مقبل علي شراء BMW e34 520i 1990

[Ahmed.Sayed85]

السلام عليكم ورحمة الله
اريد من اخواني أصحاب الخبرة ان يفيدونا
انا مقبل علي شراء BMW 520i 1990 ومش عارف هل الموديل ده كويس ولا لأ ؟؟ وهل قطع غياره متوفرة ولا لأ ؟؟ وايه عيوب ومميزات العربية ؟
وعايز اعرف آيه الخطوات اللي اعملها والحاجات اللي لازم أبص عليها وانا بكشف عالعربية عشان أتأكد أنها حالتها حلوة لان انا مش فاهم في BMW وفين افضل مكان اكشف فيه عالعربية ؟
العربية كاملة اوتوماتيك دواخل فبريقة فتحت سقف راشة خارجي نظافة وتغيير لون وهو طالب فيها 65 ألف جنيه ده كده كويس ولا كتير؟

[Ahmed.Sayed85]

في انتظار ردكم الكريم

[omran73]

عربية ممتازة انا راكب واحده بقالى ثلاث سنوات قطع الغيار قليله شويه بس موجودة
من احد الحاجات اللى تبص عليها الكارتيرات مشرخة ولا لأ
ملحوظة : العربية الى فيها فتحة سقف بتبقى 525 مش 520 تقريباً ده مغيرة ماتور
ودة حاجة فى نظرى تعيب العربية
وفى انتظار رأى خبراء البيمرز
وبالتوفيق ان شاء الله

[Ahmed.Sayed85]

بارك الله فيك يا أخي الكريم ومتشكر جدا علي اهتمامك

أنا روحت اتفرجت عالعربية وللاسف معجبنيش حالتها الصالون مش قد كده وكمان الكرسي الامامي جمب السواق متشال منه الكهرباء بتاعته بالاضافة انها فتحة سقف فعلا ومكتوب علي الشنطة 525 والغريب في الموضوع ان قطعة الالومينتال اللي ملصقة داخل الكبوت مكتوب عليها 520i وكمان مغير لونها من اسود لفيراني وفتحتة السقف مش شغالة فحسيت ان العربية متهانة ومهملة مع اني لما سوقتها كان سحبها ما شاء الله
لكن صرفت نظر عنها وبفكر ف كرايسلر M300 ايه رأيك فيها

[omran73]

معنديش اى معلومات عن كرايسلر
بس طبعاً عربية ممتازة بس قطع الغيار والميكانيكية بتوعها ...... الله واعلم
أسأل فى قسم العربيات الامريكية

[Ahmed.Sayed85]

مشكووووووووووور

[TOOLA]

لو عرفت حاجة عن الكرايسلر ابقى لاغينى، نفسى فيها ى معايا فلوسها و خايف منها بصراحة