BMW 318i ولا BMW320i

[ahmedragaie]

السلام عليكم,
انا بفكر اغير عربيتي الاوكتافيا و اشتري BMW 318I ولا BMW320i موديل 2016 الجديده:
ارجو المساعده في شرح التالي:
1- ايهما عربية افضل من وجهة نظركم. BMW320i تقفيل مصري و BMW 318I الماني. انا محتار بين BMW 318I اعلي فئة اللي ب 383000جم و BMW320i الفئة الاولي ب 410000جم.
2-هل فعلا سعر اعادة البيع (resale) وحش في كل البي ام دبليو؟ و ايهما في اعادة البيع افضل BMW 318i ولا BMW320i ؟ مش عايز اتعور جامد خصوصا اني بغير العربية كل سنتين او تلاتة بالكتير (عند 60000كم تقريبا).
3-هل الفئة التالتة كلها فعلا و اطية و هتخبط في المطبات. ده حاجة مهمة قوي بالنسبة ليا علشان معنديش صبر احايل عربية و خصوصا وسط سواقين معدومي الصبر او الذوق .
4-BMW320i موتور 2000سي سي و انا مش عايز اتورط لو دعم البنزين اتشال للفئات اعلي من 1600سي سي. هل في معلومات ان الدعم ممكن يتشال فعلا. انا مقدرش ادفع بنزين 95 او سعر ليتر عالي كتير. توكيل ال بي ام بيقول بنزين 92
5-اسعار قطع غيار ال بي ام دبليو ايه؟ بردو التوكيل بيقول كل الصيانة كل 10000كم في حدود 800جم الي 1500 علي حسب الصيانة تشمل ايه بس 1500جم تشمل فلتر هواء و تكييف و زيت. انا مش عارف ده حقيقي ولا لأه. و لو مش حقيقي ممكن يوصل. هم قالوا صيانة ال 60000كم ممكن تعمل حوالي 5000جم و تيل الفرامل كل 30000كم ب2000جم.
6-لو مش بي ام دبليو ايه عربية حلوه يس مش اغلي من 410000جم.

لو حد يقدر يساعد بمعلومات اكون شاكر.

شكرا ليكم و يا رب الخير كله للجميع
أحمد رجائي 1/10/2015

[moha sasa]

- انا مسمعتش أن فى 318 جديد الموجود 316 أو 320.

- ده وش ال بى أم الجديد ينزل بعدها بسنه سعره من 40 ألف وأنت طالع.

- لو أنا منك وخايف من الدعم يتشال / اسعار البنزين تغلى. خلينى أحسن فى 316 بشفها كتير فى الشارع.

[pepo2011]

318 ونبقي زمايل ههههههه
ابعد عن وجع الدماغ وخليك في 318

[ahmediz2000]

السلام عليكم,
انا بفكر اغير عربيتي الاوكتافيا و اشتري BMW 318I ولا BMW320i موديل 2016 الجديده:
ارجو المساعده في شرح التالي:
1- ايهما عربية افضل من وجهة نظركم. BMW320i تقفيل مصري و BMW 318I الماني. انا محتار بين BMW 318I اعلي فئة اللي ب 383000جم و BMW320i الفئة الاولي ب 410000جم.

مش هعرف اخيرك بين عربيتين BMW .. اللي يحكم فعلا اعتبارات تانية انت ذكرتها في النقط اللي بعد كده
2-هل فعلا سعر اعادة البيع (resale) وحش في كل البي ام دبليو؟ و ايهما في اعادة البيع افضل BMW 318i ولا BMW320i ؟ مش عايز اتعور جامد خصوصا اني بغير العربية كل سنتين او تلاتة بالكتير (عند 60000كم تقريبا).

هو كان كده فعلا لكن الموديلات الحالية هتمسك سعر كويس خصوصا بعد ازمة مرسيدس مع البنزين والناس بعدها اتجهت لل BMW اكتر

3-هل الفئة التالتة كلها فعلا و اطية و هتخبط في المطبات. ده حاجة مهمة قوي بالنسبة ليا علشان معنديش صبر احايل عربية و خصوصا وسط سواقين معدومي الصبر او الذوق .

لا مش واطية زي مانت فاكر ارتفاعها زي ارتفاع اي عربية تانية يمكن الكلام ده كان في الموديلات الاقدم
4-BMW320i موتور 2000سي سي و انا مش عايز اتورط لو دعم البنزين اتشال للفئات اعلي من 1600سي سي. هل في معلومات ان الدعم ممكن يتشال فعلا. انا مقدرش ادفع بنزين 95 او سعر ليتر عالي كتير. توكيل ال بي ام بيقول بنزين 92

هو عموما كل البي ام الجديد شغال ب 92 وهتلاقي علي تانك البنزين نفسه مكتوب انه ممكن يشتغل من اول 91 كمان .. وانت بتشتري افتح غطا التانك واقرا المكتوب .. اما بالنسبة للدعم دي نقطة تخليك تجيب ال 318 وتريح دماغك لان اخر كلام سمعته ان الموضوع اتآجل فقط علشان السيستم نفسه لسه ما ظبطش

-اسعار قطع غيار ال بي ام دبليو ايه؟ بردو التوكيل بيقول كل الصيانة كل 10000كم في حدود 800جم الي 1500 علي حسب الصيانة تشمل ايه بس 1500جم تشمل فلتر هواء و تكييف و زيت.

الصيانة الاولي حوالي 750 جنيه ممكن تكون اغلي شوية بس خد بالك انت بتعمل الصيانة كل 12000 كيلو تقريبا ولو قارنت اسعار قطع الغيار مع اي عربيات تانية محترمة هتلاقي الفرق مش كبير اوي في المقابل القطع بتعيش معاك مادامت اصلية ومحافظ علي مواعيد صيانتك

انا مش عارف ده حقيقي ولا لأه. و لو مش حقيقي ممكن يوصل. هم قالوا صيانة ال 60000كم ممكن تعمل حوالي 5000جم و تيل الفرامل كل 30000كم ب2000جم.

ايوه الكلام مظبوط تقريبا في الحدود دي او اقل شوية

6-لو مش بي ام دبليو ايه عربية حلوه يس مش اغلي من 410000جم.
لو مش بي ام بس بنفس درجة الفخامة والمنافسة يبقي اقولك ال Audi A3 او الفولفو .. فيه طبعا عربيات تانية بس كماركة هتبقي اقل من البي ام .. بس لازم تشتغل مع بنزين 95 زي ما مصانعها بتقول زي البيجو 508 والاوبل انسيجنيا الناس بتعافر وبتحط 92 لكن مش هو ده الموصي به من الشركة بعكس البي ام

لو حد يقدر يساعد بمعلومات اكون شاكر.

نصيحة اخيرة ال 318 هتنزل 3 سلندر (ودفع خلفي) وهتبقي جديدة علي السوق ومحدش متعود علي موضوع ال3 سلندر ده .. وكمان موضوع انك عاوز ما تخسرش كتير لما تبيع بعد 3 سنين .. يبقي انصحك تشوفلك عربية 316 موديل 2015 كسر زيرو وماشية قليل .. واي خدمة

شكرا ليكم و يا رب الخير كله للجميع
أحمد رجائي 1/10/2015

[sedmam]

طيب ممكن حد يفيدنى انا عايز اشترى E90 / 320i /2008
ناس بتقولى فيها مشاكل فى الفتيس وناس تقولى المشاكل موديل 2006-2007 وسالت 2 فى البفاريه قالولى كلام عكس بعض ... وان من عيوبها الشائعه موضوع الماتور الاسود وحساس الفلفا تقريبا وحاجة تانيه

وبجد مش عارف الصح فين بتوع البفاريه نفسهم كلامهم عكس بعض اعمل ايه ؟؟؟؟؟
اللى معاه العربيه ممكن يقولى رايه ايه NOva انت فين

[gebreel]

هقلك 316 و اتوكل على الله، العربية مع صاحبي و سقتها كثير جدا عربية ممتازة بكل ما تحمل الكلمة من معنى و الفتيس ما شاء الله مفيهوش اي مشكلة

العربية ماشية ب92 زي الفل لأن BMW استاذة في الSoftware بتاع الموتور و التحكم في الvalves و مبتستوردش الا العربيات اللي تمشي ب92

[م أحمد]

السلام عليكم,

2-هل فعلا سعر اعادة البيع (resale) وحش في كل البي ام دبليو؟

4-BMW320i موتور 2000سي سي و انا مش عايز اتورط لو دعم البنزين

5-اسعار قطع غيار ال بي ام دبليو ايه؟

6-لو مش بي ام دبليو ايه عربية حلوه يس مش اغلي من 410000جم.

من كلامك رأيى تبعد عن البى إم ...الreslae فعلا مش كويس....قطع الغيار و الصيانات غالية...و الضريبة غالية و الاكتر لو دعم البنزين اتطبق

فى عندك البيجو 508 مفيش عليها خلاف - الاوبل انسجينا و انتشارها زاد عن الاول - الفولفو


اضعفهم resale الفولفو بس كلهم مواتير 1600 تربو

[mohaismail]

انا راييى تصبر شوية وهات x1 الجديدة بنسبة كبيرة هتنزل بنفس موتور ال 318 وارتفاعها عن الأرض هيكون نقطة في صالحها وطبعا شكلها اشيك كتير من ال x1 الحالية .
لو عايز سيدان يبقى هات ال 318 ,وربنا يوفقك.

[ramykimo]

انا راييى تصبر شوية وهات x1 الجديدة بنسبة كبيرة هتنزل بنفس موتور ال 318 وارتفاعها عن الأرض هيكون نقطة في صالحها وطبعا شكلها اشيك كتير من ال x1 الحالية .
لو عايز سيدان يبقى هات ال 318 ,وربنا يوفقك.

تعرف امتى .هتنزل ?

[mohaismail]

هتنزل في شهر 12 ان شاء الله

[Omar Sarray]

bmw 318iحتنزل مع الحجز فى ربع الوال من 2016 والمنتشره حاليا 320 و316 انا راى خليك مع 316 او 320 م فرقت على 40 الف يعنى لو حابب لان فرق احجام ومش اكتر بحس كده

[wesamgaber83]

Q3 or X1
اشكال حلوه
بنزين 92
ارتفاع من علي الارض
مواتيرهم 2016 الاتنين 1400 و 1600 سي سي 140 HP
و ثقافة الSUV or SAV بدئت تشد حيلها في مصر و الدليل كل ماركات العربيات منزله السنه دي عربيه كده
كوجا و سبورتاج و قشقاي و 5008 و توسان و X500 fiat و رينيجارد JEEP

[Fawzy.Abdelnour]

هجاوب علي اللي اعرفه عشان مافتيش.
سعر الbmw فعلا بيقع جدا.
قطع غيار نار نار.
كنت بجيب لمبه لعربيتي, بعد ماجبتها شكيت انها مش اصلي, رحت داخل علي محل متخصص bmw و معروف انه موثوق فيه.
طلعلي اللمبه بعلبة bmw و قالي تمنها 200 جنيه.
انا شاري نفس اللمبه من توكيل مرسيدس ب50 جنيه.
دردشت مع الراجل و قالي اوعي تجيب bmw، ده محل قطع غيارها و بيقولي بلاش!!!!!!

عربيات تانيه فالفئه دي:
Audi A4
1- 380.000
2- 440.000

Mercedes C180
1- 405.000
2- 450.000
و يا رب تلاقيها حجز حتي.

[Karim_Monir]

البي ام دبليو تجيبها سر زيرو عشان متعلش قوي في اعادة البيع
ال 2000 احسن من ال 16 طبعا واعفي واقوي ولو مش فارق4 معاك عفايه الموتور خليك في ال 16 مش وحش تقريبا بيطلع 136 حصان
موفره جدا في النزين
عايز تتعامل معامله محترمه دي مش سكودا ولا فولكس دي بي ام دبليو وواطيه في لمطبات طبعا
مش مستهلكه لقطع الغيار بخلاف العفشه عاملها كوبس هاتقعد معاك هاتدب هاتزعلك

[Mohamed Zahran]

البي ام دبليو تجيبها سر زيرو عشان متعلش قوي في اعادة البيع
ال 2000 احسن من ال 16 طبعا واعفي واقوي ولو مش فارق4 معاك عفايه الموتور خليك في ال 16 مش وحش تقريبا بيطلع 136 حصان
موفره جدا في النزين
عايز تتعامل معامله محترمه دي مش سكودا ولا فولكس دي بي ام دبليو وواطيه في لمطبات طبعا
مش مستهلكه لقطع الغيار بخلاف العفشه عاملها كوبس هاتقعد معاك هاتدب هاتزعلك

أنا برده في نفس الحيره ما بين 318 Luxury و ال 320 base lineو ممكن حد يقول لنا ايه فرق الكماليات بين الاتنين؟؟ الفرق في السعر حوالي ثلاثين ألف جنيه