مشكلة هزة فى الطارة e36 1993

[badrnasr]

السلام عليكم
أولا عندى مشكلة فى سيارتى e36 1993 عندى زلزال فى الدريكسيون مع الضغط على الفرامل ما السبب وراء هذة الرجة ؟؟
ثانياً : أريد أعرف أى انواع الزيوت الإفضل لماكينة m40 1600cc هل هو كاسترول أم موبيل 1 أم شيل؟؟
وشكراً جزيلاً لكم

[aymanshebl]

الهزة فى الطارة مع الفرامل دي مشكلة طنابير اما الزيوت فالاخوة ممكن يفيدوك اكتر منى

[ahmed.biso13]

الهزة ممن تكون الطنابير الامامة فيها ريجة او عالى وواطى وتحتاج تغير
كاوتش الميزان
المقصات
الزيوت موبيل دلفامك فى الصيف
التعاون الازرق فى الشتاء

[borio1704]

بالنسبة للزيت المناسب.. فأحسن زيت هو اللي مكتوب في الكتالوج

للأسف ما لقيتش كتالوج المالك بتاع الـE34... إنما لقيت كتالوج الصيانة

http://www.e34.hu/service/kendtamas/XHAYNES.pdf

في صفحة 13 مكتوب إن الزيت مواصفاته:
لزوجة: 10W-40 أو 20W-50
مستوى الأداء: API SG على الأقل

لو عايز تعرف معنى الكلام ده إيه.. أنصحك تدخل على الموضوع ده:

http://www.nilemotors.net/Nile/341680-a.html

عموما..

تقدر تحط زيوت كتير في السوق بلزوجة 20W-50

التعاون عندها حاجات كتير.. SJ و SL و SM... كلهم زي الفل.


مصر للبترول عندها زيوت تمشي معاك بردو


موبل أكيد ينفع


كاسترول GTX كويس بردو



وبالنسبة للزيوت بلزوجة 10W-40
كاسترول ماجناتك كمان ينفع معاك كويس جدا جدا..


ده غير مجموعة تانية من الزيوت النص تخليقية والتخليقية... ممكن أبقى أقوللك عليهم لو تحب... بس الموضوع يعتمد على أولوياتك انت.


...

[badrnasr]

مشكوووووريييين جداااااااااااااً لكل الأعضاء الكرااام
التعليقات المفيدة ربنا يجعلة فى ميزان حسانتكم بما ينفع الناس

[badrnasr]

معلش سؤال لان فية ناس نصحونى بدل التغيير ؟؟هل من الممكن استعدال مؤقت فى المخرطة ؟؟ ولا اية ؟؟

[svneleven]

بدل التغيير ممكن تمسح الطنابير في المخرطة و شوف المهم يكون خراط شاطر.