و رخصت 2016
ومبروك مقدما

فعلا ده اللي هعمله ان شاء الله لأن كده كده بيقولوا الاستلام مش قبل شهر 6-7 مفرقتش من كام شهر كمان و طبعا الفيس ليفت سمعت ان فيها تعديلات بالاضافة للشكل اللي شوفته و زي ما حضرتك قولت ابقي رخصت موديل السنة الجديدة ان شاء الله انا كنت فاكر ان الفيس ليفت مش هينزل قبل السنة الجديدة بس كده يبقي تمام ان شاء الله و نكنسل و نستني