العربيه جابت موتور!

[mana9wafaie]

السلام عليكم ورحمه الله وبركاته
انا هدخل فى الموضوع على طول انا من سنه ونص كده اشتريت e46 1999 العربيه كانت تمام بس سمعت صوت نقره فى السبيكه مع الار بى ام العالى ومع الوقت بقت موجوده ع السلانسيه على خفيف رحت لميكانيكى ابن حلال الله يسامحه بقى قالى هغيرلك السبيكه وعلى ضمنتى
طبعا انا قلت اتوكل على الله ووثقت فيه لانى بقالى فتره بتعامل معاه مشفتش منه حاجه وحشه
بعد يوم كامل شغل راح صوت السبيكه وظهر صوت تكتكه متواصله على السلانسيه طبعا هو قالى ده بس بيطبع بس انا عرفت ان ده صوت بيل
رحت لكذا حد تانى وقالى ده بيل والاراء كلها ان الحل شورت بلوك الا واحد قالى هغيرهولك وليك تستلم العربيه سليمه طبعا قلت استحاله لان الكل قالى مش هينفع تتعمر
طبعا انا بهرب من الشورت بلوك عشان الترخيص العربيه مش باسمى ومرورها مش فى القاهره..
انا عايز راى الاساتذه والخبراء اللى هنا الحل ايه؟
لو شورت بلوك مين اكتر واحد امين لانى سمعت اسعار كتير وناس مش مريحه
هى الماكنه البيضاء ١٨٩٥ سى سى
وايه والورق اللى بيجى وهتحرك ازاى؟
وسعر الماكنه كام تقريبا بتركيبها..
اسف ع الازعاج والاطاله بس انا معرفش حد يساعدنى غير هنا
على فكره العربيه فى المشى مفيهاش اى مشكله بس اول متكون ع السلانسيه تسمع الصوت وبكون عالى وملحوظ من بعيد
شكرا جدا
السلام عليكم

[hesham fawzy h]

انا انصح لو هتعمل عمرة .. تجبلك موتور استيراد افضل

[م أحمد]

السلام عليكم ورحمه الله وبركاته
انا هدخل فى الموضوع على طول انا من سنه ونص كده اشتريت e46 1999 العربيه كانت تمام بس سمعت صوت نقره فى السبيكه مع الار بى ام العالى ومع الوقت بقت موجوده ع السلانسيه على خفيف رحت لميكانيكى ابن حلال الله يسامحه بقى قالى هغيرلك السبيكه وعلى ضمنتى
طبعا انا قلت اتوكل على الله ووثقت فيه لانى بقالى فتره بتعامل معاه مشفتش منه حاجه وحشه
بعد يوم كامل شغل راح صوت السبيكه وظهر صوت تكتكه متواصله على السلانسيه طبعا هو قالى ده بس بيطبع بس انا عرفت ان ده صوت بيل
رحت لكذا حد تانى وقالى ده بيل والاراء كلها ان الحل شورت بلوك الا واحد قالى هغيرهولك وليك تستلم العربيه سليمه طبعا قلت استحاله لان الكل قالى مش هينفع تتعمر
طبعا انا بهرب من الشورت بلوك عشان الترخيص العربيه مش باسمى ومرورها مش فى القاهره..
انا عايز راى الاساتذه والخبراء اللى هنا الحل ايه؟
لو شورت بلوك مين اكتر واحد امين لانى سمعت اسعار كتير وناس مش مريحه
هى الماكنه البيضاء ١٨٩٥ سى سى
وايه والورق اللى بيجى وهتحرك ازاى؟
وسعر الماكنه كام تقريبا بتركيبها..
اسف ع الازعاج والاطاله بس انا معرفش حد يساعدنى غير هنا
على فكره العربيه فى المشى مفيهاش اى مشكله بس اول متكون ع السلانسيه تسمع الصوت وبكون عالى وملحوظ من بعيد
شكرا جدا
السلام عليكم

عرفت إزاى ان دى صوت نقرة فى السبيكة مع ال rpm العالى ؟؟؟

الحاجة التانية صوت التكتكة على السلانسيه ممكن يكون كستبانات مش سبيكة خالص

بالنسبة لمواتير البى ام..الأفضل من وجهة نظرى التعمير....التسقيط لو عايز تغير سيستم مثلا

إصبر على الصنايعى و إديلو إحتمال الخطأ ما دام بيبذل كل جهده و مش نصاب و ما تكسفش انك تقول له انت قلت لى على ضمانتك...حتى لو مش هيعيد الشغل على حسابه بالكامل بس هيعيده و هو مراعيك