يا جدعان العربية دي حلوة ٣٢٠ موديل ٢٠١١

[melouk1]

يعني حد راكبها يقولي اخبارها ايه عيوبها ايه
معروضة عليه ب ٢٥٠ الف و ماشية ٨٠ فابريكة كلها
ساعدوني مش عاوز اركب الانترا بالفلوس دي

[melouk1]

رجاءا حد يرد عليه عشان محتاج اجيب عربية بسرعة

[شريف حجازي]

اولا الف مبروك عليك العربية في منتهي الجمال بس المهم تاخد بالك من شوية حاجات وانتا بتشتريها علشان متدفعش فلوس تانية بعد الشراء مثلا تكشف عليها في التوكيل فحص كامل علشان العيوب الي مستخبية التوكيل هيبينهالك واتاكد انها فبريكة بالكامل من برة مش راشة ومتصدقش الي يقولك راشة نضافة والكلام ده العربية المرشوشة سعرها بينزل وخصوصا في البي ام دبليو وبعد الكشف والاطمأنان اركب العربية وجربها علي الطريق علشان تحس بيها برضو ده مهم جدا انك تحس بالعربية وتطمنلها وخصوصا لو اول مرة تركب بي ام لكن العربية ككامليات وشكل مفيش اجمل ولا اروع من كدة والشكل ده بالذات لو لقيت فعلا انها عاملة 80 الف كيلو ومش ملعوب في العداد تبقي العربية لسة بخيرها اتوكل علي الله وطبعا مفيش اي وجه مقارنة بينها وبين الهيونداي وشوف برضو الكماليات الي جوة العربية كلها شغالة ولا لا وجرب التكييف وجرب تفتح الزجاج بتاع الاربع ابواب وتقفلو علشان ميكونش فية ماكينة زجاج بايظة لا قدر الله ولا حاجة وجرب مفاتيح الريموت واتاكد من وجود المفتاح الاسبير وجرب فتحة السقف وابقا طمني عملت اية لكن العربية دي بجد ربنا يباركلك فيها هتعجبك اووووي ومبروك مقدما ولو عايز بعد كدة اي مكانيكي بتاع بي ام غير التوكيل ابقا قولي وانا اوصفلك حد محترم اوووي واسعارو ارخص من التوكيل وشغلو نضيف وبالتوفيق ان شاء الله

[melouk1]

اولا الف مبروك عليك العربية في منتهي الجمال بس المهم تاخد بالك من شوية حاجات وانتا بتشتريها علشان متدفعش فلوس تانية بعد الشراء مثلا تكشف عليها في التوكيل فحص كامل علشان العيوب الي مستخبية التوكيل هيبينهالك واتاكد انها فبريكة بالكامل من برة مش راشة ومتصدقش الي يقولك راشة نضافة والكلام ده العربية المرشوشة سعرها بينزل وخصوصا في البي ام دبليو وبعد الكشف والاطمأنان اركب العربية وجربها علي الطريق علشان تحس بيها برضو ده مهم جدا انك تحس بالعربية وتطمنلها وخصوصا لو اول مرة تركب بي ام لكن العربية ككامليات وشكل مفيش اجمل ولا اروع من كدة والشكل ده بالذات لو لقيت فعلا انها عاملة 80 الف كيلو ومش ملعوب في العداد تبقي العربية لسة بخيرها اتوكل علي الله وطبعا مفيش اي وجه مقارنة بينها وبين الهيونداي وشوف برضو الكماليات الي جوة العربية كلها شغالة ولا لا وجرب التكييف وجرب تفتح الزجاج بتاع الاربع ابواب وتقفلو علشان ميكونش فية ماكينة زجاج بايظة لا قدر الله ولا حاجة وجرب مفاتيح الريموت واتاكد من وجود المفتاح الاسبير وجرب فتحة السقف وابقا طمني عملت اية لكن العربية دي بجد ربنا يباركلك فيها هتعجبك اووووي ومبروك مقدما ولو عايز بعد كدة اي مكانيكي بتاع بي ام غير التوكيل ابقا قولي وانا اوصفلك حد محترم اوووي واسعارو ارخص من التوكيل وشغلو نضيف وبالتوفيق ان شاء الله

يا عم انت راجل محترم و عشرة على عشرة
انا مصدقتش ان حد رد و يرد الرد الجميل ده :)
ربنا يباركلك
اولا انا معايا c 240 2004 بجيب عربية تانيه للبيت
فالقيت ان الميزانية تجيب العربية دي بالذات
و الراجل مطلعش كلامه صح و خاف اكشف في التوكيل و قالي ضيق الوقت :)) طبعا حسيت ان الموضوع مش مظبوط و صرفت نظر
و بدور على واحدة كده بس مش عارف فين
و طبعا بشكرك على شرحك الراقي ..