محتار بين e46 وبين e39

[mohaz1987]

محتار بين e46 وبين e39

عاجبني في e46 انها شبابيه وقطع غيارها متوفره ومخوفني منها انه صعب تلاقي عربيه نضيفه ميكونش صاحبها مبهدلها


عاجبني في e39 الفخامه والوسع وهتلاقي عربيه بيتي بس خايف من استهلاكها للبنزين

محتار جدا وكل يوم العربيات بتغلى

الميزانيه اللي معايا 120 الف

ارجو الافادة سريعا

[svneleven]

39 بنزينها عادي مش كتير و هتلاقي نضيف كتير و شوية تظبيط بسيط تبقي شبابية عن ال 46 و كمان قطع غيارها موجودة و نفس الاسعار بتاع 46.

[M.Ayman]

المقارنه نفسها مش صح و ده معناه انك مش عارف انت عايز ايه بالظبط ، ال e46 و ال e39 لو دورت هتلاقي فيهم عربيات نضيفه عادي ، ال e39 مش مهلكه بنزين ولا حاجه استهلاكها عادي جدا زي ال كل ال 6 سلندر في bmw ، ال e39 عربيه قعدتها مريحه جدا و واسعه و بتجري برضه بس اكيد مش زي الفئه الثالثه ، ال e46 عربيه حلوه برضه بس تعتبر شبابي اكتر ، الاثنين ممكن يبقي شكلهم رياضي او شبابي ، المهم انك تعرف انت ميال لايه اكتر و ايه الاهم عندك الجري ولا الركوبه و الراحه الزياده :)