bmw x4 vs bmw x3

[mostafassy]

السلام عليكم
انا اتفرجت على ال x4 فى معرض اوتوماك و انا متابع العربيه دى من المعرض الفات كمان و قالو انها هتتجمع فى مصر و المفروض bmw x4 هتنزل فى شهر 6 بموتور ال x3 ال 3000 سى سى

يا ريت لو فى حد من ملاك ال x3 3000 cc يكتب تجربته عن الموتور و حساب الضريبه و الصيانه و اسعار قطع الغيار

[ramykimo]

I am interested in the X3 i20..better resale , parts availability
more space

[ramykimo]

do you know if it is availabe to request i28 as special order?

[amr salah eldin]

معى الان x5 و كان معايا x3 comfort 2015 الشكل الجديد وبعتها ، العربية مقارنة بال x3 2000cc موتور جبار 305 HP ، فخامة تعطيك الاحساس الكامل بال BMW ، عيوبها الترخيص 2 % من سعرها دفعت حوالى 12500 جنية على اساس سعرها الوقت ده كان ب 625000 جنية ( اليوم سعرها الرسمى 680000 جنية ) والعيب الثانى الاستهلاك المرتفع للبنزين ( 92 موصى به من التوكيل ) ، ومقارنة بال x 4 ( شوفتها فى المعرض الى فات ) ، الموضوع يرجع لاحتياجاتك ، ال x4 الي هتجمع فى مصر m package رياضية انسيابية شبابية اكثر ، من الداخل اقل فخامة من الx3 ، بها فتحة سقف عادية وليست بانوراما ، الجلوس فى الخلف خاصة للراكب الطويل اقل راحة من الx3 , كذلك مساحة التخزين الخلفى اقل من الx3 , بالطبع الx4 بها كشافات امامية led , adaptive with headlight washer، اما ال x3 فتمتلك xenon not adaptive , without headlight washer , وده بالطبع فى صالح الx4 ( بالمناسبة سعر الx4 بيدور حوالين ال 800000 جنية) ، و كذلك المقارنة بين ال x5 و ال x6 (حيث الفخامة و الراحة فى الاولى اما الثانية فهى مثال للاداء القوى الانسيابى فى ظل تخمة من التجهيزات الرياضية .

[mostafassy]

اشكرك على الاهتمام و الرد

انا فعلا ركبت ال x4 فى المعرض و كان ارتفاع السقف مش عالى اوى زى ال x3 و ده لانه سقف كوبيه

بس انا معجب جدا بفكره ال SUC او sport utility coupe و فى الاصل طبعا ال x6 كنت مهووس بيها بس سعرها عالى جدا انا حتى مسألتش فى المعرض بكام مع انها المفروض ترخض لانها هتتجمع فى مصر

انا عايز اعرف من حضرتك تكاليف الصيانه الدوريه و قطع الغيار لل x3 لان اعتقد هتكون هى هى لل x4

شكرا جزيلا

و الف مبروك على ال x5

[amr salah eldin]

اشكرك على الاهتمام و الرد

انا فعلا ركبت ال x4 فى المعرض و كان ارتفاع السقف مش عالى اوى زى ال x3 و ده لانه سقف كوبيه

بس انا معجب جدا بفكره ال SUC او sport utility coupe و فى الاصل طبعا ال x6 كنت مهووس بيها بس سعرها عالى جدا انا حتى مسألتش فى المعرض بكام مع انها المفروض ترخض لانها هتتجمع فى مصر

انا عايز اعرف من حضرتك تكاليف الصيانه الدوريه و قطع الغيار لل x3 لان اعتقد هتكون هى هى لل x4

شكرا جزيلا

و الف مبروك على ال x5

الله يبارك فى حضرتك , بخصوص ال x6 السعر بيدور حوالين ال 1300000 جنية (موضوع عدم استفرار سعر الصرف عامل صداع فى رأس bmw , معظم الموديلات الحجز موقوف وواضح انهم هيسلكوا مسلك مرسيدس و هيقلصوا حجم استثماراتهم في مصر), وصيانة ال 10000 لل x3 فى حدود ال 1000 جنية , اما قطع الغيار فملحقتش اغيرلها حاجة بس الاسعار نار سواء قطع الغيار او الاكسيسوري ( شاسيه مراية واحدة حوالى 7000 جنية , فانوس واحد حوالي 20000 جنية دواسات اصلى ب 1400 جنية ) .