بشتري أول عربية بي إم ومحتاج رأيكم في 320 2009 facelift

[abouhashem.a]

السلام عليكم، معروض عليا عربية بي إم 320 موديل 2009 facelift العربية ماشية ١٧٠ الف وراشة اكصدام أمامي، باقي العربية فبريكا بس فيها خربشة في الجنب وفي الشنطة، العربية من جوه حالتها نضيفة جدا كأنها زيرو بالظبط ومن أنضف العربيات اللي جربتها، وصاحبها عنده استعداد اكشف عليها في التوكيل، هو طالب 235 الف، هل سعرها كدة كويس ولا عالي انا بشوف اسعار كتير بعيد عن بعض ومش عارف احدد السعر المناسب خصوصا ان ديه اول تجربة ليا في البي إم، ولو السعر كدة غالي ايه البديل اللي ممكن اجيبه بنفس المبلغ ويكون بنفس المستوى، شكرا.

[svneleven]

السعر كتير. ده تمن 2010 او 2011 راعي انها ماشية 170 الف. المشكلة ان كله بيهيص في وسط زيادات الاسعار. العربية دي من سنة و نص كده كانت اخرها 200 او 210 و عداد اقل بكتير من كده.

[bluemail]

عليكم السلام
مبدايا العربية ماشية 170 الف في 7 سنين يعني تقريبا 25 الف في السنه وده كتير نسبيا
ثانيا السعر عالي علي الموديل، يعني تدفع مبلغ زي ده في عربية داخلة علي 200 الف
ممكن بالمبلغ ده تشوف باسات نضيفه وعداد قليل وطبعا لازم تكشف في التوكيل
بالتوفيق

[abouhashem.a]

شكرا يا شباب على ردكم، انا فعلا حاسس ان السعر كتير بس انا مش لاقي خالص الاسعار اللي الناس بتقولي عليها، كله عالي كدة، مفيش حاجة ٢٠١٠ نضيفة بالسعر ده خالص، وبالنسب للباسات ناس كتير خوفتني منها وسألت ناس كان معاهم العربية فعلا عشان كدة قررت أجيب بي إم