استشاره عن ال بى ام دابليو ٥٢٥موديل ٩٨

[hamadaeng2003]

انا قدامى عربيه ٥٢٥ سنه٩٨ كنت عايز اشتريها مختاج اعرف عيوب العربيه واستهلاكاتها وصيانتها وقطع الغيار وايه اللى اخد بالى منه عشان مالبسش شكرا للافاده

[Bmw-Lover]

انا قدامى عربيه ٥٢٥ سنه٩٨ كنت عايز اشتريها مختاج اعرف عيوب العربيه واستهلاكاتها وصيانتها وقطع الغيار وايه اللى اخد بالى منه عشان مالبسش شكرا للافاده

قبل اى حاجه بس عشان لو كلامى باين غريب .. انا بشتغل فى الميكانيكا خارج مصر .. ودى طريقتى فى شرا العربيات .. لو هى غريبه عليك دا مش معناه انى معقد او مريض ، انا بس فى مكان مختلف .. فا اللى ينفع تعمله فى مصر اعمله و اللى انا بقوله و ميصلحش فى مصر .. اعتبر نفسك مقريتوش

شوف يا ريس ، اى عربية بى ام دابليو بمختلف موديلاتها فى التسعينات .. عيوبها واحده ، سواء كانت
e30 , e34. E36 . E39

اما تيجى تشترى العربيه دى مستعمله لازم تتأكد من التالى ...
1- الريداتير ... تأكد ان العربيه دى الريداتير بتاعها تعبان جداً .. و دايرة التبريد فيها عامة زى الزفت ، اتأكد ان الريداتير مش مخروم .. ولو لقيت العربيه دى شكل كبوتها بيدل على ان دايرة التبريد سواء الخراطيم العلويه او السفليه كانت بتسرب قبل كدا ، خلى بالك قوى لان ممكن تكون حرارتها عليت قبل كدا و تلبس فى موتور ضغطه مش صحيح او فى المستقبل يجيب معاك وش سلندر او تحتاج هيد ولا موتور كامل .

2- الهيدر بتاع الشكمان .. لازم تتأكد انه مش مفارق و مش مخرم ، و تنزل تحت العربيه تشوف الكاتليتيك كونفيرتر اللى هو علبة البيئه دا .. لو موجود ومش شايه ، اتأكد انه شغال ولو متشال اتأكد ان الشكمان اللى راكب مش متاكل ولا مخرم .

3- العفشه بتاعت اى بى ام فى التسعينات عيوبها تقريباً واحده .. بص عالمساعدين اللى ورا من عند الكوتش و من جوا الشنطه .. شيل فرش الشنطه و اوصل لقواعد المساعدين اللى فوق و انا مش متأكد ان كان اسمها بطاحات ولا لا .. و اضعط عالعربيه من عند الشنطه لتحت و سيبها ترد .. لو لقيت راس المساعد بتتحرك جامد اعرف انك هتلبس فى قواعد ( اللى هى الماونت ) قريب و احتمال فى مساعد .

4- لو العربيه فيها فتحة سقف جربها و جرب الوضع بتاع انها تبقى مقفوله بس مرفوعه لفوق لان دا متعارف عليه فى العربيه دى انه بيبوظ .. و جرب كل اوبشن فيها فى الكراسى و الازاز ..

5- اتأكد ان التكيف شغال .. و الكلتش بتاع التكيف هتلاقى قدام مروحة الريداتير من تحت ناحية الشمال وانت وشك للعربيه .. شغل التكيف ، و روح شوف الكلتش بيلف و يفصل ولا لا .. لان دا من عيوب العربيه المتعارف عليها برضه .

6- لما تيجى تجرب العربيه متخليش صاحبها يدورها قبل مانت تروح .. ولو كان دورها هتعرف من سخونة الموتور .. افتح الكبوتر و حط ايدك عند بطن الموتور لو لقيته سخن يبقى هو دورها قبل مانت تيجى .

7- العربيه دى من عيوبها ان العجل بيلزق فى الطنبوره ساعات .. مش عارف صاحبها هيرضى تعمل اللى هقولك عليه ولا لا .. بس جرب تفك عجله عجله .. انا شخصياً لما اشتريت عربيتى عملت كدا و العجله اللى ناحية اليمين قدام مرضيتش تطلع .

8- الباور ستيرينج من الحاجات اللى بتبوظ فى العربيه دى بسرعه .. اتأكد ان مفيش مشاكل .

9- و اخيراً .. اتأكد ان مفيش ريحة بنزين فوق الكنبه .. ولا حوالين المكان اللى بتملى منه بنزين

لو الكلام اللى فوق دا كله تمام .. اشتريها على بركة الله .

[Mohamed478]

طب لو سمحت لو عاوز اجيب حاجة موديل من 2001 الى 2004 اية هيا احسن الموديلات

قبل اى حاجه بس عشان لو كلامى باين غريب .. انا بشتغل فى الميكانيكا خارج مصر .. ودى طريقتى فى شرا العربيات .. لو هى غريبه عليك دا مش معناه انى معقد او مريض ، انا بس فى مكان مختلف .. فا اللى ينفع تعمله فى مصر اعمله و اللى انا بقوله و ميصلحش فى مصر .. اعتبر نفسك مقريتوش

شوف يا ريس ، اى عربية بى ام دابليو بمختلف موديلاتها فى التسعينات .. عيوبها واحده ، سواء كانت
e30 , e34. E36 . E39

اما تيجى تشترى العربيه دى مستعمله لازم تتأكد من التالى ...
1- الريداتير ... تأكد ان العربيه دى الريداتير بتاعها تعبان جداً .. و دايرة التبريد فيها عامة زى الزفت ، اتأكد ان الريداتير مش مخروم .. ولو لقيت العربيه دى شكل كبوتها بيدل على ان دايرة التبريد سواء الخراطيم العلويه او السفليه كانت بتسرب قبل كدا ، خلى بالك قوى لان ممكن تكون حرارتها عليت قبل كدا و تلبس فى موتور ضغطه مش صحيح او فى المستقبل يجيب معاك وش سلندر او تحتاج هيد ولا موتور كامل .

2- الهيدر بتاع الشكمان .. لازم تتأكد انه مش مفارق و مش مخرم ، و تنزل تحت العربيه تشوف الكاتليتيك كونفيرتر اللى هو علبة البيئه دا .. لو موجود ومش شايه ، اتأكد انه شغال ولو متشال اتأكد ان الشكمان اللى راكب مش متاكل ولا مخرم .

3- العفشه بتاعت اى بى ام فى التسعينات عيوبها تقريباً واحده .. بص عالمساعدين اللى ورا من عند الكوتش و من جوا الشنطه .. شيل فرش الشنطه و اوصل لقواعد المساعدين اللى فوق و انا مش متأكد ان كان اسمها بطاحات ولا لا .. و اضعط عالعربيه من عند الشنطه لتحت و سيبها ترد .. لو لقيت راس المساعد بتتحرك جامد اعرف انك هتلبس فى قواعد ( اللى هى الماونت ) قريب و احتمال فى مساعد .

4- لو العربيه فيها فتحة سقف جربها و جرب الوضع بتاع انها تبقى مقفوله بس مرفوعه لفوق لان دا متعارف عليه فى العربيه دى انه بيبوظ .. و جرب كل اوبشن فيها فى الكراسى و الازاز ..

5- اتأكد ان التكيف شغال .. و الكلتش بتاع التكيف هتلاقى قدام مروحة الريداتير من تحت ناحية الشمال وانت وشك للعربيه .. شغل التكيف ، و روح شوف الكلتش بيلف و يفصل ولا لا .. لان دا من عيوب العربيه المتعارف عليها برضه .

6- لما تيجى تجرب العربيه متخليش صاحبها يدورها قبل مانت تروح .. ولو كان دورها هتعرف من سخونة الموتور .. افتح الكبوتر و حط ايدك عند بطن الموتور لو لقيته سخن يبقى هو دورها قبل مانت تيجى .

7- العربيه دى من عيوبها ان العجل بيلزق فى الطنبوره ساعات .. مش عارف صاحبها هيرضى تعمل اللى هقولك عليه ولا لا .. بس جرب تفك عجله عجله .. انا شخصياً لما اشتريت عربيتى عملت كدا و العجله اللى ناحية اليمين قدام مرضيتش تطلع .

8- الباور ستيرينج من الحاجات اللى بتبوظ فى العربيه دى بسرعه .. اتأكد ان مفيش مشاكل .

9- و اخيراً .. اتأكد ان مفيش ريحة بنزين فوق الكنبه .. ولا حوالين المكان اللى بتملى منه بنزين

لو الكلام اللى فوق دا كله تمام .. اشتريها على بركة الله .

[Bmw-Lover]

Mohamed478


بصراحه مش هقدر افيدك فى القصه دى .. بعد 1999 معنديش معلومه للشرا .. عندى معلومه لو تصليح فقط و فى اضيق الحدود لكن قبل 1999 لحد 1992 انا معاك .