محتاج رأيكوا بعد إذنكوا

[Wael Elesawey]

انا كنت بى إمواى زيكو كان معايا e90 316 2006 و معرفتيش اعيش بيها علشان المانيوال و بعديها جيبت e46 2005 و ديه طلعت عيني وقفت تتصلح اكتر ما كنت بركبها لحد ما بيعتها و خسران فيها اكتر من 15000 ألف جنيه جيبت بعديها اسكودا فانتازيا 2013 إليجانس كامله من كله بس مش عارف اتعامل مع موتورها 1600 عيان بس حالة العربية ما شاء الله تشفعلها المهم واحد صديق معاه e39 525i 2003 ناوي يبيعها فعرضها عليا انا الصراحة نفسي فيها من قبل ما اجيب الاسكودا بس التجربة بتاعة e46 مخلياني خايف اركب bmw قديم تاني و خصوصا ان الفرق 10 سنين في الموديل مع العلم ان صديقي مظبط عربيته لنفسه بس هو بيبعها علشان محتاج فلوسها هو عايز فيها 150 الف هو صارف عليها كتير الصراحة زي 30000 جنيه
المشكله انا مش عارف اخد القرار اسيب الاسكودا اللي بنزل اركب و امشي و مش بقرب من التوكيل غير في مواعيد الصيانة و اضحي بالموديل العالي و ارجع لمعشوقتي الملكة e39 موديل 2003 و نفسي مرجعش اقف عند ميكانيكي تاني و اسيب العربية باليوم و اليومين و ساعات اكتر ,,,,,,,,,
ارجو منكم يا أهل الخبرة الافادة علشان انا في حيرة من أمري و الله المستعان

[Wael Elesawey]

52 مشاهدة و مفيش واحد يبدى برأيه للمساعدة ههههههههههه

[Hosam_Optrawy]

القديم مهما كان ليه مصاريفه وخصوصا لو بى ام هاتبقى مش رخيصه

خليك في الحديث أفضل ولو متضايق من موتور الفانتازيا ممكن تشوف حاجه تانيه موتورها فايق شويه

[Wael Elesawey]

القديم مهما كان ليه مصاريفه وخصوصا لو بى ام هاتبقى مش رخيصه

خليك في الحديث أفضل ولو متضايق من موتور الفانتازيا ممكن تشوف حاجه تانيه موتورها فايق شويه

متشكر لإهتمامك حسام باشا و كلامك هو ده اللي انا خايف منه حكاية المصاريف ديه علي العموم انا متشكر ليك و علي اهتمامك و كلامك صح و هو ده اللي يتبع ألف شكر

[svneleven]

ال قديم مش معناه انك تبات عند الميكانيكي. واضح ان ال 46 بتاعتك كانت حالتها تعبانة جدا و صاحبها ما كانش مهتم بيها. ال 39 من احسن ما انتجت بي ام. وطالما صاحبك محافظ عليها يبقي اتوكل. لكن ال 150 الف ده سعر عالمي يجيب 2005 حالة ممتازة و كتير كمان.