ما هي خطوات تفادي شراء دبانة e36 نصين ؟

[mayoo]

السلام عليكم ورحمة الله وبركاته

اخوكم عاشق لـ bmw وحلم ليا من فتره كبيره وان شاء الله اول سياره همتلكها هتكون هي .

الحمد لله قدرت احضر تمن e36 ومُقبل علي الشراء ولكن سمعت كلام كتير جداً من ناس كتير قلقني ان اللى موجود من الدبانه في مصر معظمه قطم نصين ملوش ورق والنصب كتير اوي في العربيه دى !

كل اللى بطلبو من الناس اللى فاهمين في العربية دى واتعاملو معاها في بيع وشراء يتكرمو ويساعدوني بخبرتهم ويدوني خطة امشي عليها وانا بشتري عشان اتفادي النصب واقدر اركب عربية شرعي واكون مطمن 100 % .

شكراً مقدماً وجعله الله في ميزان حسناتكم . :)

[ahmedbasto]

حاول تشترى عربية 16 وتكون بره وجوه وياريت لو معاقين بالنسبة للكشف علشان تتأكد انها مش نصين خد الvin بتاعها وادخل اكشف بى على موقع من مواقع الكشف لقيته تمام ومطلعلك بيانات العربية هتروح تكشف فى مكان ثقة زى bimmers zone او عند فان ديزيل او التوكيل وبرضو ابعد الكوبية والكابروليه علشان دول سمعتهم مش حلوة واى استفسار تانى تحت أمرك

[M.Ayman]

الموضوع ان شاء الله سهل و خطواته مش صعبه المهم تمشي عليهم بالترتيب .

اولاً
لو انت في مرحله انك رحت لصاحب العربيه او شفت اعلان عربيته و عجبتك هتاخد رقم الشاسيه بتاع العربيه لو انت قدام العربيه افتح الكابوت هتلاقيه في البلاستيك اللي تحت المساحات -ناحيه اللي راكب جمب السواق- زي ما باين في الصوره كده

[img2]http://i.imgur.com/zBLmje8.jpg[/img2]


بعد كده هتدخل علي اي Bmw vin decoder -سيرش علي google و هتلاقي كتير- انا عموما برشحلك

BMW Model Archive � October 2015 � bmwarchive.org

هتدخل علي الموقع و تدخل ال vin code بتاع العربيه اللي هو اخر 7 (حروف / ارقام) من رقم الشاسيه بتاع العربيه يعني علي مثلا vin code العربيه اللي في الصوره اللي فاتت المفروض يبقي ex93493 ، بعد كده هيظهرلك كل بيانات العربيه بتاعت المصنع يعني موتور ايه كام باب موديل كام و كل الاوبشنز اللي كانت نازله فيها و لونها ... الخ ، هتقارن الكلام ده بالعربيه علشان تتأكد ان كانت هي ولا لأ

ثانياً
مرحله السمكري و الكشف الفعلي علي العربيه علشان تتأكد من اساسيات العربيه الشاسيه تمام و لا مخبوط راشه دواخل ولا لأ و برضه بيشوف لو في لحامات لو لا قدر الله كانت سليمه بس عملت حادثه مثلا و اتلحم لها نص او اي جزء و حاله العربيه بوجه عام بقي موتور عفشه ... الخ

اخيراً
مرحله المرور دي بقي لما تتأكد ان الحمد لله كل اللي فات ده تمام و العربيه خلاص كويسه و انت عايز تخلص فيها تطلع علي وحده مرور العربيه و تحاول تشوف ملف العربيه و تعرف البيانات المكتوبه جوه تمام ولا لأ يعني الماركه و الموديل و عدد الابواب ... الخ لو مطابقه يبقي الف مبروك العربيه


عموما موضوع الانصاص ده مش منتشر في السيدان قوي و لو حصل في سيدان 90 % كان علشان حادثه لا قدر الله انما الخوف الاكبر بيبقي في الكوبيه و الكابورليه و خصوصا الكابورليه ، عموما مش هيفرق معاك الكلام ده امشي علي نفس الخطوات في اي عربيه ايا كانت سيدان كوبيه كومباكت ... الخ و ان شاء الله خير و مبروك مقدما :)