تسعير و مقارنة 2012 e90 320

[okalian]

السلام عليكم و رحمة الله و بركاته

من فترة و أنا متابع المنتدى و جزاكم الله خير على مجهودكم.

في الحقيقة انا بفكر أشتري e90 320i edition موديل 2012 idrive و المعرض طالب فيها 260 الف "و قابل للتفاوض" و ماشية 80 ألف كيلو. من رأيكم العربية تستاهل كام و تفرق ايه ال"edition"من ناحية الكماليات عن ال 320i العادية؟ مع العلم انها نضيفة جدا باستثناء خدوش (كأن حد عملها بمسمار) بسيطة من الجانبين و اني هفحصها ان شاء الله قبل الشراء.

و بصراحة انا متردد جدا بينها و بين شراء عربية زيرو زي ال fluence أو Corolla..طبعا ال 320i متفوقة عليهم تقريبا في كل شيء (خصوصا الموتور) الا حاجة واحدة..راحة بال الزيرو

أفيدوني أفادكم الله :)

[engherc]

اعتقد ان كتير ٢٦٠ الف على الشيب ده في بدائل أقوى كتير بنفس السعر

[unl0veable]

اعتقد ان كتير ٢٦٠ الف على الشيب ده في بدائل أقوى كتير بنفس السعر

زي ايه؟

[tarek zedan]

هات ٣١٦ موديل ٢٠١٣ شكل جديد وكيلو قليل وفابريكا عربيه تحفه بكل المقاييييس

[okalian]

جزاكم الله خير على الآراء القيمة

أنا حاليا بفكر في x1 مستعملة أو بيجو 308 جديدة. و المشكلة اني كل ما بفكر أكتر كل ما عقلي يودي و يجيب في عربيات مختلفة.

[svneleven]

السعر مناسب ل 320 مو 2012 edition. المهم افحصها كويس و ان كان فيه بدائب احسن زي E60 مو 2009 مثلا أو 2010. و ممكن 316 2013 و ان كانت هتزيد شوية.

[engherc]

من بي ام لبيجو ؟ يا راجل يا طيب تيجي ازاي

[Ahmed Selim]

بص..... هو الزيرو زيرو

بس........الألماني ألماني برده

ال 320 تتفوق على معظم اللى انت قولتهم فى كل حاجة

بالنسبة للسعر.....أعتقد معقول شرط تكون الحالة زي الفل ( مفيش رش و الموتور و الفتيس كويسين و الصالون نضيف)

لازم تكشف على العربية فى مكان كويس قبل الشراء.

لو قررت تريح بالك و تشتري زيرو.....عندك الفليونس و الأوكتافيا و ال 508 كويسين

[marwanragab]

جزاكم الله خير على الآراء القيمة

أنا حاليا بفكر في x1 مستعملة أو بيجو 308 جديدة. و المشكلة اني كل ما بفكر أكتر كل ما عقلي يودي و يجيب في عربيات مختلفة.

هات بى ام مستعملة ممكن تروح فرع القطامية resale هتلاقى العربيات هناك حالتها جميلة بس اغلي من برة حوالى 5000 ل 10000 بس كيلوات قليلة و ضمان وكشف التوكيل
لو حبيت تجيب اكس وان مستعملة انا معايا عربيتي موديل 2014 لونها نبيتي هبتدى اعرضها للبيع انشاء الله نهاية شهر 9 ماشية 22000 كيلو وهية فئة الاكس لاين
وانا ببيع عشان هجيب ال 2016 انشاء الله فا لو تقدر تحجز ال 2016 وتدفع اللى معاك مقدم وتقسط الباقى يبقى تماام جدا وهناك فى توكيل بى ام فيه مكتب مختص بشركة كونتكت للتقسيط
العربية ال 2016 شكل مختلف و موتور وفتيس جديد فا هتكون ممتعة اكتر دى نصيحتي واتمنى اكون افدت حضرتك