٣٢٠ لاكشرى و لا x3 2000 cc

[sherif shaheen]

مساء الفل على اصحاب أحسن عربيّات
كنت عاوز اعرف أيهما تفضل و لماذا
X3 2000 cc و لا ٣٢٠ لاكشرى ٢٠١٦ من حيث اعادة البيع بعد اربع سنوات
فرق الثبات كبير مع العلم أنى بسافر كتير و بجرى على سرعات عالية ١٦٠ فيما فوق
قطع الغيار و مدى توفرها خارج التوكيل
أنا بحب حاجة اسمها بى ام ٣٢٠ طول عمرى بس لما شوفت x3 عجبتني اوى من جوه و لانى عمرى ما ركبت عربية مرتفعة عن الارض و خايف اوى اجبها و أندم لانى مش هعرف ابعها الا بعد اربع سنين

[Ayman_saad]

مش هتندم لو أخدت x3
ماينفعش نقارن بين الأتنين خالص زي ماحضرتك عارف ، دي حاجه ودي حاجه ولكن من واقع تجربه ال x3 هتخليك تنسي عربيات واطيه تماماً مع الحفاظ علي متعة سواقة bm ، كفاية أنك هتركب عربية عاليه ومش هتشغل بالك بمطبات ، وهتحس بثقة جامدة وأنت راكب ال x3، ربنا يوفقك .

[haithamelhagar]

انا اسمع ان ال x3 2000 cc مفضينها خالص وشايلين منها كماليات كتير .... يا ريت حد عنده معلومة يقولنا كمالياتها ايه وموتورها مناسب لحجم العربية ولا لا

[Ayman_saad]

انا اسمع ان ال x3 2000 cc مفضينها خالص وشايلين منها كماليات كتير .... يا ريت حد عنده معلومة يقولنا كمالياتها ايه وموتورها مناسب لحجم العربية ولا لا

مش عارف مفضينها أزاي ؟
العربيه فيها سقف بانوراما وفاتحة سقف وكراسي كهرباء بدون ذاكره ، الأي درايف عربي ، الفرش جلد يعني ماتفرقش كتير عن ال ٣٠٠٠ cc غير في الزينون والنواكل والجنوط والشنطه الكهرباء في فئة التانيه من ال ٣٠٠٠ cc
أنا مش شايف أن ماتور ال ٢٠٠٠ cc صغير علي العربيه كحجم وإن كان طبعاً ال ٣٠٠٠ cc هتكون أقوي ، لكن في مقابل الضريبه بتاعتها نار ، مش عارف دي وجهة نظري في العربيه ، لو محتاج تستفسر عن حاجه في العربيه أنا تحت إمرك .

[drtarekelnagga]

ال 2000cc فيها كراسي كهرباء بذاكرة

[Anxs111]

بناء علي تجربة والعربية قعدت معايا إسبوعين وعملت بيها مشوار محترم (في حدود سبع الاف كم )
الموتور كويس ومش هتحس إنه ضعيف ألا لو جربت إل ٣٠٠٠ سي سي
تحت الميه تقريبا مفيش فرق لكن من ١٠٠ الي ١٥٠ في فرق كبير .... هو هيئدي كويس بس مش زي الستة سلندر أبدا ....
العربية حلوة وفخمه وهيبة علي الطريق ...
البي أم (سواء فئة تالتة أو x3 ) فيهم عيب قاتل اللي ركيب بيمر أكيد هارشه وهو إن الثبات مش حلو (خلي بالك تبات مش حلو مقارنة بالبي إم اللي قبليه لكن ما زالت أحسن من أي عربيه تانية في فئتها )....
لكن موديلات قبل ٢٠١٠ كانت راشقه في الأرض لحاد ٢٠٠ لكن الجديد من بعد ١٥٠ أخف سنه ...هما قالو إن دة إحساس وهمي عشان هما خلوها مريحة أكتر فبتدي الإحساس دة وأن التبات هو هو بس الصراحة الدرايف والهانلدنج في القديمة أحلي بكتير ومفيش علاقة أساسا .

[Anxs111]

بالنسبا لسألك في مصر تركب x3 من غير ما تفكر بس معنديش فكرة عن ماسكه سعرها ولا لأ

[KING_LEDO]

x3

انا اشتريت 316 لاكشرى 2015 و مشيت بيها 95 كيلو رجعتها و جبت x3 مهانتش عليه بى ام فى المطبات في الأول كنت مستغرب ركوبت اكس الثرى لان 316 كانت القيادة ممتعة
بعد شهرين في اكس 3 هيبة مختلفة و سحب حلو و استبليتى رائع على 180 و 200 لدرجة ان صاحبى بيمر قدبم راكب معاى بيقولى ايه الصوت ده هي عزلها وحش لما بص على العداد لقاه 200 قال حقك تسمع صوت

[KING_LEDO]

x3

موضوع استهلاك الوقود لو يهمك
2000 سى سى انا حاسس بفرق في الأستهلاك
الكمبيوتر بيوضح الأستهلاك
سرعة 180 كيلو 12 لتر ل100 كيلو
سرعة 120 كيلو 6 لتر ل 100 كيلو
المشكلة
داخل المدينة لاى تحرك و توقف الستهلاك 30 لتر ل 100 كيلو
طبعا البنزين بيطير الناس حتقول راكب بأكتر من نص مليون و بتتكلم على البنزين

[Anxs111]

باشا أنا كانت معايا x3 وسافرت بيها منزلتش الإستهلاك عن ١٠ لتر في إل ١٠٠ كم في أي حال من الأحوال ولما كنت بجيب ١٥٠ كان الإستهلاك بيوصل ١٣ لدرجة أني شكيت إن يكون فيها عيب لأن القديمة بتاعتي ٣٠٠٠ سي سي والإستهلاك علي 120 حوال ٩ في إل ١٠٠ كم . العربيه كان بيبقي فيها الأسرة كلها (خمس أفراد )

[Anxs111]

إل ٣٢٠ استهلاكها كان خفيف جدا في البنزين وكانت بتعمل ٦٫٥ لتر في الميت كيلو علي الطريق السريع

[Mohamed Zahran]

أنا سامع ان ال 320 واطيه بطريقه مزعجه